Broadcast Engineer ( Tooooooooooooooooo Important Idea

مهندس استوديو تلفزيون (Broadcast Engineer)

ا[B]لغرض من الموضوع ياجماعة اني عايز فعلا افيد اصدقائي الطلبة من كليتي اللي اتخرجت منها 2005…اسمي كريم مهندس استوديو تلفزيون ومهندس مشروعات لانشاء وتصميم وتنفيذ القنوات الفضائية بكافة تخصصاتها

طبعا في كورسات كتير اوي وفي مجالات كتيرة جدا بس متكررة وكلها بتخدم نفس الفكر ونفس المجال اللي اصلا في زخم رهيب من توافر اعداد رهيبة تشتغل فيه زي طبعا عنوان المقال عارف ان بنسبة 99% مفيش اي حد يعرف معنى كلمة Broadcast Engineer باختصار مهندس استوديو تلفزيون بيكون هو المهندس المسئول عن كل مايخص الاجهزة الهندسية اللي بتخرج عن طريقها القناة للهواء ليكم وبتشوفوفها في النهاية بكل بساطة عالتلفزيون عن طريق الريسيفر.

مش حتكلم عن متعة المجال ده قد ايه في المعرفة وفي حب كل واحد انه فعلا حيحب يشتغل فيه لان كل مافيه جديد ومتجدد مش حقول سنويا ممكن شهريا وفيه متعة رهيبة في انك تشوف كل جديد وتستخدمه في شغلك.
بكل اسف مفيش كلية في مصر سواء خاصة او حكومية بتخرج التخصص ده رغم انتو شايفين الميديا عاملة ازاي وكل يوم قنوات جديدة وفي طفرة رهيبة الفترة الجاية في وجود قنوات وافتتاح قنوات من كل انحاء الدنيا عندنا لان مفيش دولة في الشرق الاوسط فيها حرية دلوقتي اعلامية زي مصر يكفي ان مفيش وزارة اعلام خلاص.

الحمد لله احنا مجموعة من المهندسين انا الوحيد منهم من منوفية وخريج هندسة منوف بطريقة ما اقنعتهم اني عاوز اعمل حاجة فعلا جديدة ومفيدة لخريجيين كليتي وصممت تكون في منوف وهي اننا عايزين نبدا في صورة سنتر تدريبي اننا نبدا كورس كامل وشامل عن كل مايخص مجال الميديا من اول الفهم العام لطبيعة الشغل في المجال ده وبالتبعية كل فرع منه بالشرح التفصيلي لكل الاجهزة وكل المعدات وكل مايخص انشاء قناة فضائية من الالف للياء للمرحلة الاخيرة ان كل متدرب يقدر في النهاية التدريب يقرأ ويفهم الرسومات الهندسية الخاصة بكل قناة ويقدر يفهم اي بلوك رسمي لاي قناة في العالم.

الموضوع ده اللي بتكلم فيه صعب لابعد الحدود لان مجال الميديا كبير وفيه فروع كتيرة بس في النهاية مهندس الاستوديو بيكون ملم بيها كلها وبيكون مسئول عنها على فكرة انا بطرح الموضوع علشان اشوف تجاوبكم في القصة دي لاني لو ملقتش اهتمام اكيد مش حجازف وحعمل حاجة زي كده لان مفيش وقت نهائي لاي مهندس في المجال ده
الكورس مش مسالة كورس وفلوس بتندفع…لان ده مش هدف نهائي الهدف النهائي ان الكل حيكون مؤهل للعمل في مجال الميديا بكل فروعه من اول مهندس استوديو مهندس كنترول روم - مهندس بلاي اوت - مهندس صوت - مونتاج
الكورس حيشمل كل حاجة ممكن تشوفوها في اي قناة على مستوى العالم لان لغة broadcast واحدة. كمثال

CAMERA OF STUDIO - CAM CORDER - VISION MIXER -AUDIO MIXER - ROUTER - SERVERS - REFRENCE - GRAPHICS - VIRTUAL STUDIO - LIGHT ENGINEER

عايز اقولكم ان كل حاجة من دي فيها الكتير والكتير من المعلومات والدراسات اللي تؤهلكم تشتغلو في اي مجال منها
طبعا المشكلة ان المجال ده مش حتعرفو ولا حتلاقو اي معلومات او شروحات عنه في اي كتاب او موقع سواء عربي او انجليزي لاني عارف ان مفيش حد في مصر يقدر فعلا يدرس او يكون بيعمل في المجال ده وعنده من الوقت انه يفكر يعمل كده انا فكرت اني بالتعاون مع مهندسين خبراء في المجال ده اننا نعمل كورس بسعر في متناول الجميع حنجمع كل المواد المصورة بالصور والفيديو عن كل حاجة وكل جهاز فاي حاجة موجودة في القناة من اول مرحلة انشاء قناة لحد اما تكون عالهواء مباشرة وتجميع كل المواد دي من الشركات المتخصصة في كل حاجة على مستوى العالم بحيث حتكون المرجع الاساسي للكورس مش مجرد كلام وورق من غير اي معنى للشغل العملي
طبعا مش متاح لاي حد انه يشوف القنوات من الداخل الاستوديو - البلاتوه - التصوير - المونتاج - …الخ كل ده حيكون متاح ليكم لاني بجمع وبعمل تصوير لكل حاجة ممن تشوفوها فاي قناة بحيث انها تعوض انكم تشوفها حقيقي لحد اما ربنا يكرمكم وتشتغلو في قناة تلفزيونية

انا طولت اطالة رهيبة بس غصب عني بجد لاني متحمس فعلا اني اعمل حاجة تفيدكم واني احس ان فعلا يكون ليكم هدف غير المصانع والشركات المحدودة بالنسبة للملايين المهندسين الموجودين في السوق في نفس المجالات

ياريت فعلا الاقي ردود منكم لمدى استعدادكم فعلا انكم تدخلو المجال وعالم الميديا وفعلا تستفيديو وتخرجو لسوق العمل في مصر وخارج مصر في الدول العربية[/b]

موضوع شيق يا بشمهندس وان شاء الله نحب نعرف عنه المزيد

القناة التلفزيونية تشتمل على :-
استوديو التصوير ( البلاتوه ) :
وهو المكان الذي يتم في تصوير البرنامج داخل القناة يختلف بطبيعة الحال باختلاف طبيعة البرنامج ( توك شو - ترفيهي - طبخ - برنامج يومي … الخ )
يوجد بالطبع الديكورات داخل البلاتوه الخاصة بكل برنامج بالقناة ويتغير كل مدة زمنية على حسب خريطة البرامج بالقناة وتغيير بعض البرامج بها.
بالطبع الديكورات لها تكاليف باهظة وتاخد الكثير من الوقت والمجهود وفي نفس الوقت تكون خاصة ببرنامج واحد فقط بالقناة وتاخذ حيز كبير من البلاتوه وبذلك تشعر بالملل من تكرار رؤية نفس الشوتات ونفس المناظر كل يوم
لذلك اصبح هناك نوع اخر يسمي بالاستوديو التخيلي وفي هذا النوع لا نحتاج اطلاقا الى اي ديكور … كل مانحتاج اليه داخل البلاتوه حوائط وارضية بمساحة معينة ومدهونة بطلاء معين من مادة معينة باللون الاخضر غالبا فيها يكون المذيع والضيوف جالسين ورغم ذلك وبطرق ما عن طريق تصميم جرافيك وبسنسورات على الكاميرات لنقل الحركة تظهر الصورة النهائية للمشاهد وكانهم يجلسون في القصر الجمهوري او في وسط المحيط او في الفضاء الخارجي او اي ديكور ممكن تصميميه يخطر على بالك دون التقيد باي شئ فقط تصميم الجرافيك ببرامج معينة وبذلك تستطيع الخروج بمئات البرامج المختلفة في الشكل والمضمون في القناة من نفس المكان دون وجود اي ديكور فعلي

ده شرح بسيط موجز جدا لحاجةمن مئات الحاجات اللي المفروض حتكون في الكورس ياريت فعلا يكون في استفادة باي شكل من الاشكال

مهندس/كريم

[SIZE=4]نت[B]كلم عن الكاميرات :-
الكاميرات تنقسم الى قسمين بصرف النظر طبعا عن نوع وموديل الكاميرا وامكانياتها
اولا كاميرات الاستوديو :-
وهي تلك الكاميرات ذات الخصائص الفريدة في جوده التصوير وامكانات هائلة في معالجة الفيديو الخارج من حيث الجودة والروزوليوشن واشياء اخرى كثيرة بالطبع تلك الكاميرات ذات تكلفة عالية . تكون تلك الكاميرات داخل البلاتوه بالاستوديو وكل كاميرا يكون عليها مصور متخصص فالبرنامج الواحد تصل احيانا كاميرات تصويره الى اكثر من 5 كاميرات لاخذ العديد من الزوايا والشوتات .
خرج كل كاميرا من تلك الكاميرات تذهب الى جهاز تحكم في غرفة التحكم control room وهناك فني متخصص يقوم بظبط العديد من الخصائص والعديد من الخيارات في كل كاميرا على حسب زاوية التصوير والاضائة بالتشاور مع المخرج بغرفة التحكم

النوع الاخر من الكاميرات هو كاميرات التصوير الخارجي :-

بالطبع هناك القنوات الاخبارية وكذلك القنوات الاخرى التي يكون بها تصوير خارجي وفي تلك الحالة تختلف تلك الكاميرات بطبيعة الحال اختلافا تاما عن كاميرات الاستوديو…فهي كاميرات تتميز بالخفة في الوزن ومحمولة كما انها تقوم بالتسجيل سواء كان على شرائط او على هارادات … مدمج بها في الغالب المايك لخرج الصوت عكس كاميرات الاستوديو مجرد كاميرات للصورة فقط لاغير
ايضا بالامكان تركيب وحدة اضائة لتسليط الضوء في حالة الظلام او التصوير الليلي بالطبع بها العديد من الخصائص المختلفة وكل نوع له امكانياته التي على اساسها نستخدمها[/b][/size]

ماشاء الله يا بشمهندس معلومات شيقه فعلا وموضوع يستحق الدراسه والمعرفه
جزاك الله كل خير

First , Thanks For Trying To Help Others
Second , This Is A Good Topic To Be Taken Into Consideration
And It Will Be A Big And Interesting Field To Be Studied …
God Help You And We Wait A lot About It…

شكرا عالاهتمام والمرور الجميل من ناس جميلة بعتز بيهم

[B][SIZE=4]فكرة عامة عن audio & video

لازم نعرف ان في القنوات ومجال الميديا لو حنتكلم عن الاستوديو استكمالا لحديثنا والبلاتوه احنا اتكلمنا عن حاجة من اهم مايكون وهي الكاميرات طبعا الكاميرات بتختص بالتصوير والخرج اللي بنحصل عليه منها هو الفيديو الخارج لكن فين الصوت…ممكن تعتقدو ان الكاميرات ملحق بيها مايكات الصوت بس طبعا الكلام ده خاطئ تماما
في مجال الاحتراف والقنوات التلفزيونية في حالة التصوير والبرامج لازم نعرف حاجة مهمة اوي ان الصوت ليه ادواته الخاصة واجهزته الخاصة بعيد تماما عن اجهزة الفيديو والصورة زي الكاميرات بمعنى ان بالبلدي طريق الفيديو لوحده ماشي بالتوازي مع طريق الصوت وفي النهاية بيتجمعو وبينضافو على بعض علشان في النهاية الخرج النهائي للقناة بتوصلك الصورة ومعاها الصوت.
طبعا اهم واسهل حاجة ممكن نتكلم عنها في الصوت هي المايكات وفيها انواع كتيرة جدا منها اللاسلكي والسلكي والايربيس اللي بتتركب في اذن المزيع علشان المخرج يقدر يتواصل معاه وفيه النيك مايك وانواع متعدده كلها بتؤدي غرض واحد وهي نقل وتوصيل الصوت…طبعا كل المصادر اللي بتتنقل من المايكات بتوصل بما يسمى ميكسر الصوت وهو عبارة عن feeds او قنوات متصل به كل مصادر الصوت ويقوم مهندس الصوت برفع القناة اللتي يريد ان يسمعها المشاهد والعكس صحيح او مثلا رفع قناتين بحيث يكون صوت المزيع وخلفية هادئة من الموسيقى كل ذلك عن طريق ميكسر الصوت للعلم ميكسر الصوت هو كما تشاهدونه في تسجيل الاغاني للمغنيين

نفس الكلام بالنسبة لخرج الفيديو والتصوير من الكاميرات…كل المصادر المختصة بالفيديو تتصل بما يسمى بميكسر الصورة وايضا يقوم فني الميكسر وبتعليمات من المخرج بالتقطيع بين المصادر المختلفة للصورة كمثال البرنامج يصور ب 5 كاميرات المخرج يخبر فني الميكسر كاميرا واحد فيضغط على القناة الخاصة بكاميرا واحد فتظهر هي للهواء وحينما يقول كاميرا 4 يضغط على القناة الخاصة بكاميرا 4 فتظهر وهكذا يتم التقطيع بين كل مصادر الصورة.[/size]
[/b]

طبعا اولا شكرا على مجهودك انا فى هندسه منوف قسم تحكم وانا نفسى اشتغل فى مجال هندسه الصوت بس طبعا مافيش فى مصر كليه بتهتم بالمجال ده بس اعتقد ان من خلال broadcast engineering ممكن اقدر اشتغل فيه وطبعا انا هاتابع معاك علشان اعرف اكتر وياريت فعلا يكون فيه كورسات وشكرا

اهلا بيك يامحمود طبعا هندسة الصوت والشغل في مجال الصوت من امتع الحاجات في مجال الBroadcast يمكن مفهوم مهندس الصوت عندنا في مصر كشغل في مجال القنوات كلها مش مظبوط لانه بيتحول لفني صوت بيشتغل على جهاز ميكسر الصوت انما طبعا فالدراما والانتاج التلفزيوني والمسارح وميكساج وتسجيل الاغاني طبعا الموضوع بيختلف وبيكون فيه مهندس صوت متخصص
طبعا في ندرة في موضوع مهندسين الصوت في مصر ويعتبر احتكار على اشخاص قليلة في مجال كبير جدا وده السبب الرئيسي اني حابب فعلا يكون في سنتر تدريبي متكامل للخرجين وللطلبة بحيث انهم يطلعو عارفين ودارسين وفاهمين كل مايخص مجال الميديا وطبعا فيها فرع هندسة الصوت والشغل على ميكسر الصوت وعموما انا كنت طارح الموضوع كفكرة عامة لان الموضوع مكلف جدا بالنسبالي ماديا لتغطية التكملة المادية للكورس لانه مش مشروع ربحي ومش ينفع يكون باجر عالي علشان اكبر قدر يستفيد والمشكلة الاكبر في العامل الوقتي لان فعلا بكل اسف مجالنا بيكون فيه عامل الوقت مش موجود اصلا والخبراء اللي حابب يكون ليهم اجزاء يدرسوها اكيد مش سهل بس مصمم ان بجد كليتي وطلابها يستفيدو وفعلا يكون في خرجيين في المجال ده يغطوه لانه كبير جدا ومتسع لعماله كبيرة بس بكل اسف الغلط في مفهوم التعليم في مصر عامة

معاك طبعا ان مفهوم التعليم غلط بس الواحد بيحاول يجتهد على اد الامكانيات المتاحه ويطور نفسه وانا متابع معاك لو فيه حاجه جديده وشكرا على ردك

Really im interested to learn this topic but im wondering if i can because im mechatronecs engineer maybe its hard to start from beginning

this topic is not related to specify department
you can easily learn it IAS

so when we will start

are you finished your course or not
thanks anyway
:slight_smile:

جزاك الله خيرا

شكرا لكل المهندسين الافاضل على مرورهم الكريم وبعتذر بجد في انشغالي الدائم وعدم متابعتي للموضوع لكن ده كان بسبب اني لقيت الاقبال والاسئلة قليلة جدا في الاول من الناس علشان كده توقعت عدم اهتمام من الناس بالمجال ده!!!1
اي بالنسبة للاستفسار عن التخصص وامكانية عمله في المجال ده اقدر اقوله ان يقدر بكل سهولة لو اجتهد يشتغل في المجال الجميل ده بالنسبة لميعاد الكورس فاكيد غصب عني اني محددتش حاجة وغصب عني لاني فعلا مشغول جدا والسبب الاهم في الاعداد المطلوبة اللي ممكن تمكنا من بدأ كورس زي ده . متشكر كتير لكل الردود والاهتمامات في مجال Broadcast
وتحت امركم في اي اسألة واستفسارات

بم ان انتوا اخيرا حققتوا اللى كان نفسى فيه انا كمان شغال مهندس بث وارسال تلفزيونى واذاعي وعملت مهندس صوت ايضا لدي احدي الاذاعات
ويا بخت من نفع واستنفع الاخ اللى عاوزه يبقى مهندس صوت ؟؟ اذاعي ام تلفزيونى؟؟

طبب ممكن حضرتك تشوفلى وظيفه انا خريج هندسه اتصالات 2010 ولسه مشتغلتش