انا تنسيقى فى المرحله الثانيه وجبت 80% عايزة اعرف ينفع اقدم بمعهد هندسه الطيران


(system) #1

ممكن حد يرد عليا من طلبه هندسه طيران امبابه انا محتجاكم حالا
انا تنسيقى فى المرحله الثانيه وجبت 80%
عايزة اعرف ينفع اقدم فيها والا لا
ممكن اللى يرد يرد بسرعه


(ahmed_kh) #2

بسم الله الرحمن الرحيم
اخي العزيز:
لو عايز تدخل معهد امبابه اكتبه في التنسيق كرغبه لك
المعهد كان مجموعه السنه اللي فاتت 89% وفي ظل انخفاض مجموع هندسه السنه ده 92% تقريبا فاحتمال ينخفض مجموعه انا فاكر انه وصل في السنه 2006 ال 75%

اتمني لك كل التوفيق اخي الكريم


(الطيار المنوفي) #3

اختنا رضوى وزميلتنا انشاء الله

المعهد مبيهتمش بلمجموع بتع الثانويه قدميها اول رغبه ونشاء الله هتكوني معانا


(aviation engineer) #4

مش عارف الاخ اللي بيقول انه مبيهتمش بالمجموع ده يقصد ايه اذا كان له مكتب تنسيق
السنه اللي فاتت اخد 89 ونص تقريبا
بالتوفيق ان شاء الله


(الطيار المنوفي) #5

رقم واحد انا ليا اسم مش الاخ الي بيقول

رقم اتنين انا اعرف اكتر منك ولو عاوز تتاكد خلي حد جايب 51 بلميه يقدم السنادي ولو مدخلشي ابقا تعالى كلمني

انا جايب 92 بلميه ومعانا ناس جايب53 و 62 وغيرها بس يكونوا علمي اوك

ولو تكلمت مع حد بلاسلوب ده انا هحزفلك مشاركاتك وهعرضك للطرد
المنتدى ده راقي باسلوبه وبمهندسينه المحترمين الافاضل


(system) #6

مضبوط يا منوفي
دة مش اسلوب حوار محترم


(system) #7

يا(الطيار المنوفي) مع إحترامي ليك اولا إيه حكاية 53و62 اللي إنت بتقول عليها دي ممكن الكلام ده يكون لثانويه عامه غير مصريه لكن ده مستحييييييييييييييل تكون ثانويه مصريه ولو مش مصدق عندك موقع التنسيق تقدر تتأكد منه وثانيا المهندسين بجد يتكلموا بطريقه احسن من ده لإن البشمهندس الثاني ماقلش حاجه تستاهل كل ده وعيب إسلوب التهديد وفرد العضلات اللي إنت بتتكلم بيه ده ياااا…بشمهندس * وعلي فكره يا بشمهندس انا ولا اعرفك ولا اعرفه لكن إسلوب الكلام ما عجبنيش مش اكتر


(الطيار المنوفي) #8

يا(الطيار المنوفي) مع إحترامي ليك اولا إيه حكاية 53و62 اللي إنت بتقول عليها دي ممكن الكلام ده يكون لثانويه عامه غير مصريه لكن ده مستحييييييييييييييل تكون ثانويه مصريه ولو مش مصدق عندك موقع التنسيق تقدر تتأكد منه وثانيا المهندسين بجد يتكلموا بطريقه احسن من ده لإن البشمهندس الثاني ماقلش حاجه تستاهل كل ده وعيب إسلوب التهديد وفرد العضلات اللي إنت بتتكلم بيه ده ياااا…بشمهندس * وعلي فكره يا بشمهندس انا ولا اعرفك ولا اعرفه لكن إسلوب الكلام ما عجبنيش مش اكتر

انا مش عارف اقولك ايه والله اسلوبك في الكلام مش كويس والله
انتا مهندس طيران يا احمد شيكوا يعني انسان راقي في كل تعاملاتك

علعموم انا مسامحك بس بحزرك اي تطاول عليا تاني هيبقا رده فعلي هتزعلك

حاول توصل كلامك باسلوب احسن من كده


(الطيار المنوفي) #9

ومن ناحيه كلامك فانا بعترف بجد ان كلامك صح ده للثانويه الغير المصريه بعد متاكدت من شؤن الطلبه

لو كنت وصلت كلامك من الاول بلذوق مكنش ده كله حصل
وكلامك كان صح بس طريقه توصيله غلط


(hamadalx) #10

i’m really very proud of you ,i think the both of u don’t know the meaning of engineering


(aviation engineer) #11

اسف يا اخي بس ازاي جايب حاجه وخمسين ده
ده مش مظبوط خالص اذا كان له تنسيق
اتاكد من معلوماتك


(aviation engineer) #12

ممكن حضرتك بتتكلم علي الفنيين خصوصا انك قلت المهم يكون علمي


(aviation engineer) #13

الاخ العزيز الطيار المنوفي
الخلاف في الرأي لا يفسد للود قضية وانا ماكنت اقصد حاجه او اهانه والعياذ بالله
لكني اتحداك ان كانت الاخت اللي جابت 80في الميه دخلت
مع انك قلت انه مش بيهتم بالمجموع


(الطيار المنوفي) #14

انا اعترفت ليك وللمنتدى كله اني اتاكدت من شؤن الطلبه وطلع كلامكوا صح جدا وان المجاميع دي موجوده فعلا بس للثانويه العامه الغير مصريه

ونا متشكر جدا على وجودكوا معايا وملاحظتكم ليا

وعلا فكره انسه رضوى مدخلتشي هندسه طيران