5 مواقع عليك أن تدمنها أكثر من فيسبوك وتويتر !
( 1 )
موقع تيد TED
تقريبا مش بيعدي يوم إلا ولازم ادخل علي تيد ، TED
هي اختصار لـ Technology تكنلوجيا Entertainment ( ترفيه) . Design ( تصميم )
تيد عبارة عن مؤتمر أو قاعة محاضرات بيجيلها الناس من مختلف أنحاء العالم ، وألقى فيها محاضرات ناس مبدعين زي بيل جيتس ( مؤسس شركة Microsoft) ، بيل كلينتون ، لارى بايج (مؤسس Google) وغيرهم كتير ،، الفكرة ان TED بـ يمنحهم 18 دقيقة كحد أقصى لإلقاء أفضل محاضرة في حياتهم … وبتكون فعلا رائعة .
اللينك ده فيه كل محاضرات الموقع مرتجمة للغة العربية
https://www.ted.com/talks/browse?language=ar
محاضرة يوميا هتفرق كتير :))
( 2 )
موقع Udacity أو coursera
الموقع ده من ضمن المواقع اللي بدفع إشتراك النت عشانها ، واحد من أشهر مواقع الكورسات الأونلاين علي النت ، هتلاقى عليه كورسات مجانية في كل المجالات وأحيانا بتاخد شهادة بعد ما تخلص الكورس ، الموقع كنز لأى حد عايز يتعلم ، الكورسات بتكون باللغة الانجليزية ، فحاول تحسن من لغتك عشان تقدر تتفاعل مع كل محتويات الكورس وحلقات النقاش
https://www.udacity.com/ . https://www.coursera.org/
( 3 )
موقع رواق
أغلب المحتوى العلمى علي النت بيكون باللغة الانجليزية ، وده بيكون عائق أمام بعض الناس اللي مستوى اللغة عندهم ضعيف . المحتوى العربى الفترة الأخيرة بدأت تظهر فيه بعض المواقع المحترمة واللي مبذول فيها جهد رائع ، زى مثلا رواق
رواق هي منصة بتقدم كورسات باللغة العربية فى مختلف المجالات ، انا تابعت منهم 3 كورسات واستفدت جدا منهم ، الكورسات كلها مجانية والتسجيل فيها سهل جدا
http://www.rwaq.org/
( 4 )
موقع ويكى هاو
" إسأل مجرب ولا تسأل حكيم “
نفسك تعمل حاجة معينة ومش عارف الطريقة ، طريقة عمل المكرونة مثلا ؟ ، التزلج علي الجليد ؟ رسم ؟ … الخ
” الموقع ده موسوعة عن كيفية عمل أي شيء، و لذلك جميع مقالات ويكى هاو تبدأ بـ ( كيف ) أو “
How to"
ما يقرب من 100 ألف مقال في شتى مجالات الحياة ، والفيديو لا يتعدي الـ 10 دقائق ، يعني ممكن تسمعه وانت واقف في المترو
الموقع متوفر ب 60 لغة منهم العربية
http://www.wikihow.com/Main-Page
( 5 )
موقع العلوم الحقيقية ، أو الباحثون السوريون
الموقعين رائعين ، بينشروا أحدث ما وصل إليه العلم من أبحاث واكتشافات ومقالات مترجمة ، بالإضافة لمقالات في أغلب مجالات الحياة ( طب - رياضيات - اقتصاد - نفس - … )
تابعهم وهتستفاد جدا ان شاء الله
http://real-sciences.com/
http://www.syr-res.com/
المواقع دي لو حضرتك تابعتها بشكل يومى ، مقدار العلم اللي ممكن تحصله منها يعادل العلم اللى أخدته في التعليم الحكومي ويزيد ، وكل اللى انت محتاجة ( كمبيوتر - نت - قلم وورقة - وحبة ارادة )
المصدر :
إتعلم