لماذا ميكاترونكس


(eng.mohamedsamy) #1

[CENTER]بسم الله الرحمن الرحيم
[RIGHT][SIZE=4]أنا محمد لسه ربع مهندس أخترت تخصصت ميكاترونكس علشان أكمل فيها
بس كل ما أقبل حد يقعد يلمنى ليه اخترت الفسم ده ده ملوش شغل
كل م أسأل دكتور يقولى لو رجع بيا الزمن هدخل ميكاترونكس
فى معظم إعلانات التوظيف بشوف أن يكاد التخصص ده يبقى ليه إعلان واحد أو ملوش إعلان خالص
هل بسبب أنا التخصص لسه جديد أم جهل من الناس ؟

بس أنا شايف أن التخصص ده جميل جدا و هو المستقبل

أرجو النصيحة من أصحاب الخبرة [/size]
[/right]
[/center]


(أبو أنس المصري) #2

يا باشمهندس أنا مهندس ميكانيكا “بس” :slight_smile: ولو رجع بي الزمان كنت دخلت ميكاترونكس :slight_smile: بس هو في الحقيقة احنا ما عندناش تخصص ميكاترونكس في جامعة القاهرة أيامي في 2001-2004

شوف هو مش هاتلاقي تخصص ميكاترونكس مطلوب باسمه لأنه مش كتير فاهمين آيه ميكاترونكس في مصر وخصوصاً بتوع التوظيف.

شوف يا هندسة، تخصص ميكاترونكس هو في الأصل تخصص ميكانيكا ولكنه معه جزء رائع ودسم من الإلكترونيات وكمان بيركزوا قوي على مواد التحكم التلقائي أكثر من مهندسي ميكانيكا العاديين "زي حلاتي " بمعنى إنه تكون لديه خلفية ميكانيكية تكاد لا تقل عما درسناه وبجانبه خلفية رائعة عن الإلكترونيات وعن المايكرونترولر وعن التحكم بصفة عامة وأيضاً الهيدروليكا، فهو مهندس موسوعي رائع جداً.

أما بالنسبة لقصة التوظيف، يعني مثلاً، مطلوب مهندس صيانة ماكينات خط إنتاج كمي بأحد المصانع، التخصص: ميكانيكا، وخبرة عشرتاشر سنة، تعرف هذه الوظيفة في الحقيقة تحتاج لمهندس ميكاترونكس أكثر منها لمهندس الميكانيكا، بل قل إن تخصص الصيانة بصفة عامة هم أهله أكثر من غيرهم.

تصميم أي معدات ديناميكية هم أيضاً حاملي لوائها وباريِّ قوسها، وبجانب ذلك كله فهم يعملون في سائر أعمال مهندس الميكانيكا الإنتاج العادي ولكني لا أدري مدى الاختزال الذي يقومون فيه بخصوص مواد الإنتاج والمعادن في مقابل مناهج الكهرباء.

وبالمناسبة مدير المنتدى هو خريج هذا القسم وهو الآن طالب دراسات عليا في ألمانيا في تخصص الروبوتات المتقدمة، وكذلك المشرف العام م/ عبد الظاهر خريج أيضاً من هذا القسم وهو الآن مدير الصيانة في إحدى الشركات في الرياض.

أخي الكريم إذا كنت تشعر أنك صاحب شخصية أوتوماتيف وديناميكي، توكل على الله ولا تعجز، أما لو كنت لا تحب تتعب من التفكير والتركيز والتخيل والاستغراف في بحر الأفكار فقد لا يناسبك القسم، استعن بالله وصلى ركعتي استخارة من غير الفريضة وقل فيها:

اللَّهُمَّ إِنِّي أَسْتَخِيرُكَ بِعِلْمِكَ وَأَسْتَقْدِرُكَ بِقُدْرَتِكَ وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلَا أَقْدِرُ وَتَعْلَمُ وَلَا أَعْلَمُ وَأَنْتَ عَلَّامُ الْغُيُوبِ اللَّهُمَّ إِنْ كُنْتَ تَعْلَمُ أَنَّ في دخولي قسم مياكترونكس خَيْرٌ لِي فِي دِينِي وَمَعَاشِي وَعَاقِبَةِ أَمْرِي فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ وَإِنْ كُنْتَ تَعْلَمُ أَنَّ في دخولي قسم مياكترونكس شَرٌّ لِي فِي دِينِي وَمَعَاشِي وَعَاقِبَةِ أَمْرِي فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ أَرْضِنِي


(أبو أنس المصري) #3

حظك حلو، أحد الزملاء سال سؤال مشابه في قسم الميكاترونكس ورد عليه أحد أساتذة المنتدى القدماء هذا هو رابط الموضوع ودوس فيه يا هندسة وربنا يوفقك

http://www.almohandes.org/vb/showthread.php?p=258040#post258040


(eng.mohamedsamy) #4

المشكلة فى جهل الناس
يعنى أنا كونت فى تدريب بأحد المصانع الحربية مدير قسم التدريب مهندس
بيقولى تخصصك إيه
قلتوا ميكاترونكس
قلى إيه !!!
قلتوا إلكتروميكانيك
قلى إيه !!!
هو مش عارف أصلا القسم ده مثال من الامثلة الكتير