فله على شكل منتجع سياحي خمسه نجوم


(system) #1

بسم الله الرحم الرحيم

السلام عليكم ورحمة الله وبركاته واسعد الله اوقاتكم بالخيرات

الحقيقه كتبت موضوع طويل وقعدت اتميلح في نصه واستخف دمي ويوم جيت احفظه فص مل وذاب

يالله مالكم بالطيب نصيب

انا ماودي اخذ من وقتكم كثير << احلف

انا قررت اهاجر من الغبار واسكن بالامطار قلتولي كيف اقولكم بترك الرياض رغم غلاتها وبسكن بديرتي بالمنطقه الجنوبيه

عاد انا عندي ارض هناك وابي استعين بالله واعمرها بس ما ابغى فله تقليديه زي العالم والناس والسلام

لا ابي قد ما اقدر تكون خمسه نجوم يعي الي يجي البيت كنه ساكن بالهليتون باحد الجزر والا كنه بماليزيا

يعني بسيطه قدر الإمكان دور واحد او دور ونص يعني غرف نوم طابق ثاني على شكل ملاحق للزنقات اذا كثرو العيال ان شاء الله نهر صناعي وجسور وسمك وشلالات وحديقه ومسبح وقعده خارجيه تفتح النفس يعني قد مافيني استمتع بالجو وما اطفش يكون ممتاز لأنه بيني وبينكم ديرتنا شبه خاليه من السكان كلهم مهاجرين للمدن وتركوها وهي ماتستاهل

عاد بصراحة نصحني احد الشباب وقالي مالك الا المهندسين هنا هم الرايقين وبيضبطونك فجيت ابي فزعتكم وان شاء الله ماتخيبوني

ادري طلبي ثقيل وقطة وجه بس اخوكم متوهق بعمره وما عنده سالفه واكثر شي سواه بحياته في العماير طق مسمار للوحه بالصاله

وما اعرف اسوي مخطط ولا اثق بالمحلات الي تصلخ ظهرك ولا تعطيك شغل عدل

انا جايب صوره من قوقل ايرث للموقع

علما ان مساحة الأرض 1410 م تقريبا

وهذي صورتها

هذه الصورة تم تصغيرها تلقائياً. اضغط على هذا الشريط لعرض الصورة بكامل حجمها. أبعاد الصورة الأصلية 1028x699 وحجمها 149 كيلو بايت.

والف شكر مقدما