سؤال عن الدورات فى الاكادمية البحرية .. ونقـاش لافادة الجدد فى هذا المجال


(system) #1

بســم الله الرحمن الرــحيم …:slight_smile:
اهلا بــكم جميــعا … عملت الموضوع دة للنقــاش والافادة للجميــع والجداد خصيصا فى المجــا وحتى لا نقع فى شبـاك الاوهـام …
تعـريف عن نفسى …
الاســم : محمد علاء الدين
السن : 18.8 سنة
المؤهـل : دبلوم صنــاعى قسم (الكترونيات - وكمبيوتر)
سمعت عن الاكادمية البحرية مجرد ما سالت فقط قال دى عاوزة فلوس كتيرة جدا جدا جدا … فكــان فية طرق تانية الى هيا الدورات
الــدورة الاولى اسمة بحــارة اساسين واسم المعهد وتابع للاكادمية البحرية معــهد تدريب الموانىْ . وهوا تقريبا 4 شهور بثمن 2500 بالكشوفات وشراء الملف كمان … اما السكن دة الى مش عارفة خااااالص وموضوعة كمان الله اعلم بية … طبعا ان دخلت بحارة هبقى اشتغل مرمطون لما اخد شهادة ثانوية + سرفس 30 شهر وبعد كدا اعدلة ظابط تالت ملاح … بس للاسف دة انا مش عاوزة + فية شى مهم فين هعمل سرفس ويا طرى هلاقى شغل ودى نقطة مهمة جدا جدا جدا جدا جدا . ففكرت ادخل الدورة كامهندس ميكانيكى او كهربا بقا وبعد كدا اروح الاكادمية اعدل الشهادة 6 شهور واخد البارت الاول 6 شهور بثمن 500 دولار وشوية يعنى 2800 جنية او اقل . بس السكن دة مشكلة الله اعلم بية والاكل والشرب كمان …
جينــا لنقطة مهمة هل بعد دة كلة هنلاقى شغل هنروح نكلم فى المينا يقؤلو لينا اطلع برا ولا مفيش شغل ولا اية .؟ لان سمعت ان عاوز واسطة وبصراحة انا واسطتى ربنا الحمد لله على كل شى

دى قصــة سريعة كدا للموضوع من اول ما عرفتة وملخص … اسالتى هنا هلخصة ليكم لنقاط للرد علية سريعــا والموضوع ارجو انة يدوم ويكون فية نقــاش دايم …
1- اول دورة هتكلف 2500 ملف وورق وكشوفات وتقديم . يا طرى سكن واكل وشرب 4 شهور بكام .؟ يعنى مينفعش يكون فية طلاب هيقدمو وناخد شقة معا ونقسم كل شى بالنص ولو كبيرة نخلية على 3 او 4 يعنى ونقسم .؟؟؟؟
2- تانى دورة هتكلف 2900 جنية كاقصى حد لكل اللاوزم . يا طرى بردك سكن والى اخرة هنلاقى والسعر الاهم . لان دى فلوس بطير والواحد مفيش رؤس اموال يعنى …؟
3- هل بعد ما اخلص دورة مهندس تالت ونعدى تلك العقبــات يا طرى هلاقى شغل ولا بعد مصاريف 5 الاف وشوية دورات + الله اعلم مصاريف اكل وشرب وسكن وموصلات كام بفايدة هنشتغل . هنلاقى شغل هنلاقى حد يعبرنا …؟؟؟ وانا معيش واسطة غير بنا والحمد لله على كل شى
4- المرتب مش مشكلة والله مش عاوزة اقل شى ولا اعلى شى المتوسط ونحمد ربنا على كدا .
5- هل اثناء دراستى 6 شهور ممكن انى اشترى بدلة البحرية كنزاهة يعنى افك عن نفسى شوية . يحق لية ذلك خارج المعهد وفى اثناء النزول البلد او انى اروح فقط مش اثناء الدراسة بمعنى ادق .؟
6- انا جيشى قرب لانى 18.8 سنة هل انطظر لبعد الجيش افضل واعمل المسيرة والان ادرس الموضوع .؟
7.8.9- الشغل ثم الشغل ثم الشغل هل هنلاقى .؟ نتوكل على الله
وباقى النقــاط نتركة للجميع لان الموضوع للنقـاش ونريد منكم واجهة نظركم وكل شى . واسف جدا جدا للاطالة ويا رب اكون ضيف خفيف وما اكون ازعجتكم باسلتى الكثيرة … وتقبــلو منى ودى واحتــــرامى …:slight_smile:

(system) #2

لكل مهتم بالشغل بالبحر الاكاديمية بتعمل دورات علشان تجمع فلوس وبس