اديال نو فروست جابتلي هس هس الحقوني


(system) #1

[B]السلام عليكم و رحمة الله و بركاته
اولا احب ان اشكر جميع القائمين علي هذه المنتدي الرائع و ارجو ان يكون في ميزان حسناتهم لما فيه افاده لجميع الاعضاء
اولا نبتدي منين الحكايه الموضوع كبير و جابلي بجد عقده نفسيه مش انا لوحدي ده انا و كل الي يحاوي يقرب من الفك المفترس الي عندي
الموضوع انا عندي ثلاجه اديال ايليت نو فروست 10 قدم من سنه بالظبط الثلاجه لقيتها بتعمل ثلج و مبتفصلش والطبيعي انها متعملش ثلج لانها نو فروس المهم سبتها و بعد كام شهر دخل الصيف و غصب عني جبت فني لاصلاحها و قالي كده يا باش مهندس الثلاجه عاوزه ثيرمو ديسك قلتله كده من غير ما تقيس اي حاجه ما شاء الله عليك طبعا انا مخلص علوم حاسب مليش دعوه ب الكلام ده نزلت جبتله الثيرمو ديسك و ركبه و بعد ما مشي لا الثلاجه فصلت ولا حاجه سبتها كمان كام شهر و اشتغلت غلي ثلاجه تانيه عندي و بقيت افصلها اسيح الثلج و اشغلها تاني جه زميل اخويا الكبير قالي ثلاجه مش شغاله اصلحها فاكرين فؤاد المهندس في عائلة زيزي المكنه طلعت قماش
عمل كده بالظبط المهم فكها فعلا لاقينا السخان مكسور قالي غير السخان غيرنا السخان و برضوا مفصلتش قالي نجيب تايمر جبنا تيمر و برضوا مفصلتش قالي نغير الثيرمو ديسك تاني غيرناه و برضوا مفصلتش يالهويييييييييييييييييييييييي
سبتها شهرين كمان و من اسبوعين كده الحر دخل جامد قلت اصلحها جبت فني تاني و يعني ده الوحيد الي شغل مخه معايا و فضلنا نفكر المهم جاب من عنده 2تايمر كمان و برضوا مفيش فايده و قاس الثيرمو ديسك و قال نغيره و غيرنا و قال عاوز تيمر جديد و السخان قسناه لاقيناه شغال طبعا جزاكم الله كل خير كنت انا لاقيت المنتدي ده و بقيت يعني شبه خبير و نزلت الدوره الي علي المنتدي الي فيها صيانة المكيف و الثلاجه ما شاء الله دوره ممتازه و اتعلمت منها كويس جدا جدا جدا علي الاقل بقيت فاهم كل جزء بيعمل ايه و ايه و ظفته و كمان نزلت جبت افوميتر ديجتال الي هما بيسموه بنسة امبير و جبت الثيرمو ديسك الجديد و قيسته ب البنسه زي ما ربنا يبارك فيكوا و علمتونا و قيست التيمر طرف واحد و ثلاثه المقاومه سليمه طرف ثلاثه و اثنين طلع طرف الضاغط الكمبريسور و طلع طرف ثلاثه و اربعه طرف السخان و قست و كله تمام بس اجي اوصله ب الثلاجه
و جربت زي ما انتوا علمتونا ب الطريق الي انا قلتها دي يحصل ايه التايمر يلف و يشتغل بس الموتور ميشتغلش اوصل زي ما مرسوم علي ظهر الثلاجه التايمر يقف و ميشتغلش و الثلاجه تشتغل بأستمرار بدون توقف حاولت بكل الاشكال و قمت بتغير جميع الاسلاك في التايمر و اجط ده مكان ده مستحي هما يا الا يشتغل تايمر و يلف و ثلاجه لاء يا الا يشتغل الثلاجه و التايمر لاء
احب اوضح ان التايمر 4 طرف
الاربع اسلاك الخاصين ب التايمر هم
ابيض * ازرق ابيض بني احمر
الطريقه الي علي ظهر الثلاجه بتقول طرف 1 ابيض طرف 2 بني طرف 3ابيض ازرق طرف 4 احمر
كده يشتغل الثلاجه بدون فصل والتايمر ميتحركش

انا بركبها ب طريق القياس بركب 1 ابيض 2 ده متأكد منه ده بتاع الموتور احمر 3 ده الكهرباء ابيض في ازرق 4 و ده السخان بني دي طريقتي انا و كده يشتغل التايمر و الموتور لاء طبعا انا جربت كل الاسلاك و عكست كل الطرق مفيش
مش فاهم في ايه فعلا فا ياريت لو حد يعرف السبب يبي جزاه الله خيرا و يقولي اعمل ايه او العيب ممكن يكون فين مع العلم الثلاجه لما كنت بسيح الثلج منها كانت بتثلج كويس جدا جدا يعني الموتور كويس و مشحونه تمام
انا مش عارف اوصل للعيب خالص ولا اي فني من الي جم خالص فعلا الموضوع بقي تحدي بيني و بينها و هما كل الي يجي مره مبيجيش تاني زي ما يكون بيخاف منها
ارجو المساعده
و عاوز اعرف حاجه انا الطرف ال ابيض في ازرق قيسته ب مفك التيست و عرفت انه الكهرباء و الاحمر لانه داخل علي الموتور عرفت انه طرف الموتور ازاي بتعرفوا اللونين الباقيين الابيض و البني بتوع ايه انا شفت الطرف ال داخل للسخان بني قلت يبقي اكيد بتاع السخان
و حاجه تانيه انتوا علمتونا اننا بنقيس طرف 3و2 3 و 4 و بنعرف طرف الضاغط و السخان طيب طرف ثلاثه ده المشترك بيخشلخ انهي سلك و طرف واحد الي لوحده ده بيخشله انهي سلك دي محدش وضحها خالص
ارجو حل مشكلة الثلاجه دي لانها فعلا غريبه جدا
و اسف لاني طولت عليكم جدا جدا و طبعا نفسكم
بس انا عارف ان المسلم للمسلم كالبنيان المرصوص
بارك الله فيكم و جعلكم في ميزان حسناتكم
اخوك كريم

دي الصوره بتاعت الدائره الي علي ظهر الثلاجه لو تفيدكم في شيئ و دي برضوا الي عليها التقسيمه الي انا قلتلكم عليها هيا مش واضحه بس يمكن تفيدكم
[/b]


(مهندس اشرف سعد) #2

انا هقول لك الحل اتصل بضمان اديال افضل علشان تريح نفسك منها وربنا يصلح ويسهل امورنا جميعا


(system) #3

جزاك الله خي علي ردك و اهتمامك بالموضوع ولاكن فعلا اتصلت بالضمان مره و ربنا يسامحهم اخدوا 25 جنيه رسم كشف و قالي ابقي سيح الثلج الي فيها و اطلبنا تاني سيحته و كلمتهم جالي و قالي احنا نبدأ ب الثيرمو ديسك نغيره قلتله شكـــــــــــرا لقيته مش هيعمل زياده عن الي اي حد بيفكر فيكه جزاك الله خيرا


(fichoo) #4

السلام عليكم
ان شاء الله عندى الحل
اولا حدد طرفين 220 فولت على تطلعهم بالالوان من على الدايجرام
يتبقى عندك طرفين سلك . قيس بالافو ميتر من على التايمر بعد لفه فى وضع تشغيل الكمبروسر ايه هيلمس مع طرف رقم 3 ويبقى ده تشغيل كمبروسر ويبقى الاخير سخان
اما بخصوص الثلج عا وز اعرف الثرموديك الاصلى كام طرف بمعنى داخل معاه ثيرمال فيوز من عدمه لانه فى حالة 3 طرف وركبت مكانة 2 طرف مش هيسيح الثلج .
ولو كان القديم 2 طرف
شيل الثريمو ديسك خالص وابعد السلكين عن بعض وخلى التايمر فى وضع تشغيل الكمبوريسر حط فيشة التلاجة وحط ودنك على موتور التايمر لو شغال يبقى تمام .
لمس سلكين الثرمو ديسك مع بعض اربطهم يعنى وهات التايمر بايدك فى وضع السخان وشغل الثلاجة شوف السخان شغال شغال يبقى تمام السخان .
وبعدين حط ودنك على موتور التايمر لو كان بطال يبقى يبقى لغاية كده كويس .
ولو كان موتور التايمر شغال والثرموديسك واصل يبقى التايمر مش بتاعها وهاتلها تايمر مكسيكى اسود ده هو تايمرها او نفس نظام تايمرها الاصلى .
وقفل التلاجة ان شاء الله وادعيلى .
ولو حبيت تسألنى عن اى حاجة اطلبنى فى اى وقت وده رقم تليفونى .
محمد كمال
0129035111


(doren) #5

اخي الكريم تم رد على سؤال عن طريق الاخ fichoo : مع جزيل الشكر والاحترام