سؤال عن وظائف مهندس الميكاترونكس

بسم الله الرحمن الرحيم
السلام عليكم ورحمة الله وبركاته
دي أول مشاركاتي بس معلش كلها أسئلة
أنا طالب في الثانوية وقربت أتخرج، وبفكر أدخل هندسة ميكاترونيكس بس معنديش معلومات كفاية عنها
ومعرفش مهندس الميكاترونيكس لما بيتخرج بيشتغل فين (مجالات شغله)، وهل ليها مستقبل ولا ملهاش؟
وهل في رابطة بين علم النانوتكنولوجي وهندسة الميكاترونيكس؟
أرجو أن تجيبوني
وآسف على الإزعاج

إعجاب واحد (1)

أولا شكرا لكم على هذا العدد من المشاهدات ولكن كنت أتمنى أن يصاحبه بعض الردود
وسأضيف إذا سمحتم سؤال آخر وهو في أي الجامعات في مصر تدرس هندسة الميكاترونيكس
أرجو منكم أن تجيبيوني لأني فعلا محتاج هذه المعلومات

السلام عليكم
اولا انا خريج ميكاترونيك
قسم ميكاتروبيك قسم جامد اوى وليه مميزات كتير بس ليه عيوب برده
مميزاته انك بتكون دارس تخصصات كتير وعارف ميكانيكا وكهربا وكنترول وتقدر تشتغل فى اى حاجه منهم
وعيوبه ان لما بتقول لاى مكان رايح تشتغل فيه انك قسم ميكاترونيك بيبرق وبيقولك يعبى اه واحتمال كبير انك تترفض بسبب انه مش فاهم حتى لو انت اه , تانى حاجه فى مصر انت محتاج تتخصص فى المكان اللى هاتشتغل فيه لان للاسف مفيش مصانع كبيره فى مصر بتعمل كل حاجه فمثلا لو اشتغلت فى الصيانه مش هاتعمل حاجه غيرها وهكذا… عشان كده سعتها هتكون محتاج تاخد كورسات فى المجال اللى هاتتخصص فيه او تقرى عنه
هو فى جامعه القاهره و 6 اكتوبر واعتقد فى عين شمس
وتقدر تشتغل فى اى حاجه بمساعده بعض الكورسات لانك هتكون درست الكلام ده بس مش بتوسع

السلام عليكم ورحمة الله وبركاته

انا مهندس ميكاترونكس خريج الجامعة التكنولوجية -بغداد لعام 2005 ,تخصص هندسة الميكاترونكس,التخصص رائع وراقي جداحيث يجمع بين هندسة الميكانيك والحاسبات والالكترونيك و الكونترول لكن المشكله مثلما تفضل الاخ محدش يعرف التخصص هو ايه وفي كثير من مقابلات العمل اقوم بشرح وافي عن تخصصي الهندسي وفي الاخير ينظرون الي وكانني شخص قادم من المريخ و يسألوني انته مهندس ميكانيك ولا كهرباء فالمشكله هي عدم معرفة الناس بهذا التخصص الهندسي وعدم وجود مصانع كبيرة ومتطورة تقنيا في العالم العربي لاستيعاب مهندس الميكاترونكس وقلة عدد مهندسي الميكاترونكس لانه اختصاص جديد على الناس .

مع الشكر والتقدير

إعجاب واحد (1)

يا أخي لا تأبه بما يقول الناس
عندك اختصاص رائع و أنا أديد أن أعرف عنه الكثير

السلام عليكم
انا خريج هندسة عين شمس قسم الميكاترونيكس
اولا فى مصر مفيش قسم ميكاترونيكس الا فى كليتين فقط عين شمس وأسيوط…أضافه الى الجامعات الخاصة
ثانيا مجال الميكاترونيكس مجال روعه وجامد جدا…لكن المنهج اللى بتاخده فى الكلية كله قشور ومبادئ وبتطلع مش متمكن من جزء معين
يعنى ولا بتبقى مهندس ميكانيكا كامل او كهربا او حتى تحكم…بتطلع فاهم حاجات فى كل جزء منهم
ثالثا القسم ده لو انت عاوز تكون مهندس ليك وزنك فيه يبقه هتاخد كورسات كتيييييير (قسم مكلف جدااااااااااااا)
رابعا فى الشغل انت لازم فعلا يبقه ليك تخصص عشان تقدم على اساسه…لكن قسم الميكاترونيك قسم واسع جداااااااا وعبارة عن مجموعه تخصصات وانت بتكون مش ملم بيهم كلهم…فا بيقلل فرص العمل فى بلدك اللى مش هتقدر قيمه القسم ده الا بعد 20 سنه
خامسا نصيحتى انك تدخل كهربا اتصالات او ميكانيكا باور او مدنى…دول الاقسام اللى ماشيه نار فى السوق وليها طلب وفرص عمل كبيرة جداااااااااااااااااااااااااااااااااااااااااااا
وبالتوفيق وربنا يكرمك
أخوك م.أحمد محمد

السلام عليكم ورحمة الله
الى الاخوة المهندسين الاعزاء انا خريج هندسة ميكاترونكس ووجدت عمل في احدى شركات المقاولات شركة بن لادن السعودية ولاطني لم اباشر العمل ماهي طبيعة عمل مهندس الميكاترونكس في شركات المقاولات ارجاء منكم الرد لو تكرمتم

مرحبا
من وجهة نظري انو أفضل وظيفة لمهندس الميكاترونكس هي مهندس BMS حتجمع خبرة الكهرباء والمكانيك

أخي الكريم
مجال شركة بن لادن هو المقاولات المدنية ومهندسو الميكانيكا فيها أو الكهرباء يكون عملهم إما في مجال الإنشاءات أو في مجال التركيبات

أما بالنسبة لمهندس ميكاترونكس -وانت أعلم بإمكانياته مني- لن يعمل في بن لادن كمهندس ميكاترونكس وإنما كمهندس ميكانيكا

إلا إذا كان عندهم مشاريع ضخمة مثل مشروعهم الشابق (جامعة الملك عبد الله) وفي هذه الحالة قد يعمل عندهم مهندس الميكاترونكس كـ"مهندس توصيف" لأجهزة القياس والتحكم في أحد الإدارات الهندسية التي ستحتاج لاستخدام مثل هذه الأجهزة في تصميماتهم (سواءً كان نظام مكافحة الحريق أو المكيفات أو الإضاءة التلقائية أو ما شابه ذلك)

ومما سبق يتضح إن عمل مهندس مكياترونكس إما سيكون ميكانيكا أو كهرباء وليس ميكاترونكس

تخصص ميكاترونكس الأشهر والمتاح (وإن شاء الله يعقب على كلامي المهندس أحمد الديب إذا كان فيه خطأ) يكون في تصميم المعدات المكيانيكية والتي تحتوي على منظومات ميكانيكية ينظم حركتها نظام تحكم إلكتروني مثل ماكينات السي إن سي وماكينات الاسطمبات المتقدمة وأي ماكينة ذكية (واعذر قلة قدرتي على التوضيح وضر بأمثلة أوضح لأني لست من أهل التخصص نفسه)

إعجاب واحد (1)

شكرا االى م\سامي وم \اوانس المصري اما بالنسبة لوظيفتي فتمى توظيفي في مشروع المطار الجاري انشاءه في مدينة جدة كمهندس ميكانيكا سالي اليكم ايها الاخوة اوريد انا اعرف طبيعة عملي لو سمحتم كمهندس ميكانيكا في مشروع كمشروع المطار اتمنى منكم الرد وشكرا لتعاونكم

مرحبا
اول شي في مهندس يعمل مع مقاول رئيسي زي (بن لادن ) وضيفته متابعة العمل مع مقاول الالكترومكانيك والاستشاري يعني منسق .
أما اذا عمل مع لالكترومكانيك وضيفته تصميم ومتابعة العمل في الموقع .
اما ادا كان مع شركات متخصصة في لانظمة بيكون مسؤول عن النظام بالكامل .
بالنسبة للنظام ال BMS عبارة عن نظام السكادا بس خاص بالمباني بمعنى انك بتصمم للتحكم ب CHILLER ,PUMP ,AHU.FCU.VAV.PACU .LIGHTING,.MCC.MDB.DP,TRعن طريق INTEGRATION مع الانظمة الذكية , FIELD DEVICES مع الانظمة العادية .
رأي انو مهندس الميكاترونكس ادا عمل في الBMS بيكون قريب من تخصصه ويعمل في مجال المقاولات كمجال جيد وممكن يشتغل في HOME Automation أو نظم التحكم الاخرى بس يبعد عن CCTV و FIRE ALARM الانها أنظمة سهلة ومافيها ابداع ركب وشغل

السلام عليكم ورحمه الله
انا اريد الدخول في تخصص هندسه الميكاترونكس واريد ان استفسر منكم هل ندتم على اختياركم هذا التخصص وهل يوجد فرص عمل في السعوديه لهذا التخصص وهل هو صعب الدراسه ام لا وهل يوجد جامعه في السعوديه لدراسه هذا التخصص للبنات؟؟
وايضاً هل يمكن ان يكون فرص عمل في الخارج وهل يوظفون الدول الاخرى عندهم مهندسات الميكاترونكس ؟

بعد أكثر من ١٠ سنوات منذ تاريخ انشاء الموضوع أصبح الأن في مصر قسم الميكاترونكس موجود بكثرة في أغلب الجامعات المصرية والحكومية والخاصة وكذلك أصبح الناس اكثر دراية ومعرفة بهذا القسم، لكن للاسف سوق العمل لم يتغير كثيرا

إعجاب واحد (1)

السلام عليكم ,
انا اريد المعرفة بعد مرور التسع سنوات هل هناك ناس حتى الان لا تعرف قسم ميكاترونكس ؟ وهل اصبح له مجالات كثيرة للعمل داخل مصر ؟ وما هى المجالات ؟ وهل خريجو هذا القسم ليسوا متمكنين من الميكانيكا ولا الكهرباء كما يقال ؟

إعجاب واحد (1)

كما ذكرت القسم اصبح منتشر بكثره وخصوصا مع انتشار الجامعات والمعاهد الخاصة بمصر ولكن للاسف سوق العمل مازال كما هو فاغلب خريجين الميكاترونكس يعملون كمهندسين ميكانيكا مثلا في ماكينات التشغيل المبرمجة او التحكم الهيدروليكي او كمهندسين كهرباء وخصوصا قسم التحكم كبرمجة ال PLC او الانظمة المدمجة

إعجاب واحد (1)