بسم الله الرحمن الرحيم
أنا أخوكم الصغير وائل
طالب بهندسة عين شمس و لسة كتكوت مخلص إعدادي و طالع أولى
و إن شاء الله بنسبة كبيرة داخل ميكانيكا
كنت بس عاوز أسأل عشان أطمن يا ترى من خبرتكم و رؤيتكم اية هي مؤهلات طالب الهندسة اللي تؤهله انه يدرس ميكانيكا و يتفوق فيها, يعني مطلوب منه اية يعمله و اية المميزات العقلية او الدراسية المطلوبة
و يا ترى مستقبلها كويس
اللي اقصدة هل الشغل ف مصر روتيني و ممل و حاجات محفوظة ولا في مجال كويس للابداع والابتكار و مستواها اية و اية هي احسن المجالات و يتميز باية مجال عن التاني و مين فيهم متوفر اكتر من التاني وكدة بقى
عاوزكم تظبتوني عشان ادخل القسم و انا مرتاح و مطمن عشان كهربا و بتوع كهربا بيزنوا عليا ادخلها
معلش على الرغي الكتير ده بس يا ريت استفيد من خبراتكم
المستقبل محدش مسؤل عنه غير ربنا بس انت اعمل اللى عليك
اوعى تتخلى عن الافكار الجديدة و الورقة والقلم فى شغلك لان دا الفرق بينك وبين الفنى
و اوعى تكتر من قاعدة المكاتب
لازم فالاول تشتغل بايدك
اظهر مهاراتك المتتالية فى الشغل لتظهر نتائج سريعة ملموسة ودائما عندك كروت مش محروقة عشان تكسب ثقة البية المدير و حبايبنا الفنيين اللى دائما فيهم ناس مش راضيين عنك و بيقولو بلد شهادات
واوعى حد تقولة مرتبك كام وخلى حدود مع العمال عشان تعرف تبقى باشا بعدين
واحسن مجال فالشغل هو اللى انت بتحبة (دور علية من البداية)
واى خدمة
مهندس ميكانيكا2007 اسامة