السلام عليكم ورحمة الله و بركاته الموضوع المنشور حاليا بيتكلم عن وحدة التجفيف بالرش ودى بتستخدم لتجفيف العصير الطبيعى لاستخلاص المادة الصلبة اللى فيه و اعادة استخدامها كنكهة طبيعية او عصير مرة اخرى موجود فى باكيتات مثل باكيتات او عبوات الشاى ليبتون وده طبعا بيوفر علينا تعب و جهد كثيرين من خلال اذا كانت الدولة محتاجة تصدر فاكهة معينة فتعمل ليها ععملية تجفيف وتاخد البودرة المركزة دى وتحطها فى عبوات و باكيتات وتصدرها بكل سهولة. والموضوع اللى فى ال presentations اللى انا رافعهم موضح كل حاجة ودة اول جزء اما الجزء القادم فهيكون الجهاز نفسه و هو مرسوم ببرنامج السوليد ووركس وطريقة العمل إن شاء الله وأرجو ان اكون افدتكم بما هو جديد واعتذر على تأخرى وان كان فى اى استفسارات عن الموضوع او فى اى حاجة مش مفهومة انا مستعد تماما ان اوضحها لكم فقط ارسلوا ردودكم على الموضوع دة ومستنى ارائكم http://www.almohandes.org/upload2/files/get/euwV1fgwhQ/final-of-chamber-groub.pptx
يا جماعة فى فيديو مهم جدا عاملينه عن الموضوع ده بس مش عارف ارفعه دلوقتى اللى عنده طريقة عن كيفية رفع الفيديو ده أنا عايزها منه ضرورى علشان الموضوع يكتمل
وجزاكم الله خيرا
الفيديو وصل يا شباب وده نعتبره الجزء الثانى من الموضوع http://www.almohandes.org/upload2/files/get/pmIsS5kjmm/spray-drying-units.rar
وان شاء الله الجزء الثالث يكون فيديو و اجزاء السوليد ووركس وطريقة العمل و بعض فيديوهات الواقع العملى من خلا التجارب التى اجريناها على الجهاز
مستنى ردودكم و ارائكم و استفساراتكم
والله الموفق و السلام عليكم و رحمة الله و بركاته
اخى الكريم اولا سلام الله عليك ورحمته وبركاته
مشروعك جميل جدا لو تجاوزنا عن الفنش فى طريقه اللحامات
الفيديو لا يختلف عن ملف الباوربوينت هناك اشياء اما انها لم يتم اظهارها او وجود صعوبه لاظهارها
مثل نزول العصير بعد صبه فى القربه البلاستيكيه هل ينزل مباشره على عمود الاداره الذى يقوم بدوره بتناثره على جوانب القادوس بدون وجود فونيه او رشاش ينظم زمن النزول؟
ثانيا لم ارى ظابط لدرجه الحراره داخل القادوس (ترموستات )
ثالثا : لو ان المنتج لم يتم تجفيفه جيدا مالضمانات على عدم اختلاطه بالمنتج الجيد اللى خرج قبله
رابعا :المنتج اللى لم يتم انزاله من القادوس (اللى هيلزق على الاجناب )ماوسيله انزاله غير فتح القادوس
خامسا : ارى ان المنتج يتقابل مع الهواء الساخن القادم من البلاور مارا على الكويل (الهيتر)حاملا رائحه غير مطلوب تعلقها بالمنتج ارجوا أن أكون مخطأ فى رؤيتى هذه
6- المنتج يخرج مع الهواء طبعا يتم حجز المنتج عن طريق فلتر ماذا لو تم كتم الفلتر هل توجد وسيله
امان لعدم انفجار القادوس (اسف لم ارها فى الفيديو)لو موجوده تجاهل هذا السؤال
طبعا اخى الكريم هذه الاسئله لك حق الرد عليها او تجاهلها فردك عليها كرم اخلاق منك وتجاهلها
فلن يقلل من جمال وروعه ما انتجته انت
اسف جدا للاطاله لك تحياااااااااااتى وتقديرى واحترامى
أنا مبسوط جدا من حضرتك لأنى لقيت إهتمام للمشروع بتاعى الحمد لله حتى و لو كان عن سبيل العلم لك فقط لا غير فهذا شئ يشرفنى إنى أرد على حضرتك و يارب بعد الإجابة على أسئلتك أكون أولا أجبتك الإجابة التى تريدها و أكون فهمت أسئلتك ثانيا أفدتك فنبدأ ببسم الله :
الإجابة على أولا:
نعم ينزل العصير مباشرة على الديسك الذى يقوم بدوره بتناثر العصير على جوانب غرفة التجهيز(القادوس) وهذا لأننا نريد نزوله بإستمرار على الديسك أو القرص الأبيض الراكب على عمود الإدارةولأن فتحة النزول صفيرة جدا كما فى البوربوينت فى جزء الfeed system سترى الماسورة النحاسية صغيرة القطر حوالى 2.4 ملليميتر فابالتالى أساسا مش محتاجين أى مانع ينظم نزول العصير.(أتمنى أن تكون هذه هى الإجابة المطلوبة).
الإجابة على ثانيا:
الفيديوهات المرفقة بالأسفل توضح لك و أيضا الصور توضح أن المتحكم بدرجة الحرارة هو عبارة عن كنترولر (controller) علبة خشبية على جانب الجهاز هى المتحكمة بدرجة الحرارة ويوجد أيضا (thermocouple) للتحكم بدرجة الحرارة المطلوب الوصول إليها لأننا نريد درجة حرارة معينة حتى لا يتحمص العصير و يتم حرقه و بالتالى ال (thermocouple) الموجود يفصل عند درجة الحرارة المطلوبة و هى حوالى 205 درجة سليزية أو 200 درجة ويكون الحساس (sensor) الموجود للشعور بدرجة الحرارة و المتصل بال (thermocouple) موجود داخل القادوس نفسه للشعور بدرجة الحرارة من خلال فتحة موجودة بالغطاء.(أتمنى أن تكون هذه هى الإجابة المطلوبة).
الإجابة على ثالثا:
بالنسبة للمنتج أولا هذا جهاز معملى و بالتالى تجاربنا عليه كانت سريعة و خفيفة جدا فلم نستطيع أن نعرف كيفية فصل المنتج عن الذى قبله تمام وبالصور المرفقة توجد صور توضيحية عن المنتج الناتج عن التجارب التى أجريناها عليه وهى ملتصقة بجدار القادوس فنحن ننتظر حتى تجف على الجدار ويتم نزعها أو (كحتها ) بالقوة ثم يتم تنظيف الجهاز لإستقبال منتج آخر وكذلك هذا المنتج غير جيد لأن التجارب المبدئية على الجهاز تنتج منتج غير جيد لحين التوصل للمنتج الجيد ولكننا عملنا المنتج المبدئى فقط لعدم وجود وقت كافى للتكملة (أتمنى أن تكون هذه هى الإجابة المطلوبة).
الإجابة على رابعا:
نظرا لما توصلنا إليه ولأن الجهاز معملى يعنى للتجارب فقط و نظرا لعدم وجود وقت كافى للعمل فى المشروع لأن مشروع التخرج يكون مع الدراسة فإن السبيل الوحيد لخروج المنتج هى بالطريقة التى ذكرتها بفتح القادوس و إخراج المنتج القديم و الإستعداد للمنتج الجديد أما الوعاء الموجود تحت القادوس فهو لإستقبال المنتج الناتج لكننا لم نستقبل شيئا لأننا لم نجرب كفاية كما ذكرت من قبل (أتمنى أن تكون هذه هى الإجابة المطلوبة).
الإجابة على خامس:
لا لا يوجد رائحة غير مرغوب بها لأنه يكون هناك فلترة للهواء لتنقيته جيدا بس إحنا ماعملناش كدة لكننا كتبناها فى الكتاب المطبوع للمشروع ك (future works) علشان يلتزم به القادمون للعمل فى هذا الجهاز و لعلم حضرتك عملية ال (future works( دى أهم من المشروع نفسه لأننا بذلك نكون وضعنا أيدينا على الأخطاء التى لا نريد أن يقع فيها غيرنا تمام (أتمنى أن تكون هذه هى الإجابة المطلوبة).
الإجابة على سادسا:
لا يتم كتم القادوس توجد فتحات تهوية صغيرة ولا يكتم الهواء بالداخل يخرج المنتج إعتمادا على الجاذبية و على ثقل البودر المجمع ولسنا محتاجين لأمان لأنه لا يوجد إنفجار (أتمنى أن تكون هذه هى الإجابة المطلوبة).
ودا لينك لبعض الصور التوضيحية لكن الصور قليلة لان مساحتها صغيرة.
ومعلش شوف الصور دى دلوقتى و فى مرة تانى أضع لك باقى الصور بس علشان مركز رفع الصور مش بيحمل أحجام كتيرة وإن كان عندك إستفسارات تانى أنا تحت أمرك و مشكووووووووور ليك جدا إهتمامك. http://www.almohandes.org/upload2/files/get/pipkqA1EBH/.rar
ودى لينكات فيديوهات التجارب اللى على اليوتيوب وأتمنى إنى أكون أفدتك كما تريد وأنا كاتب فى وصف الفيديو منتدى المهندس عرفانا بجميل هذا المنتدى لما قدمه لى من أناس غاية فى الروعة و من علم أروع من هؤلاء الناس: http://youtu.be/uN7pxJrpme0
[CENTER]والسلام عليكم ورحمة الله و بركاته وأتمنى إنى أكون ماتأخرتش عليك
وفقك الله.
السلام عليكم
يا سيدى الفاضل كنت أمنى أن تعلمنى أولا أنى قد أجبت على حضرتك الإجابة المطلوبة أو ليست هى المطلوبة
ثانيا أنا أعلم تمام العلم أن هذا الجهاز من المستحيل أن يخرج منتج جيدا لأن هذا التصميم تصميم مبدئى و علشان نتوصل للمنتج الحقيقى مش أقل من عشر تصميمات و تعديلات و غيره من إعتبارات التصميم
و بالنسبة للتكملة فدا شئ مافاتنيش طبعا و أعتقد إنى دى own business أنا و الدكتور المشرف على المشروع لأنه حابب يعمل معايا شغل ولله الحمد وطبعا مش لازم يكون فى المشروع ده ممكن أى حاجة تانى أى مشروع تانى يعنى ولو حضرتك مصرى لو ممكن تفيدنى فى موضوع المشاريع الهندسية المتاح العمل فيها كبيزنيس
أما بالنسبة لنموذج الرسم فأنا ممكن أتأخر شوية فيه لأنى مش فاضى بسبب الجيش
وشكرا و السلام عليكم و رحمة الله و بركاته
تحياتى لك
وعليكم السلام ورحمه الله وبركاته الرد على الاسئله كما فى المشروغ وافيه وان كنت اعرفها قبل ردك ولكن اردت التأكد ثانيا تقول ان هذا المشروع لايمكن ان يخرج منتج جيد لانه معملى لا هذا ليس معملى لانه كبير جدا ولكن اقول لك اسباب عدم مقدره هذا النموذج لاستخراج منتج 1- هذا النموذج رأسى 2- لابد من دوران القادوس الداخلى 3- لابدمن وجود ماسح وموجه للمنتج من الاستانلس 4- لابد ان يكون المنتج ظاهر ليسهل مراقبته 5- جيربوكس دوران القادوس لابد ان يكون متغير السرعات 6- الكويل يكون اسفل القادوس وبدون بلاور 7- العزل يكون بالصوف الصخرى وليس الزجاجى اخيرا ماكنت اود الرد عليك هنا لان هذا المنتدى للرسم فقط نعم انا مصرى وعن احتياج السوق لمثل هذه المشاريع لابد من دراسه توفيرها اقتصاديا جيدا اذا لسه داخل الجيش لسه العمر قدامك طويل لاانصحك العمل بالبيزنس الان لابد من اطلاعك واحتكاكك وزياده خبرتك اولا وبعد البيزنس لوحده انت هتكون بداخله للمره الثانيه اسف للاطاله لك خالص تحياااااااااااتى
أهلا و مرحبا بالمهندس الكريم المصرى
أنا مبسوط إنى تعرفت على حضرتك و عايزك تفيدنى بخبرتك وأنا سوف أجيب على كلامك بالآتى:
ده مش كبير قوى زى ما انت متخيل لو عندك و قت فاضى أدخل على النت ودى ممكن تكون انت عملتها قبل ما اقولك عليها المهم شوف الاجهزة اللى معمولة بالخارج و شوف حجمها وكمان عايز حضرتك تلاحظ حاجة مهمة إن معظم او جميع الاجهزة ثابتة لاتتحرك كما ذكرت انت و كلهم راسيين ايضا و ماينفعش انهم يكونوا افقيين أما بالنسبة لمادة القادوس فدى المادة اللى كانت متاحة عندنا فى الورشة و مفيش حاجة احسن من كده و بالنسبة لظهور المنتج فدى حاجة احنا كنا واخدين بالها منها بس لم تنفذ لصعوبة التعامل فى الكلية و الورشة و الروتين و الوقت لم يكن كافى والكويل الحرارى معرفش اجاوبكك عليها لانى مش عارفين مكان غير ده نحطه فيها نظرا لوضع الجهاز كما رايت و العزل مش مشكلة لانى دا المتاح برضو لاننا فى الصعيد و الصوف الصخرى مش متاح انا من اسيوط وعموما اشكر على الملاحظات الجميلة و ان شاء الله ربنا يقدم اللى فيه الخير.
و بالنسبة لحكاية نقل الموضوع ده لمنتدى الميكانيكا أنا مش ممانع ذلك لكنى لا اعرف كيف اعملها فلو تتكرم مشكورا بنقل الموضوع لمنتدى الميكانيكا يكون خير ان شاء الله
وبالنسبة لمعلومة البيزنيس دى فانا مشكوووووووووور ليك جدا و عايزك تزيدنى من خبرتك و معلوماتك عن الحياة و الخبرة و جزاك الله خيرا.
الله يخليك وربنا يقدرنى و أفيدكم دايما و إن شاء الله الملفات جاية قريب بس أعذرونى علشان أنا حاليا بعمل مشاوير الجيش بتاعى فا يدوبك بقعد على المنتدى بالعافية ثم انى حاليا مشغول جدا و الملفات على الهارد ديسك بتاعى و ان شاء الله هجمعهم و اظبطهم و ارفعهم قريب.
الصبر يا أهل الصبر
وشكرا لك مرة اخرى وتحياتى لك
مرحبا بك الاخ رؤوف وباهل اسيوط جميعا لك تحياااااااااتى
نقل المواضيع للمشرفين فقط
لم ادخل على النت ولم ارى مثل هذه النماذج ولم اعمل فى حياتى فيها ولم ارها
انا مهندس ميكانيكا وللميكانيكا مبادئ وطبعا انا عملت فى عمرات شركات الاسمنت وماشابه ومن هذا المنطلق اقول
لكى يكون النموذج رأسى فيكون القادوس من الداخل على شكل حلزونى ويكون بيدور ايضا (القادوس الداخلى ) ولكن هذا فيه صعوبات لاتستطيع تحملها انت
واذا كنت اشرت عليك انه يكون افقى لكى اسهل عليك ولو عنك وقت تأتى الى القاهره افرجك على افران الاسمنت كيف يدخل فيها الطينه الطفليه عباره عن روبه وتخرج اسمنت بودره
واطلعك على الغرابيل وكيفيه منعها لالتصاق الروبه بالفرن فسوف يساعك هذا كثيرا فيما تسعى لعمله
كلامى خطأ قابل ان يكون صحيحا وكلامك صحيح جدا (منك تعلمت اخى الكريم لك تحيااااااااااااتى)
آه أنا مستعد تمام الاستعداد أن أزور حضرتك فى القاهرة لأنى مسافر قريب إن شاء الله إال حلمية الزيتون علشان الكشف الطبى و أنا على أتم الإستعداد لهذه الزيارة و أنا الآن هاراسلك على الخاص علشان ابعتلك بيناتى الإيميل و رقم التليفون.
شكرا لك على هذه الدعوة الكريمة و أنا موافق على الدعوة
و السلام عليكم و رحمة الله و بركاته.
الله يخليك وربنا يقدرنى و أفيدكم دايما و إن شاء الله الملفات جاية قريب بس أعذرونى علشان أنا حاليا بعمل مشاوير الجيش بتاعى فا يدوبك بقعد على المنتدى بالعافية ثم انى حاليا مشغول جدا و الملفات على الهارد ديسك بتاعى و ان شاء الله هجمعهم و اظبطهم و ارفعهم قريب.
الصبر يا أهل الصبر
وشكرا لك مرة اخرى وتحياتى لك
هذا التعليق للمهندس LoveSolidWorks
لكنى لا أعرف يمكن تكون حدثت لخبطة و التعليق ده جه فى مكان خطأ
[LEFT][COLOR=#000000]