أهمية العلم

بسم الله الرحمن الرحيم
طبعا العنوان يبدو من الوهلة الأولى موضوع الناس اتكلمت فية كتير و عن اهميته و توصية الدين عليه لكن اللى بيحصل غير كدة تماما أسأل نفسك أيام الدراسة مين فينا كان بيحاول يعرف أى معلومة جديدة؟ و كنا ما بنصدق ان الدكتور يلغى حرف من الكتاب عشان المنهج يقل
لكن انا أكتشفت من شغلى انا اللى بيعرف غير اللى مابيعرفش و كمان عرفت معنى الجملة اللى بتقول القارىء لا يهزم
و نصيحة أخوية للطلابة - ربنا يوفقهم - أقرأوا أقرأوا أقرأوا و ماتخدوش الكلية على انها كلمتين هتقولوهم فى الامتحان و بس
و كمان غير الدراسة معظم الشباب مش بيتستفيدو من النت معظمهم بيهرج و يعمل شات و يضيع وقته غى كلام فارغ انا مش بهاجم الشات ساعات بنكون محتاجين نتكلم و ندردش و كمان نعرف أصحاب جديدة بس اللى بتكلم فية هوا ان من مليون شاب على النت وحد بس بيعرف يجيب معلومة مفيدة