:: بيت ثلاثي ابعاد من تصميم ::

السلام عليكم ورحمة الله وبركاتة

هلا ^^ انا مهندسة مدنية
و
هذي احول مشاركه لى في المنتدي
وحبتين لعيونكم

ويبت لكم ايه مع الخطواااااااااااااااااااااااااااااات … مع شرح بسيط

اول الشيء البيت من طابقيـ

والبدايه … رسمت تخطيط حق كل طابق …

وهذا تخطيط الطابق الاول
وجان تطلع ثقافتي انجليزيه … بس واضح صح
اممم المربعات الى فيها حروف زرق هذي ترمز على نوع مواد البناء الى بستخدمها في التصميم
والخط الاخضر الى يقسم الرسم هذا خط القطع بخبركم عقب عنه …
LC و LO هم سمك الجدار و ارتفاع الجدار بس بالمتر

تخطيط الطابق الثاني
قياس كل مساحه مكتوبه بالبنفسجي … وبالملي متر << يعنى تنظرب بـ 1000 عسب نعرف قياسها في الطبيعة

وشو هالصوره بعد ؟؟ اوه صح تذكرت
السطح
خخخخخخ والمربعات الى فيها دائره هذي الخزانات مال الماي

هنا الله يسلمكم … امممم … لو وقفت عند الباب من بعيد وطالعت البيت …كذا شكل الخطوط الاساسيه

هذا البيت من زاويه ثاني

في تخطيط الطابق الاول الى شفتوه فوق …
كان فيه خط اخضر اسمه
B B
يقص البيت
وهذي رسمته البيت من داخل بعد ما انقص هالمكان الى مرسوم في الصوره الى فوق

هالصور مب مهمه وايد … لاني ما طبقتها وهيه
تخص توصيلات الليتات والكهربه … و توصيلات الماي في البيت
للطابقين

وهذا الطابق الاول

يتبع

تتمة الصور

الخط الاحمر حق الماي من الحرار . الوردي احق توصيل الماي من الخزان … الخطوط الزرق هذي توصيل الليتات
امممممممم بعد اللون الاخضر الكيبلات مال الكهربه … والى يشبه المفتاح … هذا مفتاح تشغيل الليتات …
[

صور مكبره للتوصيلات
[URL=“http://www.imuae.com/vb/imgcache2/258416.gif”]

هو احسن ان الانسان يرسم تخطيط حق البيت قبل ما يبداء يصممه ثلاثي ابعاد …
لاسباب وايد منها …

يقدر يستخدم المخططات مرجع عسب يصمم بيت احسن وبطريقه اسرع
يقدر يرد يستخدمها عسب يعدل في البيت بطريقه سهله
يقدر يوفر وقت وجهد وايد بهالطريقه …
بعدين اساسا لو انعرفت القياسات
اي حد يقدر يصمم نفس التصميم …

المهم بعد التخطيط
نبداء البناء …اقصد تصميم ثلاثي ابعاد

وهذا الطابق الاول بعد ما خلصته
واصعب شيء كان عندي … هو تركيب الدرايش << بس تصدقون
بعد ما خلصته اكتشفت طريقه … سريعه حق تصميم الدرايش وهيه بس اسوي دريشه وحده …واحفظها في مكان معين واقدر ارد استخدمها مره ثانيه وبس اعدل في بيانات الحجم … قهر صح … خخخخخخخ
[URL=“http://www.imuae.com/vb/imgcache2/258417.gif”]

والطابق الثاني
[URL=“http://www.imuae.com/vb/imgcache2/258418.gif”]

بعد ما سوينى البيت
نحط مواد البناء … الزجاج … الرخام … الحديد … القماشي … عسب التأثيرات
هذا الدرج المدور …
[URL=“http://www.imuae.com/vb/imgcache2/258419.gif”]

هذا موقع الدرج والبيت خخخ مع التأثيرات بتاعت الراندر خخخ
[URL=“http://www.imuae.com/vb/imgcache2/258420.gif”]

صوره مكبره للأثاث
[URL=“http://www.imuae.com/vb/imgcache2/258421.gif”]

وطاعوا كيف صار شكله …
مب حلو وايد صح …
[URL=“http://www.imuae.com/vb/imgcache2/258422.gif”]

المهم

هنا صوت البيت
كان بيطلع شكله حقيقي … لو كان فيه تأثيرات الاضاءه والضل والزجاج بس …للاسفـ… سويت التأثيرات وامتحس كل شي قبل ما احفظه … من جيه استسلمت وبطلت اسويها خخخخخ …
[URL=“http://www.imuae.com/vb/imgcache2/258423.gif”]

هنا لما كنت اسوي الفلمـ…
[URL=“http://www.imuae.com/vb/imgcache2/258424.gif”]](http://www.imuae.com/vb/imgcache2/258415.gif)

وهذا الفلمـ…

//youtu.be/5gh98RULQA4

على فكرة فيه صورت تخطيطه ثانيه للبيت مثل موقع البيت مع الشارع و مناطق القطع
بس بس ما حطيتها …

و على فكره …
هالبيت سويته خلال 4 شهور … لحد ما خلصته …
لانى كنت ادرس واشتغل وما كنت مواصله عليه
لكني … تطورت … وسويت بيت احلا منه في
اربع ساعات بسـ… ان شاء الله ارويكم ايه … المره الجاية
^_____________^

اذا عيبكم بيتي
لا تنسون التقيم

تحياتي
قد الموآهب

مع خالص شكرى وتقديرى لطرحك الرائع