طلب استفسار عن معهد امبابه

السلام عليكم ورحمة الله وبركاته

عاوز استفسر عن هندسة الطيران بامبابة

وهل فعلا حاليا انفصلت عن وزارة الطيران

وهل فعلا مبقوش يدو شهادة البيزيك ؟؟

وبرضو هل من الممكن التحويل من جامعه خاصة كالجامعه البريطانية او الجامعه الحديثة
بعد اعدادى لهندسة طيران امبابة قسم طيران ؟

وبرضو عاوز نصيحة لوجة الله على قسم هندسة طيران لانى حابب القسم اوى
بس طبعا كتقييم للدراسة فى معهد امبابة و السيرة والفرص المتاحة للمعهد دا ايه نظامها

لان فيه ناس كتير قالولى بلاش المعهد دا وانا نفسى ادخل قسم طيران

فياريت تفيدونى وشكرا جزيلا لكم
وجزاكم الله كل خير

السلام عليكم
اولا : انا طالب في هذا المعهد في سنه ثانية قسم اتصالات

ثانيا بالنسبه لاسئلتك :
هل فعلا حاليا انفصلت عن وزارة الطيران
نعم
هل فعلا مبقوش يدو شهادة البيزيك ؟؟
هذا سؤال عميد المعهد لن يستطيع الاجابة عليه !!!

برضو هل من الممكن التحويل من جامعه خاصة كالجامعه البريطانية او الجامعه الحديثة
بعد اعدادى لهندسة طيران امبابة قسم طيران ؟

نعم هذا ممكن بشرط ان تكون حاصل علي المجموع الذي اخذه المعهد في نفس سنه الثانوية العامة وهتيجي المعهد شايل مادتين وانت طالع سنه اولي - مبادئ هندسة طيران و ماده اسمها هندسة كهربية وبتستني موافقة الوزارة وممكن متوافقش كمان واثناء انتظارك للموافقة اللي بتيجي قبل امتحانات الترم واللي انت كمان مش عارف هيوافقوا ولا يرفضوا مش هتبقي عارف تحضر في كليتك القديمة ولا المعهد فانصحك انك تفضل هناك احسن

نصيحة لوجه الله : لو دخلت تجاره هيكون افضلك من المعهد ده … انا نفسي احول منه والله لكن مفيش اي معهد هندسة تاني راضي ياخدني في نفس السنه اللي انا فيها والحمد لله دي تاني سنه ليا في سنه تانية
انما لو انت غاوي اعمل حسابك تاخدها في 6 او 7 سنين
انا مسجل في المنتدي مخصوص عشان ارد عليك وافهمك عشان انا ملقتش اللي يفهمني ومشيت ورا الناس بتوع طيران ده يبقي كويس وادي اخرتها

شكرا لحضرتك جدا
بس المشكلة انك دخلت قسم مش طيران فى المعهد ومن الاخر المعهد ملوش اى لازمة فى تخصصات غير طيران
لان لو انتا حسبتها منافسة شوف كام كلية ومعهد اعلى منه بتدى نفس التخصص بتاعك

لكن الوضع اعتقد يختلف فى الطيران لان مفيش الا بديل واحد بس وهو جامعة القاهرة
فبيكون ليهم فرص اكتر فى الموضوع علشان كدا بسأل لكن لو مش طيران

محدش هيقرب للمعهد دا اطلاقا !!!

انا كل اسئلتى خصيصا لمعهد طيران امبابة لقسم الطيران ياريت تدونى معلومات اكتر عن القسم دا وهل فعلا ممكن ندخلة ولا ايه

وشكرا ليكم وجزاكم الله كل خير ربنا يكرمكم

وشكر خاص لحضرتك يابشمهندس والله بجد

وكل عام وانتم بخير

يعنى ما افكرش فى القسم دا خالص ! :frowning:

ممكن تشتغل في التخصص ده بميكانيكا

مش هوا تم الغاء موضوع البيزيك و الرخصة العامة لمهندسى الميكانيكا

مبقاش ينفع انهم يخدوا الكورسات دى ؟

جايز يكون ده قرار جديد بسبب الاعتصام لمهندسي الطيران امام الوزاره

لكن انا اعرف شباب اخدو البيزك من حوالي سته اشهر وهم ميكانيكا باور

لذلك فالمعلومه ليست مؤكده عندي

طيب وهل دا يغنى عن دراسة 4 سنين تخصص !! يعنى بيكون فرصة متكافئة اللى ياخد البيزك والعامة من مهندسى الميكانيكا
مع مهندسى الطيران

انا في اعتقادي لا يمكن مهندس الميكانيكا يتساوي مع مهندس الطيران

طيران اصعب وموادها اكثر وتطبيقاتها اكثر تعقيدا بكثير

ولكن العمل كمهندس صيانه طائرات لا يتطلب تخصص معين فمهندس الطيران والميكانيكا يستطيعون العمل في هذا المجال جيدا

اما بالنسبه لسنوات التخصص فهي في تصميم الطائرات وليست صيانتها لذلك فهي غير مؤثره بشكل كبير في مجال العمل كمهندس صيانه

جزاكم الله خير يا بشمهندس على المعلومات والنصائح القيمة
وشكرا جزيلا لك
وكل عام وانتم بخير

والله كان نفسى ادخل التخصص دا بس العقبات كتيرة اوى وانا كان يهمنى الدراسة اكتر من الوظيفة اصلا
بس برضو مش الواحد يفضل يتعب 4 سنين تخصص وفى الاخر يكون على الفاضى وانا مش حابب ادخل قسم ميكانيكا علشان مفيش طيران يعنى

بس اهو هاخد بنصيحتكم علشان التعب ما يرحش على الفاضى لانى ملقتش حد يشكر فى المعهد دا الا قليل اوى

واذا عندكم اى نصائح اخرى او توجيهات اخرى توجهونى لها بالنسبة لاختيار القسم فجزاكم الله خير
انتم لكم خبرة طويلة فى المجال وترون ما لا ارى فنصيحتكم سوف تساعدنى كثيرا
وشكرا لكم

كل عام وانتم بخير

وبالتوفيق في مستقبلك الهندسي الصعب والممتع والشيق

اما اختيار القسم : فدع موهبتك ورغبتك توجهك للقسم الذي تري نفسك تستطيع التميز به

الأخ اللي بيسأل عن التخصص…الشركات بتبص لمهندس الطيران على إنه كائن فضائي جاي من بره الكوكب…والسؤال اللي على لسان كل واحد منهم …أعمل أيه بمهندس طيران…لو أنت مش حابب المجال أو مش هتطلع الأول أو ماعندكش واسطة جامدة يبقى وفر على نفسك 4 سنوات من العذاب بلا داعي وسيبك من الأسماء البراقة بتاعت الأقسام خليك عملي وفكر ألف مرة قبل القرار

شكرا جدا لحضرتك على النصيحة
وحاليا انا فعلا فى حيرة شديدة فى اختيار القسم
لان فعلا معظم الاقسام اللى حاببها بلاقى فيها انتقادات شديدة جدا

يعنى طيران طبعا طلعلى فيه سلبيات كتيرة اوى و صرفت نظر نهائى
حاليا فى حيرة ادخل ميكاترونكس او اتصالات

وطبعا الانقادات فى الميكاترونكس انه قسم جديد وكل اللى بيقولوا بيقولو انه مش متخصص اوى
يعنى قشور وبدايات ميكانيكا وكهربا و تحكم وحاسب

وما بتلحقش تتعمق فى اى حاجة منهم بعكس الاقسام الخ بقى من الانتقادات
وفعلا محتاج اللى يوجهنى ويناقشنا فى كدا لان كل اللى بيقول حاجة بيقول حسب ميولك
وحسب اهتماماتك انت وطبعا بيهمل ان الواحد محتاج توجيه من حد جرب عرف اكتر منه لان خبرتنا مش كبيرة
والحمدلله معظم الاقسام اللى انا حاططها فى بالى كلها كقدرات فى المواد المؤهله ليها انا بحبها وبحب دراستها

جزاكم الله خير جدا وفعلا استفدت كتير اوى من المنتدى الغالى دا
وان شاء الله من تقدم لتقدم دايما يارب