بالله عليكم نفسى حد يفهمنى موضوع المعاش ده


(alhedar) #1

بالصراحه كل لما ادخل صفحه المعاشات فى موقع النقابه …اتغم…ويجيلى احباط

هو ده معاش المهندس بعد 60 سنه ؟؟؟؟؟؟؟؟؟؟؟؟؟؟؟؟ لاحول ولا قوه الا بالله

طيب لرفع المعاش عاوزيين فلوس

طب ايه المشكله ان الاشتراك يبقى 100 جنيه سنويا ودى مش صعبه على اى مهندس …وان كان ده الحل منتظرين ايه ؟؟؟

زودوا رسوم التراخيص وغيره من الجهات اللى بتحتاج النقابه

المحامى اعتقد ان معاشه 1200 جنيه …هل نقابه المحاميين اغنى من المهندسين؟؟؟؟ اشك فى ذلك

ياريت حد يفهمنى ويتفضل عليا بالشرح الله يكرمكم

مع الشكر


(ymselim) #2

انا اعرف ان معاش المهندس وصل الان 1000 جنية وهذا ايضا قليل
نتمنى من الله ان يوفق القائمين على النقابة الى تحسينه اكثر من ذلك


(mostafahamamo) #3

معاش المهندس الان وصل الى 450 جنية بعد ال60 سنة وده طبعا قيمته ضعيفه جدا واتمنى من النقابة في تطوير هذا الجزء حتى يتسنى لنا قبض معاش محترم ولكن الفكره ان لما تتم سن ال60 حيكون حتى مبلغ 1200 ملهوش قيمه فلذلك ان عاوز ان المعاش يزيد سنويا بصوره واضحه نظرا لزيادة السوق المصري

وهذا يجعل الواحد لما يتم ال60 حيكون معاشه محترم من الدوله ويكون له قيمه ساعتها.


(mostafahamamo) #4

لا طبعا موصلش لغير 450 جنية بالعافية


(salahshehata) #5

[CENTER][SIZE=4][B]السلام عليكم
عاوز اقول لكم تجربتى
المعاش بالعافيه بقى 450
ولما وصلت سن الستين فى مارس الماضى 2012
قالولى لسه ياباشمهندس قدامك ييجى خمس ست
شهور علبال ما يطلع لك المعاش - وها تبقى تقبضه بعد كده
ان شاء الله كل ثلاثه شهور على بعض
وحتى الآن لم يسأل عنى احد
بالله عليكم ده اسمو كلام - ودى تبقى معامله
بعد ما وصلت ستيين سنه افضل اجرى وراهم
واسأل عملتو ايه —؟ يقولوا لسه بدرى

ولقيتنى مش لوحدى - كل ما اقابل مهندس معاشات
يقوللى - ايوه عادى - ماهو نظامهم كده - يقرفونا علبال
ما ناخد الملاليم بتاعتهم - وان كان عاجبك
وشوف بقى مين ها يسمع لك كلام

ياريتكم تتكلموا فى الموضوع ده فى كل مكان
يمكن يتكسف حد من المسؤلين ويحترم
الكبار فى السن اللى كتير منهم مصابين بالامراض

الـــــــــــــــــــــــــــرحمه من عندك يـــــــــــارب
[/b][/size][/center]


(mostafahamamo) #6

معلش يا بشمهندس النظام الفاسد مازال مستمر حتى يتم قطعه من جذوره وحتحتاج وقت ولكن اتمنى من حضرتك بان تذهب الى مدير النقابة وتعرض عليه موضوعك وايضا لا تفرط في حقك حتى لو حتصرف عليه علشان تجيبه لانه حقك وان لم تاخه فاخذه الفاسدين والمرتشين واتمنى لك ولكل المهندسين حياه سعيده باذن الله


(salahshehata) #7

اشكرك اخى الفاضل على الرد
ومعظم اصحاب المعاش مرضى
ويشتكون الى الله - وكتابتكم فى هذا
الموضوع فى كل مكان ربما يتكسف المسؤل
ويعدل النظام