الكمبيوتر مذكر ام مؤنث؟


(ميمو هندسه) #1


[SIZE=5]هل تعلم ؟؟
اذا كنت لا تعلم فابدا بقراءه القصه
كان أحد مدرسي اللغة الإنجليزية يشرح لتلاميذه قاعدة المذكر والمؤنث في
اللغة الإنجليزية. وذكر أثناء الشرح أن العواصف في وقت من الأوقات كانت
تمنح أسماء مؤنثة فقط ، وأن السفن والطائرات اعتادوا أن يعتبروها
مؤنثا. فسأله أحد التلاميذ ’ هل الكمبيوتر مؤنث أم مذكر؟’

لم يكن المدرس متأكدا من الإجابة ، فقام بتقسيم الفصل إلى مجموعتين :
مجموعة الأولاد ومجموعة البنات ، وطلب من كل منهما أن يدلي برأيه مع
إعطاء أربعة أسباب تثبت هذا الرأي:

ورأت مجموعة الأولاد أن الكمبيوتر مؤنث وذلك للأسباب التالية:

[/size]1-لا أحد يفهم المنطق الخاص به الا صانعه فقط
2- لا يستطيع أحد أن يفهم اللغة الداخلية التي يعمل بها.
3- يحتفظ بأخطائك حتى البسيط منها ليسترجعها لاحقا.
4- عندما ترتبط بإحداهن ، تجد نفسك تنفق نصف مرتبك على الإكسسوارات
والطلبات المفاجئة

رأت مجموعة البنات أن الكمبيوتر مذكر وذلك للأسباب التالية:

1- لكي تحصل على اهتمامه ،يجب أن تضغط على كل مفاتيحه.
2- لديه الكثير من المعلومات ،ولكن يصعب فهمه.
3- من المفروض أن يساعدك على حل مشكلاتك ، ولكن في أغلب الأحيان يكون
هو المشكلة.
4- بعد الارتباط به ، تكتشف أنك لو انتظرت قليلا لكان بإمكانك الحصول
على أفضل منه


(أبو أنس المصري) #2

طبعاً كلام الأولاد هو إللي صح وكلام البنات كلــــــــــــــــــــــــــــــــه خطأ وبالذات آخر نقطة

لو أعرف بس أنت يا “ميمو هندسة” زميل ولا زميلة كنت حددت الرد المناسب


(ميمو هندسه) #3

انا زميل يا باش مهندس


(أبو أنس المصري) #4

طيب يا هندسة، كيفك وكيف أخبارك
آيش رأيك الكمبيوتر مذكر ولا مؤنث

وانتبه للصور علشان تعرف آيه نوع الإجابة المطلوبة، لأن فيه اثنين غفر بيسخنوا


(ميمو هندسه) #5

انا عازب ما فيش حاجه اخاف منها وبقول رأيي بصراحه…الكمبيوتر مؤنث


(أبو أنس المصري) #6

لا طالما كده يبقى خلاص


(طيب) #7

بالنسبة للكمبيوتر…مذكر ام مؤنث…
فيه كمبيوتر …و فيه كمبيوترايه!


(أبو أنس المصري) #8

يعني قصدك إن الكمبيوتر مذكر
أنا أؤيد إنه مؤنث لأنه لما بتستخدمه في حاجة تحتاج تشغيل مخ بـ"يهنج" منك كما بيعمل “ريستارت” ومطلوب منك تعيد من أول وجديد.
يبدو إني لازم أسخن شوية


(طيب) #9

انا ما قلتش انه مذكر… !
انا قلت انه فيه منه مذكر …كمبيوتر…
و فيه مؤنث…كمبيوترايه! كمبيوتراية بنت! اللي عنده كتير اكسسوارات بكون كمبيوترايه


(أبو أنس المصري) #10

يعني قصدك دول


(طيب) #11

ايوى دووووووول :slight_smile: توحيدة و افتكار و يسرية و الشله … :slight_smile: بتعرفهم منين ؟؟؟؟ :slight_smile:


(أبو أنس المصري) #12

لا عليك، ما هو أنا متزوج وعندي كمبيوتراية في البيت علمتني كمان ؟؟؟؟ و ؟؟؟؟ و؟؟؟؟

أنا دلوقت آمنت إن الكمبيوتر مذكر، لأنه بعد الزواج مخه بـ"يتفرمط format" وبينسى كل صفاته الشخصية قبل الزواج

يا باشمهندس ميمو-هندسة استعد هاتتفرمط يعني هاتتفرمط


(طيب) #13

و الكمبيوتراية بتتفرمت برضوووو و قبل الكمبيوتر كمان …بتتفرمت بفترة الخطوووبة
.
.
:slight_smile:


(ميمو هندسه) #14

انت لسا ما تعرفنيش يا ابو انس …انا الهارد ديسك بايدي يبقى فلوبي


(أبو أنس المصري) #15

أنا ليه مش عارف أنا متردد كده ليه مرة تناية اكتشفت إن الكمبيوتر مؤنث، لأنك لما بتفرمطه في فترة الخطوبة بتكتشف إنه عامل back-up من نسخة ويندوز ghost وكل حاجة بترجع لوضعها القديم بالظبط بعد شهر العسل، ولا كأنك فرمطه قبل كده


(أبو أنس المصري) #16

يا باشا بالراحة على نفسك شوية هارد ديسك آيه وفلوبي آيه يا باشا دلوقت بيعملوا هاكينج بالبلوتوث والوايفاي، يووه الكمبيوتر تاني رجع بقى مذكر لأنه قبل ما يدخل في الخطوبة لازم يشغل firewall علشان مافيش هاكر يغير أفكاره بعد الخطوبة


(أبو أنس المصري) #17

يبدو أننا انتصرنا:)


(طيب) #18

على مين انتصرت يا ابو انس! ما تزيدها اوي علينا…بطلع من المنتدى!


(أبو أنس المصري) #19

لا! لا! خلاص
مذكر مذكر، هانعمل آيه
وكمان علشان أثبت إنه مذكر إنه عنده زرار للقفل الإجباري زي الكمبيوتر لما المستخدم ما يقدر يسيطر عليه ويحس إنه خلاص انهزم أمام الكمبيوتر دايما يكسبه بإنه يدوس على زر القفل. والغلبان ينقفل وما يقدر يتكلم بعد كده
يبقى أخيراً طلع الكمبيوتر مذكر وكمان هايسكت ومو راح يتكلم تاني في هاذ الموضوع


(طيب) #20

مكنش قصدي كده ! :slight_smile: على سلامتكم بقه …