New wind turbine design

ممكن اتعرف بكم ؟؟؟؟ انا لسة معرفش حد !!!

بارك الله فيك أخى مصطفى صبحى وجزاك الله خير
اخوك فى الله عبدالظاهر سعيد عبدالظاهر
خريج هندسة أسيوط قسم ميكاترونيك 2006
أعمل مهندس صيانة بمصنع sis للصناعات المغذية للسيارات

اختك منار
خريجة 2010 "المعهد العالي للتكنولوجيا ببنها "مهندسة كهرباء تحكم
زيك بالظبط ان شاء الله من ناحية الانتظار
وان شاء الله محتاجة تصميم الريش بتاعت التوربينة عشان ابدا في الدراسات العليا ان شاء الله لانى شغلى هيكون كهربي بس حبيت الموضوع يكون قائم على شغل ميكانيكى ممتاز

فاهمة الماكروكنترولر ؟ مهم اوي في التصميم لان في حاجة اسمها cut in - cut out سرعة الدخول والخروج ودول بيتحددوا ميكانيكيا فمن الممكن انك تحدديهم الكترونيا
لان لو سرعة الرياح زادت ممكن تكسر الريش ده غير ان في حاجة اسمها rate power مثلا عند سرعة رياح 8 تظل القدرة ثابتة مهما زادت بعدها سرعة الهواء وذلك بإخراج التربينة تدريجيا او التحكم بزاوية الهجوم كما سنرى فيما بعد
فهمتي الجزء اللي فات عشان نكمل ؟

اهلا وسهلا وان شاء الله نقضي مع بعض وقت نستفيد فيه كلنا
فهمت الجزء اللي فات ؟ عشان نكمل

إحم إحم
أنا بقى أبو أنس محمد صلاح الدين محمد
خريج ميكانيكا إنتاج جامعة القاهرة 2004 يعني العجوز بتاع المنتدى
كنت الثالث على الدفعة ورفضت التعيين في عام 2005 (كحادثة الأولى من نوعها في تاريخ ميكانيكا القاهرة) لأنني كنت عملت بالفعل كمهندس تصميم أوعية ضغط ومبادلات حرارية في شركة بتروجت والآن أعمل في المملكة العربية السعودية
لدي خبرة في التصميم الميكانيكي والخامات وشوية في اللحامات

من عشاق منتدى المهندس ومحبيه وأرجو أن أخدمه بوقتي كله

الحمد لله فهمته لان مشروع تخرجى كان عن نفس المحور فكنت بقرا فى الموضوع ده بس جزاك الله خيرا معلومات منظمة وجميلة رتبت افكارى وفيها جديد كتير بالنسبة لى بس في استفسارات يعنى ايه "سيكرومترية " كمان مش شايف ان المفروض المعالات تكون dynamic بالنسبة للتغير المستمر واللى بيحصل ؟ وانا متابعه معاك ان شاء الله اما الميكرو كنترولر فانا الحمد لله فاهماه كويس وبشتغل على 8052 و8051 كهاردوير

أكيد فهمته وبارك الله لك وجزاك الله كل خير

معرفة احتمالات سرعة الرياح و السرعة السائدة
من المهم معرفة سرعات الرياح وتتكرارها عبر الزمن فمثلا اذا كانت التربينة مصممة للعمل حتى سرعة 15 م \ث مثلا فما عدد الساعات السنوية التي تزيد فيها سرعة الرياح عن هذا الحد - او معدل القدرة rate power ( عندما تكون القدرة الناتجة متساوية ) في حدود السرعة من 7 الى 15 مثلا فما احتمالات سرعة الرياح في هذا المدى
الاجابة : هناك نموذجين واحد صعب اسمه ويبول ويعدتمد على متغيرين واخر اسهل اسمه رايلي و يعتمد على متغر واحد ونتاجه اقل دقه . خلينا مع السهل لان اخر يحتاج امكانيات
f(va)=exp(-(3.14/4)(va/v)^2
حيث va هي سرعة الرياح المراد حساب الاحتمال عندها و فوقها
v هي متوسط سرعة الرياح في المنطقة عبر اطول فترة ممكنة و يفضل سنة باكثر عدد من القراءات ( جيبها من ياهو محطة اسكندرية )
ومن المعروف ان الاحتمالات لا تزيد عن واحد ولا يقل عن الصفر بحيث ان الرقم 1 يعني 100%
ومن المعروف ايضا ان عدد الساعات السنوية 8760 ساعة فبعد حساب الاحتمالات اضرب في هذا الرقم لايجاد عدد الساعات السنوية التي تكون فيها سرعة الرياح اكبر من او تساوي va
طيب لو عايز احتمال سرعة الرياح بين رقمين او سرعتين اولا هتحسب احتمال سرعة الرياح للرقم الاصغر ثم تطرحه من احتمال سرعة الرياح للرقم الاكبر وبالتالي تحصل على احتمال المدي بين سرعتي رياح او تجيب المتوسط بين سرعتي الرياح وتعوض في القانون الاتي
f(va)=1-exp(-(3.14/4)
(vaa/v)^2
حيث vaa هي متوسط سرعتي الرياح المراد حساب الاحتمال عندهم
مثال : اذا كانت لديك خمس قراءات لسرعات الرياح هي 3-7-6-9-10 م\ث اوجد عدد الساعات في السنة والتي يكون فيها سرعة الرياح في المدى من 6.5 و 7.5 م\ث كذلك اوجد عدد الساعات في السنة التي تكون سرعة الرياح فيها اكبر من او تساوي 15 م\ث
حل المثال ده كويس والناتج على التوالي سيكون 896.15 - 239.15 ساعة في السنة لو الناتج مطلعش كدة قول عشان ابقى احله لانه مهم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ثانيا :
اي سرعة لاي محطة ارصاد بتكون على ارتفاع 10 متر وعلى ظروف قياسية و التربينة بتكون على اي ارتفاع المهم ان عند سطح الارض بتكون سرعة الرياح صفر وتزيد كلما ارتفعنا لاعلى ( ميكانيكا موائع ) حتى نصل الى ارتفاع 2 كيلومتر !!! الذي عنده تثبت سرعة الرياح - وهذا تفسر ليه القدماء بيقولوا لو يوجد ريح نام على الارض - المهم انه كلما ارتفعنا بالتربينة يكون افضل ولكن كيف اعدل سرعة الرياح المأخوذة من الارصاد او اللي انا قايسها لتناسب وضع التربينة لان اهمالها هيؤثر في الحسابات بل قد يتلف النظام ككل .
المعادلة هي
vz=v10 *ln(z/z0)/ln(10/z0)
حيث vz سرعة الرياح عند ارتفاع التربينة ( المراد حسابها )
v10 سرعة الرياح عند ارتفاع 10 متر
z ارتفاع التربين
z0 معامل الخشونة الطولي ويساوي 2 في المدن الكبيرة- 1 في القري والغابات - 0.5 وعر جدا 0.03- مكشوف -0.1 وعر او اراضي زراعية- البحر 0.0002
كفاية كدة المشاركة دي بس افهموا الكلام كويس عشان كدة دخلنا في المعمعة

احم احم
مسرور بمعرفتك و ان شاء الله نقضي وقت مفيد مع بعض

ياريت تبقي تفهمهولي عشان نفسي اتعلمه
والخريطة السيكرومترية هي خريطة تحديد خواص الهواء

اكيد طبعا انا تحت امرك ان شاء الله كفايه شغلك معانا والله بجد ربنا يكرمك انا على العموم بقرأالمشاركة الاخيرة عشان افهمها

على فكرة من ساعة ما قرات المشاركة الاخيرة وانا اشعر انى انا هبعد عن الموضوع ده انا كمهندسة كهربا مش ميكانيكا بمعنى اوضح يمكن انا اللى مكمنتش واضحة في تفسير غرضى رغم انى فهمت من حضرتك لان اسلوبك جميل ماشاء الله بس حاجات جديدة عنى خااااااااااااااالص

قال رسول الله عليه وسلم ( خيركم من تعلم العلم وعلمه )

جزاكم الله خيرا على مساعدتى وشكرا جزيلا مهندي مصطفي على الايضاح والمساعده ارجو ان يكون التوفيق حليفكم

شكرا على الافادة والايضاح

بيان الريشة من الاخر زي ما عايزين

[..](http://fashion.azyya.com)

اي استفسار ؟

بارك الله فيك وجزاك الله خير يا هندسة