١٧ خطأ شائع عند كتابة السيرة الذاتية


#1

هتحتاج تتجنبهم قبل التقديم على اى وظيفة!!

  1. متكتبش كلمة CV كعنوان, ده هيظهر انك مش فاهم
  2. متحطش صورة الا لو اطلب كده فى الاعلان والوظيفة فعلا محتاجة حسن مظهر
  3. اكتب ايميل بشكل محترف يوضح اسمك الثنائى من غير اسامى دلع او اختصارات
  4. متستخدمش الوان مختلفة ومتعملش برواز للـ Resume, ده غير احترافى
  5. متكتبش Objective تتكلم فيه عن امنياتك اللى عايز الشركة تحققها واكتب Summary عن مؤهلاتك انت وازاى هتفيد الشركة عشان تعينك
  6. متكتبش معلومات شخصية ملهاش لازمة او ملهاش علاقة منطقية بالشغل زى:
    “Single – Male – Place of Birth – انك معاك رخصة – هواياتك الشخصية”
  7. متكتبش كورسات ملهاش علاقة بالوظيفة او كنت بتعالج بيها اساسيات نقصاك زى المهارات الشخصية والانجليزى, ممكن تكتبها فى جزء الـ Skills
  8. الـ Education بتاعك مش ميزة عشان تحطه فى الاول خصوصا لو انت تعليم مجانى, خلى خبراتك فى الاول افضل
  9. متكتبش Job Description تحت الخبرات واتكلم اكتر عن انجازاتك والمشاكل اللى ساهمت فى حلها
  10. متزودش الـ Resume عن صفحتين خصوصا لو معدتش ال 5 سنين خبرة
  11. متكتبش مهارات شخصية فى الـ Resume وتقعد تمدح فى نفسك من غير اى اثبات, اتكلم عليها فى الـ Interview افضل,
  12. متكتبش اختصارات كتير, لان الـ HR مبيفهمش Technical
  13. متكتبش فى المهارات انك بتعرف تخش على النت وبتشتغل على الـ Windows, انت اذكى من كده, وضح قدرات ليها علاقة بالوظيفة
  14. اذكر انشطتك التطوعية وازاى فدت غيرك واستفدت منها فى مجالك
  15. متبعتش الـ Resume بتاعتك للشركات بشكل عشوائى ووضح انت مقدم على وظيفة ايه او مجال ايه بالتحديد فى عنوان ورسالة الـ Email بتاعك
  16. متكتبش حاجة مش واثق منها او معملتهاش لانك هتتسئل عليها
  17. متظهرش كل ورقك فى الـ Resume وخلى حاجة تتكلم عليها فى المقابلة
    افتكر ان الـ HR بيراجع الـ Resume بتاعتك فى اقل من 10 ثوانى وبعض الاخطاء دى ممكن تدى انطباع سىء عنك فا حاول تتجنبها