قسم ميكاترونكس


(system) #1

السلام عليكم
حد يعرف ايه الجامعات اللى فيها قسم الميكاترونكس ضرورى وهوا ينفع ابدا الماستر من الترم التانى يايت اللى يعرف ميبخلش عليا بالمعلومة عشان مينفعش اغيب من الشغل واروح اسال وجزاكم الله خيرا


#2

بعض الجامعات مثل اسيوط وعين شمس وحلوان بها اقسام ميكاترونكس ومن الجامعات الخاصة 6 اكتوبر
والتسجيل للماستر له ميعاد محدد وبعدها تبدا المحاضرات وتكون الامتحانات فى اخر السنة
يمكنك السؤال عن المواعيد فى الجامعة التى ستقدم لها


(أبو أنس المصري) #3

وجامعة عين شمس أيضاً لديهم قسم ميكاترونكس
وأظن أن جامعة القاهرة وإن لم يكن لديهم قسم ميكاترونكس إلا أنه لديهم رسايل ماجيستير في الميكاترونكس (على حد علمي).


#4

فعلا يوجد فى جامعة القاهرة معمل جيد فى الروبوتكس والكنترول


(system) #5

بس ازاى هيكون عندهم ماستر وهما معندهمش القسم اصلا


(أبو أنس المصري) #6

الموضوع مش زي ما انت متخيل، هم عندهم تخصص داينامكس وكنترول داخل قسم ميكانيكا إنتاج وهو القسم ده نواة الميكاترونكس في أي جامعة، والماستر العبرة فيه بالدكتور المشرف عليك وهم عندهم دكتور رائع جداً اسمه ياسر زيادة مثلاً هذا الدكتور كان من طاقم تصميم الطائرة أباتشي وغيره كثير، الماستر غير الدراسة النظامية، يعني أنا أحد زملائي المعيدين كان خريج قسم ميكانيكا وكان مسجل الماستر بتاعه في قسم بترول وتعدين. بس هم كدكاترة وتخصص على الأقل في الماجيستير لديهم هذا التخصص وهذا الكلام سمعته من رئيس القسم السابق الدكتور مختار منذ 8 سنوات


(system) #7

جزاك اله خيرا…
هوا انا قسم اتصالات وسالت انهارده عن جامعة عين شمس قالولى مينفعش تغير تحضر في قسم غيلا اللى انت متخرج منه ياريت لو حد يعرف معلومة اكيدة عن الموضوع ده يفيدنى


#8

قسم الاتصالات والالكترونيات ليس له اى علاقة بالميكاترونكس
مجالات الميكاترونكس هى قريبة من اقسام التحكم والكنترول فى كهرباء
واقسام الكنترول والتصميم مثل ماكينات الى CNC فى ميكانيكا وبعض مجالات التبريد والتكييف مثل BMS ووايضا بعض مجالات هندسة السيارات مثل الانظمة ABS وغيرها

وهذه نبذة عن مكونات تخصص الميكاترونكس
http://www.almohandes.org/vb/showthread.php?t=743


(system) #9

تمام ياباشمهندس انا دلوقتى شغال مهندس صيانة كهربية لمكن cnc
انا شايف ان عشان اطور نفسي في الوظيفة ده ادخل في مجال الميكاترونكس ايه رايكم


#10

مش شرط تدخل المجال كله
ممكن تدخل مجال ال CNC والدوائر الكهربية والتحكم بها


(أبو أنس المصري) #11

أخي الكريم، أنا لست من متخصصي ميكاترونكس ولكني ربما أفيدك.
ماكينات التحكم العددي أقدم بكثير من قسم ميكاترونكس، أقصد خلينا ناخد الأمور ببساطة دون الدخول في تعقيدات لن تنتهي دراسة الجدوى منها.
أنت يمكنك بسهولة تحليل ماكينة سي إن سي إلى أجزاء سيكون بعضها كهربي محض وبعضها إلكتروني محض وبعضها مكانيكا محض ويربط أداء هؤلاء جميعاً نظام تحكم (كل هذا على حد رؤيتي للماكينة) وما تعرفه حضرتك من هذه الأجزاء يكون أمره خلاص انتهى ومالا تعرفه ابدأ بالبحث عنه.
بما إن حضرتك مهندس صيانة بالفعل، فإن شاء الله الأمور ستكون عندك أيسر من غيرك، لا تبحث بطريقة علمية بحتة إذا لم يسعفك وقتك بذلك، يمكنك الاكتفاء بمعرفة نبذة عن الأساس العلمي للجزء نفسه، ومحتوياته وفائدة كل جزء ثم آلية تشغيله، وطبعاً حضرتك كمهندس صيانة عندك أجزاء تالفة كثيرة جداً يمكنك فكها وإعادة تركيبها.
المهم إن حضرتك كخطوة مبدئية يكون عندك قائمة بأسماء كل جزء موجود في الماكينة بغض النظر عن كونه جزء ميكانيكي أو كهربي أو إلكتروني، وسيبك من الجماعة بتوع ميكاترونكس دول خالص، التخصص ده معمول علشان الروبوتات المتقدمة والطائرات المروحية المقاتلة ولربما مايكنات أخرى حديثة تنتج عن هذا التخصص، أما ماكينة قتلت بحثاً ويتم الآن تصنيعاها في المنازل، فلا يوجد داع على الإطلاق من دراسة تخصص جديد من أجل فقط الترعف عليها.

وبعدين احنا هانروح بعيد ليه، إذا ذكر السي إن سي، ذكر أخونا المهندس عبد الظاهر مشرف قسم السي إن سي وخبرة 7 سنوات في صيانة ماكينات السي إن سي بجانب رحلات إلى تايوان (وربما الصين) من أجل السي إن سي.


(system) #12

جزاكم الله خيرا م احمد الديب وم انس المصرى وانا فعلا بدات اعيد التفكير في الموضوع ده
بس خلينى اقول الظروف كاملة يمكن حد يقدر يساعدني انا خريج قسم اتصالات وكان التركيز كله في الكلية على الاتصالات والكورسات الى كنت واخدها شكبات واتصالات يعنى ملهاش علاقة تماما بالشغل cnc الهيئة كلها مكن cnc وانا فعلا حبيت المجال ده مع العلم ان مديري مبيعلمش اى حاجة ولا بيحاول يفهمنى اى حاجة بالاضافة لكده انا عندى الوقت ان اتعلم لمدة سنة بس مش عارف ابدا منين عشان ابقى كويس فى المجال ده (صيانة كهربية للcnc) يعنى مثلا اايه الكورسات اللى ممكن اخدها ولا اقرا في كتب ايه ولا اخد الماستر في الكنترول ولا اتعلم برمجة cnc >>>>>ياريت بجد اللى يقدر يفيدنى باى معلومة يقولى عشان انا لسه متخرج والدنيا ملغبطة معايا وربنا يوفق الجميع


#13

أعتقد انك علشان تكون كويس فى مجال الصيانة لابد ان يكون لديك خبرة فى التعامل مع مختلف الماكينات ومن كثرة التعامل مع الماكينات والخبرة سيكون لديك علم كامل بكل ما تطلبه صيانة هذه الماكينات
اما الدراسة النظرية او الماستر فلن تكون مفيدة فى حالتك
اما بالنسبة للكتب والكورسات فأكيد هناك الكثير من الكتب عن الصيانة وخطواتها وكذلك دورات من الشركات التى تصنع هذه الماكينات وبالطبع هذه المواد ستكون مفيدة لك ولكن لابد ان تكون حسب الحاجة فمثلا تتعامل مع ماكينة من نوع معين فيمكنك البحث عن الكاتولوجات الخاصة بها وكيفية صيانتها وقطع الغيار المتوافرة وما الى ذلك


(system) #14

شكرا ياباشمهندس احمد


#15

العفو