بعد غسيل تكييف شباك .. مشكله وعايز مساعده


(system) #1

[CENTER][B]جهازي شارب 2.25 حصان شباك اشتريته الصيف الماضي (صيف 2008)
الجهاز يصدر رائحه نتنه احياناً ، وكثيرا ما تجاهلت الأمر
وفي النهايه قررت ان اغسل الجهاز (كما افعل دائما مع أجهزة التكييف من 20 سنه)

وفعلا
جبت البواب وشاله ، وهاتك يا رش بالميه والديتول والتنظيف واخر تمام
وبعدين ركبته

وغلطت غلطة عمري
الكهربا كانت واصله ، فالجهاز اشتغل !!!
اشتغل بدون ريموت مع نفسه ، وواضح ان وحده التحكم بتخرف لأنها منوره بشكل غريب
والريموت لا يعمل ، وزرار الإيقاف في الجهاز لا تعمل
واضطررت لفصل الكهرباء عنه لإيقافه

السؤال
هل كده خلاص راحت وحدة التحكم ؟؟؟
ولا ممكن لو انتظرنا لحد الجهاز ما نشف يبقى في الأمور امور ؟؟

السؤال التاني
لو وحدة التحكم راحت خلاص ، سعرها كام تقريبا ؟ وهل يمكن تركيبها والجهاز في البيت ؟ ولا لازم يشيلوه من عندي ؟ (خصوصاً ان الجهاز راكب في الدور الأرضي يعني مش ناقصه عرسه ولا فار ينطلي من فتحته)

ارجو الإفاده من ذوى الخبره والمختصين
ولكم جزيل الشكر والتقدير[/b][/center]


(system) #2

بسم الله والحمد لله
التكييف يعمل بكفاءه الآن
الموضوع كله انه كان مبلل من الداخل

ودخل في مرحلة تخريف عاليه جدا
وابتدي يطفي ويشتغل لوحده ، ويعمل زي لعب في الأنوار (كأن فيه ماس)
ففصلت الكهرباء عنه
وقمت بفك واجهة التحكم
وشغلت سشوار الشعر (هواء ساخن)
وبعد قليل
تركت الجهاز نحو 3 ساعات (الجو اليوم حار جدا في القاهره)

وعاد من جديد للعمل
بعد ان نشف دمي :slight_smile:

فلله الحمد والشكر