موقع رائع لتلاوة القرأن الكريم

أيوه استنوا معلش أنا عمال أتفرج عليكم من الصبح بس مش عارف ارد عليكم لأن النت في الشغل للاطلاع فقط ومش عارف ارد عليكم
يا هندسة أنا قولتلك خلاص ابو أنس بقى بيسمع الكلام وكل حاجة بقت تمام، ما تجبليش مشاكل بقى هاه خلاص اتفقنا
نرجع للجد، يا باشمهندس لي عندك الأول طلب إنك تعلن عن المشروع في المنتديات والمواقع بتاعتك دي حاجة
والحاجة التانية بجد أوعى يجي في نفسك غنك تاخد حد من منتدى المهندس لأي منتدى تاني، معلش أوعى تزعل مني لن الكلام ده حصل قبل كده من أكثر من واحد، طبعا إنت غيرهم بس من واجبي نحو المنتدى أن أطلب هذا الطلب احتياطا لا حقيقة

وبص بقى علشان تستمر معانا وتختم القرءان من غير ما تحس، مهما كنت بطــــــــــــــــــــــــــــــــــــئ أو كســـــــــــــــول أو حتى مشغـــــــــــــــــــــــــــــول مش عاوزين منك إلا حاجتين إنك تحط لنفسك بنفسك البرنامج العملي إللي إنت تقدر في المتوسط تحافظ عليه، وكلمة المتوسط تعني خلال الأسبوع كله، والحاحة التانية إنت عارف إن احنا على الإنترنت يعني لا حد منا يعرف التاني واحد من السعودية وغيره من الجزائر واللي من الشام وانت من مصر يعني بالمصري “حاوريني يا كيكا” فلو عاوزنا فعلاً نساعدك عاوزين منك طلب صغنـــــــــــــــــــــون جداً بس بجد فعلاً هانساعدك
هاه عاوزني أقولهولك…طاب صلي على النبي، ركز إن المحصلة هي حفظ القرءان حلم ملايـــــــــــــــــــــــين المسملين، بس عاوزين منك…عاوزين منك…عاوزين منك…كل اللي احنا عاوزينه بس إنك تدخل على المنتدى من كل يوم والتاني حتى ولو ما كنتش حافظت المقرر بس تعالى…هاتقوللي طاب والمشرفة…أقولك مالكش دعوه خلي الأمر ده علي أصل أنا خلاص اتعودت على المواضيع دي وكما لي طريقتي الخاصة في المعاملة
طيب أنا ما حفظتش أدخل ليه، أقولك علشان تحفظ لأنك لو غبت هانجيبك منين، بس منين ما تدخل أوعى تنسى تسلم على أبو أنس

بس كده…آه بس كده…بجد بس كده…أيوه بجد بس كده…وبعد كده هاحفظ القرءان…أيوه ياعم إنت مش مصدقني، احنا خلال أيام أقل من أن تعد بالشهور خلصنا سدس القرءان ومن فترة بسيطة كنا بنعلن إن احنا خلصنا عشر القرءان وإن شاء الله عن قريب هانعلن خمس القرءان وكمان بعد شوية نصف القرءان بس انت خليك معانا وإن شاء الله أكيد مش هاتخسر

منتظر ردك، بس اوعى تنسى إن النت عندي بالنهار بيكون آيــــــــــــه،،، يووه نسيت، بيكون للاطلاع فقط يعني هاقرأ مشاركتك وباليل أرد عليك

سلمات يا هندسة وأقابلك في حلقة الصديق