5 طرق علشان تتعلم من موقع لينكدان

5 طرق علشان تتعلم من موقع لينكدان

من خلال الطرق دي ممكن تتعلم حاجات صعب تتعلمها في اي مكان تاني :smiley:

1- الطريقة الاولي واللي ناس كتير بتستخدمها علشان تتعلم انا شخصيا اتعلمت منها حاجات ملقتهاش في النت كله ولقيت مصادر لينكات مفيدة بشكل قوي جدا جواها هي انك تبحث في الـ Groups ايون الجروبات علي لينكدان الجروبات مختلفة عن الفيس بوك هتلاقي جواها حاجات كتير مفيدة وحاجات متتخيلهاش مثلا لو عاوز تتعلم الـ Supply chain علم جديد وصعب تلاقيله ماتريال بمنتهي السهولة هتلاقي علي لينكدان
ولو انت بتتعلم لغة ممكن كمان في فلتر البحث بتاع الجروبات تلاقي اللغات اختار اللغة اللي انت عاوزها وهيجيبلك الجروبات اللي باللغات دي

2- وهي انك تدخل علي الـ Pulses ودي بيبقي فيها افضل ناس بيكتبوا في لينكدان في جميع المجالات وتقدر تدخل عليها من اللينك دا

https://www.linkedin.com/pulse

وهتلاقي كلمة pulse ممكن تدوس عليها هيظهرلك المجالات اختار اللي انت عاوزه

دا مثلا لينك علشان تتعلم ريادة الاعمال وازاي تبدأ بيزنس
https://www.linkedin.com/pulse/channel/entrepreneurship

ودا لينك لو انت عاوز تتابع مقالات جديدة باستمرار في السوشيال ميديا

https://www.linkedin.com/…/peeples-truth-license-reveals-tr…

وفي مجالات كتير زي التسويق والاقتصاد والسياسة وغيرهم كتيييير جداااا :slight_smile:

الميزة بقي انه بيقولك مين الكاتب والكاتب دا غالبا بيبقي عنده خبرات كتيرة في المجال اللي هو كاتب فيه وانت ممكن تبعتله وتتواصل معاه لو اللغة عندك كويسة … حقا العالم اصبح قرية صغيرة :smiley:

3- الجامعات وهنا ركزوا شوية خصوصا الناس اللي عاوزة تسافر منح او تعرف مناهج الدراسة برة في جامعات العالم ادخلوا علي اللينك دا

هتلاقي لينكدان بيقولك get started

هتختار الجامعة اللي عاوزها او اللي بتفكر ونفسك تروحلها وهتلاقيه ظهرلك صفحة الجامعة ادخل عليها هتلاقي موظفين كتير فيها وناس بتفكر تدرس فيها
مش بس كدا كمان لو عندك سؤال بخصوص الدراسة هناك هتلاقي ناس بتساعدك وتقولك تعمل ايه علشان تدرس في الجامعة دي :smiley:

4- موقع Slideshare.net واللي اشتراه لينكدان تقدر تدخل جواه وتسريش علي اي ماتريال من اي نوع في اي مجال وهتلاقي كتييييييييييييييير جداااااااااااا عربي وانجليزي بس الانجليزي افضل واكتر :smiley:

5- ادخل علي لينكدان وبعدين هتلاقي في البار اللي تحت السيرش كلمة interests لو وقفت عليها هتلاقي قائمة ظهرت اخر حاجة هي الـ online learning لو دوست عليها هيحولك لموقع ليندا واللي اشتراه لينكدان كمان مؤخرا علشان الناس اللي عنده تتعلم وتستفيد باشتراك شهري 25 دولار هتتعلم من اكبر مصدر وافضل مصدر لتعلم الكورسات الاون لاين في جميع المجالات حقيقي مفيد جدا جدا جدا وممكن تعمل free trial وتجرب اكيد اكيد هتستفيد منه.
شاركونا مجتمع فريق هنساعدك تبدأ لمعرفة كل جديد :slight_smile:
وبالتوفيق للجميع وربنا ينفعكم وينفع بكم جميعاً :heart_eyes:
المصدر صفحة : هنساعدك تبدأ

إعجابَين (2)