ما المطلوب منى لكى أتخصص فى مجال إدارة المشروعات و أتميز فيه


(system) #1

السلام عليكم و رحمة الله

كل عام و أنتم جميعا بألف خير

أنا مهندسة مدنية… و احب ان اتخصص فى مجال ادارة المشروعات… و لا اعرف بالضبط ما هو المطلوب منى حتى اجيد هذا العمل … لقد درست كورس لتعليم برنامج بريمافيرا… و لكنى متأكدة ان هذا لا يكفى… و اتمنى ان اجد بينكم من يعطينى خبرته فى هذا الموضوع… سواء من حيث الكورسات المطلوبة او الدراسات العليا او التدريب العملى… و ما هى مهارات الكمبيوتر المطلوبة… و
هل مطلوب اجادة لغة أجنبية معينة… بمعنى آخر اتمنى معرفة كل شئ يخص هذا المجال… علما بأننى من مصر… و اتمنى السفر لاى دولة عربية

أيضا ما هى الاماكن التى ممكن ان ادرس فيها سواء الكورسات او التدريب أو الدراسات العليا حيث اننى من الاسكندرية…

أرجوكم لا تبخلوا على بخبرتكم

و انا فى انتظار الرد

و شكرا


(love_allah) #2

السلام عليكم اختى اروى…
ادارة المشروعات مجال شيق جدا ومفيد جدا والبريمافيرا خطوة اولى ولكنها ليست خطوة كبيرة حيث ان هذا المجال يعتمد على جزئين الاول هو دراسة علمية لاساليب الادارة الحديثة وجزء اخر يعتمد على الخبرة والتى من خلالها يتم معرفة المشاكل وطرق حلها عند ادارة اى مشروع وانصحك فى البداية بدبلومة ادارة المشروعات من جامعة اسكندرية عشان مهمة جدا والقائمين على التدريس فى جامعة الاسكندرية على علم ممتاز بالموضوع وفى النهاية علم ادارة المشروعات له عده اجزاء ومنهم التطبيق العملى على البريمافيرا انصحك بالدبلومة ومحاولة تطبيق برنامج البريمافيرا بصورة عملية على مشاريع قائمة وبالتوفيق ان شاء الله


(system) #3

هو اهم حاجه في كلامك ده كله الدبلومـه … طيب يا باشمهندس … دلوقتي واحد في مدني اداره مشروعات … هيدرس تخصصه في الكليه ولا هيروح ياخد دبلومه كمان … طيب ماهو كده كده بندرس الاداره دي في ماده الانسانيات … والدكاتره كمان دكاتره اداره ومشروعات وانشاءات والمساحه يعني ده كله لو اهتميتي فيه في الاول هتبقي بيرفكت ان شاء الله … وبعد كده تشوفي الكورسات في كل اجازه تقضيها كورسات … واماكن الكورسات في القاهره افضل علي ما اعتقد … كمان تبحثي عن وظيقه مهندس الاداره دي في الدوله العربيه عامله ازاي وايه اساسيتها … ده في بكالوريوس بئه :wink: ربنا معاكي :slight_smile: ومعانا


(system) #4

السلام عليكم أخى love_allah

شكرا جزيلا على اهتمامك بالرد على رسالتى… حيث اننى فى امس الحاجة لكل نصيحة خالصة لوجه الله مثل نصيحتك…

أما بخصوص دبلومة إدارة المشروعات من كلية الهندسة فذلك معناه أننى سانتظر للسنة القادمة … حيث اننى أعتقد أن التقديم للدراسات العليا يكون فى شهر يوليو … و انا لا اريد ان انتظر كل هذه المدة … فهل هناك اماكن اخرى فى الاسكندرية تعطينى هذه الدبلومة و لا تحتاج منى ان انتظر كل هذه الشهور؟؟؟؟؟؟؟؟؟؟ لأننى أريد البدء فورا إن شاء الله…

و اما بخصوص التدريب العملى على استخدام البريمافيرا على مشاريع قائمة… فكيف أقوم بذلك ؟؟؟؟… و انا مستعدة لبذل كل ما فى استطاعتى من جهد و وقت للتعلم…

أرجو اخى ان تساعدنى بنصيحتك الغالية

و شكرا جزيلا على وقتك الذى توفره للرد علي …

فى انتظار ردك


(system) #5

[CENTER]
امممممممـ

انا بحسب حضرتك لسه داخله اولي اداره ومشروعات … سوري

وانا اللي لفت نظري هو عنوان موضـوعـك لأني لسه داخل اولي …وياريت اللي عنده معلومات يفيدني … انا لسه معلوماتي مش كتير…

وانا اتمني اني استفيـد … وبعد ذلك افيد[/center]


(system) #6

و لا يهمك … و انا اتمنالك كل التوفيق فى كليتك و النجاح دائما ان شاء الله


(system) #7

[CENTER]
ان شاء الله … وميرسي اوي ليكي

ياريت بئه اللي عايز يكسب ثواب … يفيدنـا … انا بحب التخصص ده بس لسه ابيض فيه [/center]


(msfarahat) #8

السلام عليكم
اولا انتم انتهيتم من موضوع البريمافيرا وأهميته وده أمر مفروغ منه
ثانيه حضرتك تجيبى كتب متخصصه فى التنفيذ واساليب الانشاء (الموسوعه الهندسيه للبقرى) هو غالى بس ممكن تلاقيه على النت
ثالثا يفضلجنب اى حاجه بتعمليها يكون فيه متابعه للموقع لمعرفه ظروف التنفيذ
رابعا يجب اجاده برنامج الاكسل جيدا لانه بيسها امور كتير فى مجال الاداره
خامسا لو كنتى حضرتك متخرجه من اكتر من سنتين فيه شهاده عالميه اسمها PMP ممكن تتقدمى وتحصلى عليه وتصبحى مدير مشروعات محترف
اما بخصوص الدبلومه ففيه دبلومه فى الجامعه الامريكيه وعلى فكره موقف عربيات الاسكندريه الىل فى القاهره جنب محطه مترو وعشر دقايق تكونى فى الجامعه الامريكيه

انا مهندس مدنى 2008 مشروع تخرج اداره مشروات بتقدير امتياز وبدور فى مجال الاداره
أرجو اكون افدتكم وانا مستعد للمساعده ان امكن ذلك
بالتوفيق


(system) #9


برافو يا باشمهـندس … ربنا يوفقك في حياتـك

(sweet.toty) #10

فعلا ياجماعة فى كورس اسمه pmp وده اختصار ل project management professional
انا سمعت على الكورس ده فى المنصورة من الجامعة الفرنسية وبيقولوا ان الكورس ده جامد جدااااااا ومش بس كده ده المحاضرين اللى بيدوا الكورس كانوا فى شركة RS Group ودى اكبر شركة استشارات يعنى اللى هيدونا الكورس هم اصلا ناس متخصصة فى مجالها واشتغلت بايديها يعنى عندها خبرة مش بس علم واللى حابب يعرف اكتر عن الموضوع ده انا هسأله وهرد عليه ان شاء الله :slight_smile:


(system) #11

[CENTER]
حوار جميل والله … انا من المنصوره … ياريت بئه تفهمنا ايه هي الكورسات دي وفين اماكنها ومين اللي بيدرسـها

وجزاك الله كل خير[/center]


(love_allah) #12

السلام عليكم اختى اروى
كل سنة وانتى طيبة واسأل الله ان يرزقك علما نافعا فى البداية الدبلومة عبارة عن درجة علمية يعنى مفيش مركز خاص ممكن يدرسه الا كلية الهندسة والاكاديمية ومتحاوليش تستعجلى الامور لان كل حاجة محتاجة وقت وكلنا كنا محتارين فى الاول اننا لازم نحدد المجال اللى نبدأ بيه حياتنا العملية بس بعد الشغل هتلاقى الامور اختلفت وبدأتى تفهمى حاجات اكتر وان كل ده خبرة هتفيديك وعلى حسب علمى انتى خريجة جامعة اسكندرية ممكن تروحى لدكتور اشرف رجب او دكتور شريف حاغظ وهما هيفدوكى اكتر وممكن تلاقى معاهم فرصه للتدريب فى مكتب اى واحد منهم والدبلومة لو هتاخد وقت دلوقتى بس هتوفر عليكى حاجات كتير بعد كده … ممكن لو مش بتشتغلى دلوقتى حاولى تلاقى فرصه ومع الوقت هتلاقى فرص تانية بتظهر وان شاء الله تلاقى المجال اللى بتحبيه فى واحدة من الفرص ده


(sweet.toty) #13

كورس ال pmp عبارة عن 42 ساعة تقريبا 6 ايام فى الاسبوع ب 2400 جنيه وده كورس بيؤهل لدخول امتحان ال pmp على النت بس اهم حاجة ان الواحد يكون واخد الكورس من مكان معتمد ويكون المحاضر كمان حاصل على الشهادة ده غير ان الامتحان بتاعه فيلم تانى لواحده
الواحد ليه 3 مرات فى السنة الواحدة يعيد فيها الامتحان واهم حاجة فى الموضوع كله هو ازاى تملى ال البيانات بتاعتك بس بطريقة صح وده بتتعلمه فى الكورس ولازم كمان يكون فى خبرة بجانب العلم يعنى نصيحة منى لاى حد لما يروح يشتغل فى اى شركة لازم ياخد منها شهادة خبرة عشان بتكون مطلوبة
اما بالنسبة لمين اللى هيدى الكورس فالجامعة الفرنسية جابت محاضرين استشاريين من RS Group ودى شركة استشارات كبيرة اشرفت على مشروع مطار شرم الشيخ وسان شتيفانو ومصانع كتير منها حلوان للاسمنت وهم بيجيبوا ناس اشتغلوا وفى نفس الوقت معاهم العلم يعنى خبرة*علم وافتكر ان دى حاجة ممتازة جدااااااااا ده غير ان الشهادة او الكورس فى حد ذاته جاااااامد ومطلوب انا شفت اعلانات فى الاهرام طالبة ناس معاهم الكورس ده


(system) #14

طيب و اللى ما عندوش خبرة بس عايز ياخد الكورس ده
هل له فايدة و الا الهم الخبرة لأنى لاحظت ان اللى بيطلبه بس الشركات الضخمة فى الخارج و جوة مصر الأهم الخبرة
و بعدين هل الكورس فى الجامعة الفرنسية اللى فى الشروق و لا الجامعة الأمريكية؟


(م/ حازم جبر) #15

بالنسبه للدبلوما فهي غير مرتبطه بالسنه الدراسيه و تكون علي هيئه
كورسات بل هناك اماكن كثيره تعطي هذه الدبلوما
وفقكم الله و سدد خطاكم


(system) #16

نصيحتى لكى ايتها المهندسه اجوزى واقعدى فى البيت احسن من وجع الراس ده وشكرا اخوكى المهندس مصرى فى الخليج


(sweet.toty) #17

الكورس هيكون فى المنصورة بس برعاية مركز التعليم المستمر للجامعة الفرنسية اللى فى الشروق.
الخبرة اكيد مطلوبة للشغل سواء كان فى مصر او بره مصر يابشمهندسة أميرة
بس فى ناس بتاخد الكورس ومعاه شهادة معتمدة انك اخدت الكورس وتشتغل وبعد كده تدخل الامتحان
بس طبعا الشركات لما بتلاقى ان فى حد واخد الكورس ده بيتميز عن باقى المتقدمين للوظيفة
وعلى فكرة كمان فى اعلان عن سمنار للكورس مع كورسات تانية ان شاء الله هيكون فى المنصورة يوم 21/10 وانا هتأكدلكوا من الكلام ده واللى حابب ييجى يحضر يقولى عشان هم طالبين ان اللى هيحضر يملا application ببياناته وممكن ابعتهالكم تملوها…وافتكر انكم ممكن تفهموا فى السمنار وتسألوا كل الاسئلة اللى عايزينها.وربنا يوفق الجميع


(msfarahat) #18

انا عايز اجى أكيد
قولى على المكان


(sweet.toty) #19

المكان فى المنصورة نادى الحوار يوم الثلاثاء 21/10/2008 والدعوة عامة


(sweet.toty) #20

11 صبــــــــــــــــــا حــــــــــــــــــــــــــــــــــــــــا