فكره غريبه فى عقلى(العلاقه بين القدم وال foundation) (ارجو الافاده)


(eng_ibrahem) #1

[CENTER][I]السلام عليكم ورحمة الله وبركاته

اخوانى المهندسين

قد راودتنى فكره
وممكن تكون فكره اى كلام
ولكنى اريد احد مهندسينا الكبار ان يفيدنى فيها

احنا عندنا فى تصميم الاساسات للمبانى
فى انواع اساسات كتير وليها اكتر من شكل
وممكن نحطلها خوازيق
وممكن يبقى فى لبشه كبيره

ولكن …

ولكنى نظرت الى قدمى فوجدت انى اقف على قدمين فقط

مع انى علمت ان الجسم يحتاج فى الحقيقه الى اربع اقدام ليكون متوازن (stable)

وعندما سالت عن كيفية وقوفنا اذن ما دمنا نحتاج الى اربع رجول
فعلمت ان السبب هو
التجويف الموجود فى القدم
فهذا يغنى عن قدمين اخريين

قلت اذل لو تخيلنا ان ساق القدم بمثابة احد العمدان
وان القدم نفسها بمثابة الاساس التى ترتكز عليه العمود
فقلت اذا لماذا لا نبنى شكل الاساس على هيئة القدم
بالتجويف الموجود بها
انا بجد مش عارف هيا فكره كويسه ولا فكره تعبانه واى كلام
بس ياريت حد يفيدنى
انا تصوراتى انه كده ممكن نوفر فى الاساسات وفى العمدان كمان
وبالتالى هنوفر خرسانه وهنوفر حديد وهنوفر فى العماله وهنوفر فى حاجات كتير
وممكن والله اعلم تبقى اقوى فى حمل الزلازل
كل دى تصورات
ياريت حد يفيدنى انا فعلا مش عارف ده صح ولا لاء ولو صح فهل ممكن اعمل ده فى مشروع الاساسات اللى انا ناوى اعمله ان شاء الله فى مشروع التخرج
وجزاكم الله خيرا
بحبكم فى الله
[/i][/center]


#2

وعندما سالت عن كيفية وقوفنا اذن ما دمنا نحتاج الى اربع رجول
فعلمت ان السبب هو
التجويف الموجود فى القدم
فهذا يغنى عن قدمين اخريين

عند اى ادلة او ابحاث تثبت الكلام ده لان مش متاكد منه وعموما لاى جسم ممكن انه يقف على نقطة واحدة فقط ويشترط ان يكون مركز ثقل الجسم ونقطة الارتكاز على استقامة واحدة واما وجود رجلين فهذا لتسهيل عملية المشى وعلى حد علمى ايضا فان هذا التجويف لتسهيل عملية المشىء والتسلق


(eng_ibrahem) #3

انا مش عندى اى دليل
هذا كلام سالت فيه واحد صاحبى فى كلية صيدله
بس مش عندى دليل عليه
وفى انتظار الرد هل يمكن تنفيذ هذا ام لا


#4

أنا اعتقد ان هذا الكلام غير صحيح
هو فقط لتسهيل عملية المشىء وتقليل الاحتكاك والقدرة على التسلق مثلما يفعل القرد
والأصابع أيضا مهمة فى عملة الارتكاز والدفع فعندما تستند على شيىء ما وتدفعه فسيكون هذا بمساعدة اصابع الأرجل
لكن فى الاعمدة الخرسانية فهى ثابنة ولا تتحرك


(eng.shehab) #5

من خلال دراستي حتي الأن اعتقد أن نظريتك ربما تكون صحيحة و الله أعلي و أعلم