انا محمود طالب مصري مخلص ثانوية عامة جبت في تانية ثانوي%92 بس اتدلعت كتير في تالتة جبت 84% فصفصفت على 87.8% وانا كان نفسي أدخل هندسة علشان أطلع مهندس محترم زي والدي
بس طبعا ضاع الحلم بسبب إهمالي أو التصحيح اللي عليه علامة خالي من الضمير (تعددت الأسباب والموت واحد)
انا دلوقتي في السعودية بسبب ظروف شغل بابا وتايه و مش عارف اعمل ايه ومش مقتنع بحاسبات ومعلومات دي(ده إن مجموعي جابها أساسا)
سمعت عن طريق المنتدى بتاعكو عن هندسة الطيران بتاعة امبابة فكنت عايز أسئل
1- مجموعي يجبها ولا لاء؟
2- مصاريفها كام في السنة اللي هتبدأ دي (2009\2010)
وانا من المنوفية (بلدياتك يا طيار يا منوفي)فالبنسبة للسكن
3- في مكان للإقامة تبع الكلية وهل هو نظيف و مناسب ولا ؟ ولو غير كده ايه البديل؟
4-والتقديم للكلية دي بيبقى إزاي تبع التنسيق ولا إختبارات معينة ولا إيه؟
5-في مواد في الثانوية العامة لازم أكون جايب فيها درجات معينة علشان أقبل في الكليه؟
6-ينفع البنات يدرسو في الكليه دي؟
7-انا سمعت ان الطلاب بيلبسو بدل عسكرية ده صح ولا؟
انا حاولت اني أقرا كل المواضيع علشان مكررش أسئله بس لو في تكرار يبقى تقصير مني
وياريت لو سمحتو الإجابة تبقى بسرعة لضيق الوقت
وأسف لو كنت طولت عليكو
(وياريت بلدياتي يخدمني في الموضوع ده)