السلام عليكم ورحمة الله وبركاته
إخواني الكرام
والله هذا طلب من أخيكم المحتاج وأرجو أن يجعله الله لكم في ميزان حسانتكم يوم القيامة إن شاء الله
ومعلش افتحولي صدركم شوية علشان تسمعوا مشكلتي
لأني بجد متأثر جدا من اللي حصلي
العبد لله طالب في كلية الهندسة قسم كهربا شعبة اليكترونيات وإتصالات
وبندرس السنة دي مادة الميكروبروسيسور
أو بمعنى أصح بناخد فيها الأسيمبلي أو هي كلها أسيمبلي
وانهاردة كان أول امتحان أعمال السنة في الترم التاني
وكان الإمتجان في المادة دي
مكدبش عليكم أنا كن مذاكر المادة وكل حاجة
وكمان الإمتحان كان سهل
لكن للأسف محلتش حاجة
والسبب في كدة أني ذاكرت أوامر اللغة
والشرح تمام التمام
وحليت التمارين بتاعة الكتاب
ولكن تمارين الكتاب تمارين عبيطة مش زي الإمتحان أبدا
وعلشان أقربهالكم
هضربلوكوا مثل
زي كأن واحد بيقولك خد دي حروف اللغة العربية اتعلمها كويس خالص واحفظها وآدي شوية كلمات ممكن تبنيها بالحروف دي
ولما جه معاد الإمتحان
قام قلك أعربلي الجملة الآتية
ده تقريبا نفس اللي حصل معايا
لأني مش قادر ألاقي تمارين على المادة ممكن تخليني متمكن فيها
ويمكن الكتاب معظمكم عارفينه
هو كتاب محمد علي مازيدي
زبصراحة مفيش كتب في الكلية كتير في المايكرو بروسيسور
وحتى لو فيه
فكلها شرح
ملخص الكلام واللي طالبه منكم
ان حد يدلني على كتاب أو حاجة يكون فيها تمارين قوية على مباديء لغة الأسيمبلي
لأني محتاجها جدا ومتعشم فيكم خير
أما بقى بخصوص البرنامجين بتوع الإمتحان
كان واحد فيهم
استخدم الجمع في ضرب عددين كل واحد منهم 16 بت
والسؤال التاني كان برنامج
وعاوزك تمشي معاه وترسم شكل الريجيستر قبل وبعد تنفيذ الكود
وأنا معترف بأن الإمتحان سهل
لكن أنا متعودتش على صيغة الأسئلة
فياريت لو حد يقدر يجيبلي حاجة أوكتاب في تمارين قوية على اللغة
مع العلم اني لسة مبتديء فيها
أرجو سرعة الرد
بارك الله فيكم والسلام عليكم ورحمة الله وبركاته