هتقرأ وتتعلم وهتعرف مع الموضوع الجامد دا


(system) #1

[SIZE=4][CENTER][CENTER]بسم الله الرحمن الرحيم

[/center]

السلام عليكم
خليك اول واحد فى المجموعه هتكون أحسن فى ترتيبك .
مش هنتكلم كتير يدوبك خمس دقايق تقرأ وهتكون انت الكسبان .
ازيكوا يا شباب المستقبل طبعا كلمه تقيله عليكوا ان اقول شباب المستقبل لكن دا الواقع اللى احنا فيه ما من مستقبل إلا وله شباب يقوده نحو الأفضل او … طبعا انا مش هطول علشان متتخنؤش منى او من الموضوع الهام اللى انا جاد فيه من سنه ونص بفكر فيه تقريبا .
بصوا يا باشا انا عايزك وانت بتقرأ أقرأ بعقلك وقلبك مش بنفسك لأن النفس تساوى شيطان بداخلك الى جانب الشيطان الآخر .
انا عايز نوصل بجد لمستقبل باهر ننشده فى كل عصر بعد ذلك
بمعنى انا هكى ليكوا قصه صغيره او مش قصه دى حاجه علشان يمكن تكونوا أفضل من اللى انتوا فيه
كان يا مكان يا سعد يا اكرام كان ايام زمان الشخص الواحد كان عالما فى كل مجال وليس مجالا واحدا ففى يوم من الأيام جاء رجل كان يحفظ الصفحات بمجرد النظر إليها وكان يضع بيده الصفحه المجاوره كى لا تخطلت المعلومات بينها وبين الصفحة التى يحفظها ولكن ذات يوم اثناء حفظه فلم يقدر ان يتم حفظه فذهب الى شخص حكيم فى كلامه كى يعرف الحقيقه الكامنه بداخله وماذا حدث له كى لا يسطع الحفظ فقال له :
شكوت الى وكيع سوء حفظي فأرشدني الى ترك المعاصي؟

فقال لى ان العلم نور ونور الله لا يهدى لعاصى

اكيد كلنا عارفين القصه دى واكيد عارفين مين اللى قال البيت دا صح ولا لأ ولو انت معرفتش يبقى عرفت عرفت ايه بقى من القصه عرفت ان مفيش حد هينجح فى حياته إلا لما يتقى الله فى افعاله وأقواله ويحفظ فرجه ويغض البصر و ,

وتوته توته خلصت الحدودته حلوه ولا ملتوته

بص يا سيدى انا كدا يعتبر خلصت بس استنى معايا شويه ايه رأيك نبتدى سوا انا وانت وغيرك احنا صحيح فى الواقع بنكسل فى حاجات كتير طول م النت دا معانا يعنى انت مش بتقوم من على الجهاز ومكسل تعمل اشياء كتير زى مثلا تقصيرك فى حفظ القرآن ومعرفة سنة النبى عليه الصلاه والسلام وتفسير القرآن الكريم .

أيه رأيك نعمل حمله مع بعض فى حفظ القرآن وتفسير ه وحفظ الأحاديث النبويه هتقولى ازاى سيبك دلوقتى ازاى بس اهم شىء لو هتنفع الحمله هتكون معانا ولا ايه ولا هتكابر وتقول استحاله تنجح بس انت فكر وهتلقيها جميله الفكره اوى .

فكر كويس كون معانا قبل ان يصطحبك الشيطان مش هتخسر على فكره همه نص ساعه يوميا هتكون عملت الواجب بتاعك فى وسط اعمالك .

بص علشان تعرف الحمله هتمشى ازاى بالضبط لازم تكون عضو فيها عضو فعال ولو بنفسك يعنى لو هتبتدى معانا أقرأ موضوع الحمله يوميا فـ… .

ولو هتكون عضو مفيد للآخرين كلمنى على الأيميل لأنها لها طرق مختلفه بمجرد مضيف الميل دا اللى معمول مخصوص للحمله هبعت ليك رساله تانيه فيها الخطوات اللى انت هتمشى عليها

بص انا هقولك الخلاصه :

طبعا الحمله مش هتبتدأ دلوقتى علشان مش تموت بسرعه لازم تجهيز تام قبلها ولازم لها الأعضاء قبل البدأ بها بمعنى انا دلوقتى كلمتكم فى المنتدى ولما تحب تكون معانا انت وغيرك ونكون عدد حلو كدا ينفع ان احنا نبتدأ الحمله هنبتدأ من المرجح انها هتكون فى اول السنه الجديده من الفضل مثلا احنا بقينا خمس افراد كل فرد فينا هيمسك خمس منتديات او اكتر على حسب مزاجه بس اهم شىء يلتزم بيهم يبقى احنا خمسه فى خمس منتديات يبقى كام منتدى هيساوى = 25 منتدى شوف كام فرد هيكون معانا لو كل منتدى واحد بس صادق معانا هيبقى 25 * 5 منتديات هيمسكهم ويلتزم بيهم هيكون الناتج = 125 + 25 منتدى اصليين يبقى 150منتدى وهكذا

طيب فى المنتديات دى هيكون معانا 150 منتدى ب150 فرد غير الأصل يعنى المجمل 25+5+150=180 فرد هيحفظ معانا وياعالم ممكن يكون اكبر من كدا بس اهم شىء نبتدى .

طبعا هيكون فى نظام لوضع المواضيع بمعنى من خلال الأميل اللى انا عمله واللى انت هتكلمنى من خلاله هتنزل الآيه القرآنيه المطلوبه تنزل طبعا الكل هيكلمنى فى وقت معين وهينزل فى وقت واحد كدا يبقى احنا ماشين بنظام

على فكره الميل مش معمول للتعارف ولا للدردشه علشان محدش يتعشم انه هيتعرف على بنات او ولاد ولو حد حب كدا برحته هوه حر هبتدى أجمع الناس اللى عايزين يدردشو فى نفس الإيميل بس اهم شىء نلتزم بالحمله لأن كل واحد هينضاف للحمله هيوضع فى ميزان حسناتك وكل حفظ بيحفظه بحسنه تخيل بقه هتحفظ كام واحد وانت على النت شوف بقى انا مش بقول امتنع عن المسجد ومترحشى او يا اختى مش تلتزمى فى الجامعه مع الاخوات التانيه بس انا دا عون لمن لا يلتزم وتأكيدا للملتزم

طيب وايه كمان انه الحمله هتكون فى المنتدى للعام للمنتديات مش المنتدى الإسلامى واللنك هيوضع فى جميع المنتديات الخاصه بالمنتديات الأخرى ليه علشان اللى مش مهتم بالدين شويه ومهتم بالمواضيع الأخرى يلقينا فى المنتدى ادامه مش شرط الإسلامى اصل اللى بيروح المنتدى الإسلامى هوه ملتزم بطبعته لكن الناس التانيه لازم حد يخبط على بابهم .

الفكره تكاد تكون بعيده المدى على التحقق بس هتكون سند لك فى الآخره

-هتقولى : طيب افرد انا دخلت على منتدى لقيت فيه نفس الموضوع

-هقول ليك : ان احنا هنخش باسم منفرد بباسورد مختلف علشان اجى اخش على المنتدى هيقول ليه ان فى واحد بنفس الأسم هتعرف من كدا ان واحد من الحمله عضو يعنى دخل المنتدى .

أظن كدا انت او انتى تقريبا أخذتوا كل شىء بالنسبه للحمله ايه رأيكم بقى نبتدى —<ضفنى على الميل وان شاء الله هيعجبك الموضوع ما أجمل المواضيع بعد تمامها ,

فى موضوع تانى لما نتكلم سوا هنعرف على حسب اختصاصاتكم بمعنى لو فى حد هيدينا دومين وواحد بيعرف يصمم مواقع صمم لينا أعتقد هنضع الموضوع مره واحده ويدوبك هنحط الرابط بتاع الموقع طبعا الموقع هيتغير على حسب الجديد

طبعا العمليه دى هتكون صعبه فى الفهم شويه لما تشوفها فى الواقع اعتقد انها هتكون سهله مما تتوقع .

احتمال انا اعمل الموقع او اصممه او التنين بس على حسب وقتى علشان انا شغال لو حد يتبرع ربنا هيكتبه دا ميزان حسناته ,

الميل يا جماعه موضوع للمقابله بين الأعضاء :

-لوضع المواضيع الجديده

-لوضع أقتراحات جديده

-لمعرفه الحديث اللى هيتنشر

-للمساعده على اتمام الموقع المرجو منه

-حاجات كتير هنعرفها

ايميل المراسله :

Moslem_for_eslam2009******.com

للإدارة :
اتمنى من إدارة المنتدى ان توزع هذا الموضوع على كافة منتديات الأنشطه الاخرى مثل المنتدى الادبى او منتدى البرمجه او اى منتدى اخر داخل منتديات الموقع حيث انه هام جدا لكل عضو لأنها حمله لم تتم مره اخرى ولكى يهتم بها الاخرون من المنتديات حيث انهم لا يدخلون المنتدى المخصص لها وشكرا لكم على سماحى بدخولى الموقع بهذه الطريقه واتمنى ان يكون صاحب الموقع ان يكون عضو معنا ايضا فى الحمله او من المؤسسين لها على فكره مفيش حد كبير على حد كلنا سوى بعض[/size][/center]