ساعدونى لمحو اميتى الهندسية

انا مهندس باور دفعة 2000 ولم اعمل بالمجال لكن نفسى اصلح اعطال اجهزة بيتى علشان شكلى بقى وحش اعمل ايه وايه اساسيات التعلم لامحى اميتى الهندسية

بصراحة اعتقد بأن مشكلتك نفسية ياباشا انت لازم تكسر حاجز الخوف اللي عندك وتجمد قلبك وتخللي عندك باور

عشان اكيد اكيد من سنة 2000 خلال السنوات الكثيرة دي فيه حاجات عطلت عندكم بالبيت ودفعتوا لتصليحها حتى من غير ما حضرتك تتكرم وتكشف عليها حتى ( مش كده والا انا غلطان )

يا اخي الكريم

برأي انك لازم تبدأ باول خطوات الابتدائي يعني تدور على اي حاجة عطلانة عندكم او عند حد من اصحابك وتركز فيها كويس وتحاول الوصول الى معرفة العطل من خلال معرفة دورة تشغيلها ويمكنك ايضا الاستعانة بالانترنت في حل الكثير من المشاكل

بالطبع هذا رأي الخاص واكيد بقية الزملاء لن يبخلوا عليك

write to me on egymstr@yahoo.com
i can help you

السلام عليكم و رحمة الله و بركاته

اهم خطوات النجاح في الصيانه الهندسيه لاي معده او ماكينه في الدنيا هي كالتالي:
1-معرفة نظرية عمل الماكينه
2-تحديد الاجزاء المطلوب صيانته او تغييره بشكل دوري او منظم يعني عمل خطة للصيانه الدوريه
3-تجهيز هذه الاجزاء وتخزينها لحين الحاجه اليهاspare
4-عمل الصيانات الدوريه بانتظام
5-اذا نفذت الخطوات السابقه سوف تقل الاعطال المفاجئه للمعده
في حالة اي عطل سوف تكتشف ببساطه شديده طالما انت عارف نظرية التشغيل و كل جزا في المعده بيعمل ايه بالظبط

الكلام ده طبعا للمهندسين فقط مش اي حد
يعني يكون لازم متوف عندك طريقة التفكير الهندسيه و اساسيات العلوم التي تم دراسته في الكليه

و صدقني كل لحظه هتلاقيك بتتعلم حاجه جديده و مفيده ومعلوماتك هتزيد و خبرتك هتكبر مع الايام و بقدر اجتهادك

انا شغال مهندس صيانه من عشرة سنوات و مجرب الحكايه و الحمد لله
و الله ولي التوفيق

اول حاجة مفروض تنسى الخوف
وتعمل الخطوة بعد ما تتاكدن انك بتعمل فيها عن قناعة