بعض أسباب غرق السفن


(Bassoom) #1

بعض أسباب غرق السفن

المركب ممكن تغرق بطريقتين :

الأول: إنها تغرق بطريقة عمودية…يعنى من غير ما تنقلب
و ده من اسبابه:

1- دخول المياه داخل السفينة بعد إصطدامها بسفينة أخرى أو بجبل جليدى مثلا
بعد الإصطدام المياه التى تدخل السفينة تؤدى إلى زيادة وزنها weight عن قوة دفع المياهBouyancy و بالتالى بتغرق
زى ما حصل مع تايتانيك…تايتانيك ما إتقلبتش
هيا صحيح مالت كتير بس ما إتقلبتش 180 درجة

2- دخول المياه داخل السفينة بسبب فتحة فى خزان tank متهالك
بيكون سبب دخول مياه إن فيه عنبر او تانك قديم مليئ بالصدى بينهار و يسمح بدخول المياه

3- المياه الناتجة عن عملية الإطفاء
عادة ما بيكونش الحريق هوا السبب المباشر لعملية الغرق…بالعكس ممكن المركب تتحرق عن آخرها و برضه تفضل عايمة (إلا لو كانت خشب).
لو مياه الإطفاء زادت عن حدها و كانت المياه دى متوزعة بإنتظام على جانبى السفينة…يبقى المركب ممكن تغرق

4- فقد المحرك الرئيسى
أحيانا ممكن يكون ده سبب من اسباب غرق المركب بطريقة غير مباشرة
لأن المركب من غير المحرك بتبقى من غير أى تحكم و الموج يوديها و يجيبها زى ما هو عايز…و بالتالى ممكن تخبط فى حاجة و تغرق.

5- إنهيار جسم السفينة
جسم السفينة ممكن ينهار نتيجة سؤ تحميل البضاعة أو نتيجة تهالك جسم السفينة أو نتيجة دخول المياه و زيادة الأحمال على جسم المركب

ثانيا: إنقلاب المركب…

و ده بيحصل عادة نتيجة فقد فى إتزان المركب أو بسبب موجة عالية قوية (بالنسبة للمراكب الصغيرة) نتيجة:

1-دخول المياه داخل السفينة بعد إصطدامها بسفينة أخرى أو بجبل جليدى مثلا
لو المياه إتجمعت فى ناحية واحدة…يبقى ممكن المركب تفقد إتزانها

2- دخول المياه داخل السفينة بسبب فتحة فى خزان tank متهالك
نفس الكلام برضه…لو المياه إتجمعت فى ناحية واحدة…يبقى ممكن المركب تفقد إتزانها

3- المياه الناتجة عن عملية الإطفاء:
و دى الحالة المشهورة خاصة فى سفن الركاب…لأنها ما بيكونش فيها فراغ يسمح بتوزيع المياه بإنتظام على جانبى السفينة…فتبفقد إتزانها

زى الحادثة الشهيرة للباخرة نورماندى

4- إنتقال البضاعة من جانب لآخر Shifting of cargo
لو البضاعة إنتقلت من جانب لآخر نتيجة عدم إحكام ربطها ممكن ده يخل بإتزان السفينة لدرجة إنه ممكن يقلبها (بالإشتراك مع الأمواج)

5- إنتقال جميع الركاب من جانب لآخر فى نفس الوقت
فى سفن الركاب لو إنتقل جميع الركاب فى نفس الوقت إلى الجانب الآخر…فده بيسبب عزم moment قد يؤدى إلى إنقلاب السفينة
و دى بتحصل عادة لما يكون فيه حادثة أصلا و تبدأ السفينة تميل من ناحية معينة…فالركاب من خوفهم بيجروا كلهم للجانب الآخر…فبتكون النتيجة إن المركب تنقلب من الناحية اللى جروا عليها

6- عنبر بضاعة مفتوح نتيجة عدم إحكام غلقه
حصل بالفعل إن فيه مراكب غرقت بسبب إن غطاء فتحة العنبر hatch cover كان غير محكم الغلق
فبالتالى فى وقت العاصفة إنفتح و أدى إلى دخول المياه إلى العنبر و إلى إنقلاب السفينة

بقى أن نؤكد على أن فقد إتزان السفينة لايعنى بالضرورة غرقها…ممكن تفقد إتزانها لكن ما تغرقش

لمزيد من المعلومات عن غرق النورماندى
http://www.answers.com/topic/ss-normandie?cat=technology


(XMIXX) #2

ربنا يباركلك يارب على مواضيع الجميلة يابسوووووووووم


(MONAYA) #3

الموضوع رائع جدا
بارك الله فيك


(قنديل البحر) #4

الموضوع جميل جدا
والصور كمان خطيرة وأحلي صورة بتاعة سفينة الركاب إللي إتكسرت
ولكن في حكاية مياه الإطفاء يعني مش كفاية إن السفينة هتتحرق لأ هيغرقوها كمان والناس يعيني مش بس هيموتوا محروقين لأ هيغرقوا كمان
ربنا يسلمنا ويسلم كل البواخر المصرية والعربية وخاصة إحنا في موسم حج وربنا يستر
كل عام وكل المنهدسين وطلبة وطالبات كليات الهندسة وخاصة طبعا قسم بحرية خير
وفي النهاية أحب أشكر حضرتك علي الموضوع وجوزيت خيرا إن شاء الله
والسلام عليكم ورحمة الله


(Bassoom) #5

جزاكم الله خيرا جميعا


(نورماندى) #6

موضوعك رائع جدااااااااااااااااااااااااااااااااااااا
نورماندى


(الخارق2008) #7

مشكور يا عزيزي ولكن هل لنا بمقلات عن معدات السلامة البحرية و طرق استخدامها يعني بصريح العبارة شيء له طابع سلامة وامان ولو وجد مقاطع فيديو فانتم مشكورين بكل الاحوال


(البحار2) #8

موضوع جامد فعلا

(mahmoud_diving) #9

ربنا يباركلك يارب على مواضيع الجميلة


(system) #10

اريد برنامج رسم السفن


(system) #11

شكراااااااااااا كتيييييير وربنا مايغرقلك مركب يا بسوووووووم


(system) #12

ممكن قبل ما تنشر موقع على منتدى تتاكد من معلومات موضوع كويس انا لايت فى حاجة فى موضوع مش معلومة صح احب ان اقول عنها للمهندسن مش سبب غرق سفينة .تايتانيك اول رحلتها إصطدامها جيل من جليد ولا لكن من الاسف ان مهندسين كتيرة فكرة كدة ولكن انا سبب الغرق الحقيقة ان جسم سفينة انخفض درجة حرارة السفينة لدرجها انها انكسرت وسبب فى اساسا هو تصميم ولا لكن اشعة اللى هما قالوها عن انها انصطدام جيل جليد علشان يبينو انهم مش مغفلين


(system) #13

شكرا


(system) #14

سبب غرق سفينة تايتانيك مش صح اتاكد من معلوماتك يا بشمهندس


(system) #15

سبب االغرق ان جسم سفينة متحملش درجة حرارة منخفضة وانكسر من جزء امامى من سفينة ويالتالى غرقت شكرا


(system) #16

يوجد بعض معلومات مش صح