بخصوص الاتهامات الخاصة بحرب العراق
الناس اللي رايحة جاية تقول البرادعي خاين وهو اللي ضيع العراق وانه كتب تقارير على هوى الأمريكان وقال ان العراق فيها أسلحة نووية والغزو تم بناء عليها… إلخ ياريت يقروا الكلام التالي قبل مايساهموا فى ترويج الاشاعات، وكله بالأدلة:
باختصار شديد تم تكليف دكتور محمد البرادعي وهانز بليكس بترأس فريق تفتيش الوكالة الدولية للطاقة الذرية بالعراق، وفى جلسة مجلس الأمن اللي انعقدا لبحث ملف العراق النووي يوم 7 مارس 2003 يعنى قبل حرب العراق بـ13 يوم قال دكتور محمد البرادعي بيان شامل لمجمل نتائج ماتم من تفتيش
وقال ان لم يتم العثور على أى أنشطة نووية مشبوهة فى العراق
وده نص البيان اللي ألقاه من موقع الوكالة الدولية للطاقة الذرية
https://iaea.org/NewsCenter/Statements/2003/ebsp2003n006.shtml
وده فيديو لدكتور محمد وهو بيلقى البيان فى جلسة مجلس الأمن
ودي أهم النقاط اللي في البيان عشان اللي مكسل يقرا او يسمع البيان كله
There is no indication of resumed nuclear activities in those buildings that were identified through the use of satellite imagery as being reconstructed or newly erected since 1998, nor any indication of nuclear-related prohibited activities at any inspected sites.
ليس هناك ما يدل على استئناف الأنشطة النووية في تلك المباني التي تم تحديدها من خلال استخدام صور الأقمار الصناعية ويعاد بناؤها أو التي اقيمت حديثا منذ عام 1998 ، ولا أي إشارة للمواد النووية ذات الصلة بأنشطة محظورة في أي مواقع التفتيش.
There is no indication that Iraq has attempted to import uranium since 1990.
ليس هناك ما يدل أن العراق حاول استيراد اليورانيوم منذ عام 1990.
There is no indication that Iraq has attempted to import aluminium tubes for use in centrifuge enrichment. Moreover, even had Iraq pursued such a plan, it would have encountered practical difficulties in manufacturing centrifuges out of the aluminium tubes in question.
ليس هناك ما يدل أن العراق حاول استيراد أنابيب الألومنيوم لاستخدامها في تخصيب اليورانيوم بالطرد المركزي. وحتى لو كانت لدى العراق مثل هذه الخطة، لكانت واجهت صعوبات فى عملية تصنيع أجهزة الطرد المركزي من أنابيب الألومنيوم
There is no indication to date that Iraq imported magnets for use in a centrifuge enrichment programme.
لا يوجد مايدل على العراق قامت باستيراد المغناطيس لاستخدامه فى برنامج التخصيب بالطرد المركزي.
After three months of intrusive inspections, we have to date found no evidence or plausible indication of the revival of a nuclear weapons programme in Iraq.
بعد ثلاثة اشهر من التفتيش لم نجد اى دليل او اى اشارة حتى عن برنامج اسلحة نووية فى العراق
ده ملخص اللي دكتور محمد قاله فى اجتماع مجلس الامن اللي انعقد لمناقشة ملف العراق قبل الحرب وكان نفس مضمون التقرير اللي كتبه هانز بليكس، يعني الاتنين اتفقوا على نفي كل مزاعم الولايات المتحدة اللي كانت تتستر وراها كمبرر للحرب، وبعد 13 يوم - يوم 20 مارس 2003 - تم تجاهل تقارير الوكالة الدولية للطاقة الذرية وبدأ الغزو العراقي!!!
ومنذ ذلك الحين وأصبح دكتور محمد البرادعي العدو اللدود لادارة الرئيس الامريكي جورش بوش لأنه ما كتبلهمش تقارير تبرر غزوهم للعراق امام المجتمع الدولي
–
ودكتور محمد قالها صراحا: الولايات المتحدة استخدمت حجة كاذبة لغزو العراق
ElBaradei: U.S. Used False Pretext to Invade Iraq
//youtu.be/http://www.youtube.com/watch?v=dPG-S_CdS_U
–
دكتور هانز بليكس مفتش الامم المتحدة اللي كان بيرأس فريق التحقيق فى الملف العراقي مع دكتور محمد قال صراحا انه هو ودكتور محمد فى احد المرات قبل مايقابلوا الرئيس بوش قالهم ديك شيني - نائب الرئيس الامريكي السابق - انهم مش هيترددوا ابدا انهم بشوهوا سمعتهم وقال بليكس ان فى رايه انه شيني كان بيعني ان لو هو والبرادعي ماقدموش التقارير والاستنتاجات اللي ادارة بوش عيزاها هتعمل الادارة الامريكية ده بنفسها يعني انهم كدة كدة هيظبطوها زى ماهم عايزين
وده نص اللي قاله بليكس
when we met him just before seeing the president he said to El.Baradie and myself, we will not hesitate to discredit you in favor of disarmament, i think the meaning of that was “if you guys don’t come up with the right conclusions then we’ll do it” and that’s what they tried to do.
وده الفيديو اللي بيقول فيه بليكس الكلام ده
//youtu.be/http://www.youtube.com/watch?v=CVldccu5RmQ
–
أضف كمان ان الولايات المتحدة قامت بوضع تليفون دكتور محمد البرادعي تحت المراقبة عشان يحاولوا يوصلوا لاى شئ يثبت انه متورط فى صفقات مع العراق او ايران عشان يقدروا يبرروا حربهم اللي تمت عالعراق والحرب اللي عايزينها على ايران، وكمان عشان يقدروا يشيلوه من منصبه كمدير للوكالة الدولية للطاقة الذرية ومع ذلك ماقدروش يمسكوا عليه غلطة واحدة
الخبر من الجارديان البريطانية
http://www.guardian.co.uk/world/2004/dec/13/usa.iran
أهم النقاط بالمقال
The Bush administration has been listening in on telephone conversations between the director of the international nuclear agency and Iranian diplomats with the aim of gathering evidence to remove the UN bureaucrat from his post, it was reported yesterday.
With Washington’s campaign against the IAEA chief, Dr Mohammad ElBaradei, now in its second year, the administration has acquired dozens of telephone intercepts of such conversations in the hopes of finding evidence of wrongdoing, the Washington Post said. The newspaper quoted three anonymous US government officials as saying that the administration embarked on its eavesdropping mission to collect material that would discredit Dr ElBaradei in his dealings with Tehran in the crisis over its clandestine nuclear programme.
وفى نفس المقال موضح ان دكتور محمد اصبح عدو لادارة واشنطن من وقت ما كشف كذب ادعاءات واشنطن عن ترسانة صدام حسين النووية اثناء التحضير لحرب العراق.
For the neo-conservatives in the Bush administration, Dr ElBaradei has been an enemy since he exposed the hollowness of Washington’s claims about Saddam Hussein’s nuclear arsenal during the run-up to the war on Iraq.
وذكر ايضا بالمقال ان دكتور محمد كان عقبة فى وجه حملة الولايات المتحدة لاقناع المجتمع الدولي بإمتلاك صدام حسين لأسلحة دمار شامل
During the run-up to the Iraq war, the nuclear chief was viewed as an obstacle to America’s campaign to convince the international community that Saddam Hussein possessed weapons of mass destruction.
وفى الوقت ده كانت انتهت الفترة التانية لرئاسة دكتور محمد للوكالة وقام بترشيح نفسه لفترة تالتة وكانت الولايات المتحدة أول المعارضين لتجديد رئاسة البرادعي للوكالة، وادارت الولايات المتحتة حملات وراء الكواليس ضده عشان ميفزش بالفترة التالتة وعلى الرغم من كدة حصل دكتور على محمد على تصويت اغلب الدول الباقية وقدر يكمل لفترة تالتة، وكان الولايات المتحدة الدولة الوحيدة التي أعلنت على الملأ بعد كدة عدم رغبتها فى استمرار رئاسة البرادعي للوكالة.
أهم النقاط
The United States initially voiced opposition to his election to a third four-year term in 2005
In a May 2005 interview with the staff of the U.S. Senate Foreign Relations Committee, Lawrence Wilkerson, the chief of staff to former U.S. Secretary of State Colin Powell, charged former Undersecretary of State for Arms Control and International Security John Bolton with an underhanded campaign to unseat ElBaradei.
he Washington Post reported in December 2004 that the Bush administration had intercepted dozens of ElBaradei’s phone calls with Iranian diplomats and was scrutinizing them for evidence they could use to force him out.
وبعد انتهاء الفترة التالتة لرئاسة البرادعي للوكالة شاركت كل الدول -حتى الولايات المتحدة رغم خلافها معاه - فى حفل توديعه اللي أقامته الوكالة لكن اسرائيل رفضت المشاركة فى وتركوا الكرسي بتاعهم فاضي فى الاحتفال
Some nations who once criticised Mohamed ElBaradei over his approach to Iran’s disputed nuclear programme joined a roomful of effusive tributes to the outgoing chief of the U.N. nuclear watchdog agency on Thursday.
But Israel, ElBaradei’s most public and caustic critic, left its seat empty to sidestep the succession of delegations hailing the director-general of the International Atomic Energy Agency, participants in the closed-door meeting said.
–
الرئيس الاسرائيلي شيمون بيريز للمدير العام للوكالة الدولية للطاقة الذرية:
لقد تحسنت العلاقات مع الوكالة منذ انت خلفت البرادعي
’Relations have improved since you replaced elBaradei’
http://www.jpost.com/International/Article.aspx?id=186003
مشادة كلامية بين البرادعي والمندوب الاسرائيلي حول سورية
بتاريخ 18 يونيو 2009
http://news.bbc.co.uk/hi/arabic/middle_east_news/newsid_8108000/8108097.stm
البرادعي في مواجهة الضغوط الأمريكية
الأهرام - بتاريخ 22 يناير 2005
http://www.ahram.org.eg/Archive/2005/1/22/FILE3.HTM
رايس تهاجم البرادعي وتطالبه بعدم التدخل في السياسة
بتاريخ 19 سبتمبر 2007
http://www.lahona.com/show_news.aspx?nid=32356&pg=13
البرادعي يرفض المطالب الأمريكية بسرعة التحقيق في ملف سوريا النووي
بتاريخ 27 سبتمبر 2008
http://www.almasry-alyoum.com/article2.aspx?ArticleID=180154
حملة إسرائيلية مغرضة على البرادعي وموفاز يدعو من واشنطن إلى طرده!
بتاريخ 9 نوفمبر 2007
تلاسن بين البرادعي ومندوب إسرائيل في اجتماع محافظي الوكالة الذرية
بتاريخ 19 يونيو 2009
http://www.aawsat.com/details.asp?section=4&article=524028&issueno=11161
إسرائيل تطالب بطرد محمد البرادعي من الوكالة الدولية للطاقة الذرية
بتاريخ 9 نوفمبر 2007
http://www.almasry-alyoum.com/article2.aspx?ArticleID=82362
حملة إسرائيلية شرسة وغير مسبوقة ضد البرادعي
بتاريخ 7 نوفمبر 2007
http://www.lahona.com/show_news.aspx?nid=51243&pg=13
Israel minister: Sack ElBaradei
8 November 2007
http://news.bbc.co.uk/2/hi/middle_east/7085213.stm
بعد المقتطفات الموثقة اللي حطيتها دي نفسي حد يقولي فين خيانته للعراق وعمالتها لامريكا واسرائيل اللي بتتكلموا عليها دي؟؟؟
ياريت العقلاء من معارضيه يراجعوا أفكارهم وآراءهم من تاني “بخصوص الموضوع ده”، وأنا قلت العقلاء بس لأني عارف ان فى نوعية مريضة من الناس بتستكبر تغير رأيها ودول طبعا مفيش أمل فيهم لأنهم بيكرهوا نفسهم، والنقاش مفتوح للعقلاء بس لكن مش هأدخل فى أى نقاش إلا لو كان موثق بأدلة زى مأنا عملت عشان مأضيعش وقتي ووقتكوا
فى النهاية حابب اكرر تاني اني مش مستفيد اى شئ من الدفاع عن دكتور محمد ولا متضرر من الهجوم عليه لكن يهمني الحق وبس، والناس اللي بيركبوا صور للتريقة عليه واللي يقولك عم شكشك والاساليب الساذجة دي اشمعنى لما كان حد يتريق على مبارك او يتكلم عليه باسلوب وحش كنتوا بتعدوا تقولوا ميصحش و احترموه على الاقل لانه راجل كبير قد والدك ومصري زيك!! نفسي افهم مش بتقولوا لنفسكوا ليه الكلام ده قبل ماتتريقوا على البرادعي!!! المبادئ لا تتجزأ يابهوات
اللي عايز ينتقد حد ينتقده باحترام وبالأدلة والاثباتات انما الناس الساذجة اللي بتعد تركب صور وتشتم وخلاص فده مرفوض تماما، لان فى رايي المتواضع اللي بيستخدم الاسلوب ده حاجة من الاتنين: يا اما مزقوق من حد وهدفه يشوه سمعة الناس ويخلق حالة من الهجوم عليه وخلاص او انه شخص ساذج بيصدق اى كلمة يشوفها او يسمعها فى اى حتة وبيستخدم الاسلوب الهمجي للهجوم لانه عاجز تماما عن الدخول فى اى نقاش بناء لافتقاره للحجج والبراهين.
كلمة اخيرة ، هو طلب باطلبه بقالي 5 سنين من وقت مابدأت الشغل على الانترنت سواء فى كتاباتي فى الفن او السياسة وغلبت اكرره فى كل حتة وهو ان محدش يصدق اى حاجة يشوفها او يقراها او يسمعها الا لما يتأكد منها بنفسه ويحاول يدور ويتحرى من صحتها قبل ماينشرها او حتى يصدقها لان الغالبية العظمى للي بيتكتب اشاعات وبس وده فى كل المجالات والواحد والله ياما شاف تأليف لما زهق!! ولازم تعرف انك لو شيرت اى خبر او اتهام او اى محتوى من غير ما تتأكد من صحته فأنت كدة كدة بتشارك فى الذنب وشوف بقى كام واحد هيشيره بعدك وخلي الملك اللي على كتفك الشمال يعد!!
خير الختام كلام الله سبحانه وتعالى
(يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نادِمِينَ)
