السلام عليكم
امتى يكون الفولت خطر على الاجهزة الالكترونية في المنزل ؟
مثلا 230 الى 240 خطر ؟
عندي استبليزر بيرفع الفولت ل 230 و 240 وهو اوتوماتيك نظام ريليهات الغريب انه مبيظبطش الفولت تلقائي ويثبته ل 220 سألت ناس قالت لي هو نظام الريليهات كده وناس تانيه قالوا لا ده عيب تصنيع المفروض ينزل الفولت تاني ل 220 والله احترت وتعبت كل شويه اغير جهاز انا كان عندي جهاز استبليزر موتور سيرفو نص كيلو كان دايما ظابط الفولت على 220 وبيعمل اصوات وهو بيظبط الفولت اما الريليهات ممكن يفضل على 230 او 240 اكتر من 4 ساعات وخايف يوصل ل 250 تبقى مشكله بس في ناس بتقول لي فيه كارت حمايه لو وصل 250 بيفصل عشان يحمي الاجهزه والله تعبت واحتارت انا عاوز حد يجيب لي معلومه مضمونه من الاخر عشان امشي عليه انا معرفش الجهاز ده فيه عيب تصنيع ولا لا هو ممكن يوصل ٢٠٠ واقصى شيء لحد الوقت وصل لها ٢٤٠ بس اللي لاحظته هو ظابط كهرباء المنزل وخايف يكون فولت ٢٣٠ او ٢٤٠ ضرر على الاجهزه بحيث تتلف بعد مرور فترة من الوقت شهر مثلا وجزاكم الله خيرا
كل جهاز يكون مكتوب علية مدى الفولت الداخل و المسموح به
النقاش السابق قد شرحته لك تفصيلا فى مشاركتك الأخرى و كيف يعمل كل من نوعى الستابلايزر
انت تريد أحد يقول لك هل هو جيد أم لا
حسنا لا احد غيرك يعلم طبيعة الأحمال و مدى الفولت المسموح لكل حمل و مدى الخرج من هذا الاستابلايزر
مشكور على ردك باشمهندس ماجد وحقيقي استفدت من شرحك كتير واللي لاحظته بليل والناس نايمه ان الجهاز مش بيسمح للكهرباء تترفع عن 240 ابدا بيقوم فاصل ومحول الفولت على 200 بدون تأثير على كهرباء المنزل من اضاءه وغيره اعتقد دي ميزه
بخصوص الاحمال بليل مفيش غير تلاجه وتلفزيون شغال
بالنهار الفولت يتراوح من من 220 او 225 او 230
انت ايه رائيك انا عارف اني زهقتك بس والله غصب عني انا خايف بس على الاجهزه بسبب ضعف الكهرباء في السابق باظت لي غسالة زانوسي اوتوماتيك ولاني اهملت سنه ومجبتش استبليزر وكنت بشغلها عادي ضعف الموتور جامد وتفكك الشاسيه ونصحني الفني بواحده جديده
وطبعا انت عارف الكهرباء مفيهاش هزار
بالنسبة للاحمال ليلا انا وضحتها لحضرتك وبتوصل 10 امبير فقط مع ان اقصاه 50 امبير ال 10 امبير لو شغلت مع التلاجه والمراوح والتلفزيون السخان والموتور لو مش مشغل السخان والموتور بيوصل نصف امبير هو معدل استهلاك المراوح والتلفزيون ولمبات الاضائع سواء نهار او ليلا فهل كده انا افادتك؟
معدلات الفصل ليلا اثناء نوم الناس مره كل نص ساعه تقريبا وممكن ازيد بس مروحة شفط الحرارة بتكون سريعه اوي ولها صوت بتسحب الهواء الساخن
النقطه اللي فهمتها ووصلت لها الجهاز عمره ما يتخطى 240 لو هيتخطى بينزل الكهرباء ل 200 ثم ترتفع تدريجي فلو وصل اكثر من 240 يرجعها تاني بس مش ورا بعضه طبعا
كل الاجهزه عندي تتحمل من ٢٢٠ الى ٢٤٠ ماعدا الاستبليزر لا اعلم عنه شيء سألقي نظره في الكتالوج واخبرك واشكرك على جهودك معي واثراء المنتدى بمعلومات يندر وجودها في المنتديات الاخرى