من ورائع المحكمة الدستورية العليا


(أبو أنس المصري) #1

من ورائع المحكمة الدستورية العليا دون مزايدات على القضاء وهيبة القضاء وهذا الكلام:

المحكمة لم تحل مجلس 2010 والذي قامت عليه الثورة، في حين حلت برلمان 2012 الذي كان أحد أول نتائج الثورة

المحكمة الدستورية التي عيّن مبارك رئيسها وأعضاءها حلت مجلس شعب منتخب ديموقراطياً.هزلت #تويتر فيص القاسم#

حكم المحكمة في درجها من شهرين وبشر به الدكتور كمال الجنزوري.

بس أحلى نكتة بتاعة مجلس الشعب
بيقولوا مرة برلمان منتخب عمل قانون عزل سياسي أم انعزل هههههه.

بس بجد أنا شايف ناس كتيرة فرحانة من منطلق:

إذا مت ظمئاناً فلا نزل القطر

الناس فاكره إن المجلس ده لو انحل انهم هم اللي هايدخلوا المجلس، كانوا دخلوه في 2010.

برلمان في أكثر من 400 مقعد يتم حله من أجل 100 مقعد وهو أصلاً داخل على أجازة والانتخاباث مش عاوزه أكثر من شهرين.

وبعدين حتى حكم المحكمة عجيب جداً أبطلت الفردي لأن دخل فيه أحزاب، وسابت القوائم على الرغم إنه كان عليها مستقلين

وبعدين هي الانتخابات كانت قوائم وفردي، مش أحزاب ومستقلين.

أنا واضح إن السهر أثر علي وإني لازم أدخل أنام وكفاية تهيييييييييييييس

يا رب ما أصحاش مفزوع على الخبر اللي مش في بالي، مش عارف أصلاً يجي على بالي، سلم يا رب سلم.


#2

على الفكرة الكلام ده مش صحيح
اولا مجلس الشعب فى 2010 سواء كان مزور والتزوير راكبه من ساسه لراسه فليس للمحكمة الدستورية اى عذر قانونى انها تحله لانه مبنى على اساس قانونى ودستورى 100%

والمحكمة المختصة فى هذه الحالة عند حدوث تزوير هى المحكمة الادارية العليا وعلشان منظلمش القضاء المحكمة الادارية العليا حكمت ببطلان الكثير من الدوائر وفى النهاية لما زهقت ابطلت المجلس كله

وده الخبر
http://saveegyptfront.org/our-opinion/18206.html

والاخوان كان بيحصلوا على احكام كتير لكن مبارك ونظامه مكنوش بينفزوها

علشان الكلام يكون دقيق وموضوعى بس

[SIZE=4]وبعدين حتى حكم المحكمة عجيب جداً أبطلت الفردي لأن دخل فيه أحزاب، وسابت القوائم على الرغم إنه كان عليها مستقلين

وبعدين هي الانتخابات كانت قوائم وفردي، مش أحزاب ومستقلين.[/size]

الفردى كان الاحزاب بتنافس فيه المستقلين لكن فى القوائم بتكون عن طريق الاحزاب وكل حزب او مجموعة احزاب ليهم قائمة بغض النظر عن من فيها فهى بتنافس قائمة تانيه زيها من حزب او مجموعة احزب


(أبو أنس المصري) #3

لا دقيق ولا عجين يا هندسة، هي مطبوخة مطبوخة، وأنا قلت أجرب مرة أعمل أعمل فيها عكاشة، وبعدين كان فاضل لحظات وبعدها يقرر رئيس الجمهورية فكانت المشاركة تشبه “رقصة الموت” بالنسبة لي.

بس على فكرة موضوع 2010 و 2012 من تغريدة لفيصل الجاسم بس لما ضاعت مني، كتبتها من الذاكرة وعلشان كده لم أذكر اسمه بجوارها.

بس المهم والأفضل عاوز أسمع تعليقك على دي:

المحكمة الدستورية التي عيّن مبارك رئيسها وأعضاءها حلت مجلس شعب منتخب ديموقراطياً.هزلت #تويتر فيصل القاسم#


#4

بالنسبة للمحكمة الدستورية اللى عين رئيسها فعلا مبارك ولكن العرف السائد هو تعيين اقدم المستشارين بالمحكمة وجميع اعضاءها كذلك ولكن هذا لا يجعل جميع قراراتها باطلة مش لما يعجبنا القرار تبقى حلوة ولما ميعجبناش نقول ان اللى عينها مبارك ومش المحكمة الدستورية لوحدها كده دا كل المحاكم والنائب العام وطنطاوى نفسه

وموضوع الثلث الفردى دا كان واضح من زمان انه غير دستورى وليه تفسير منطقى فيه انه يضعف فرضه المستقلين فى المنافسة امام الاحزاب الكبيرة وفيه انتقادات كتير من خبراء دستورين وكذلك قانون العزل بهذه الصيغة المصممة لعزل شفيق ولا تزعل مثلا طنطاوى ولا الجنزورى ولا موسى او شيخ الازهر


(أبو أنس المصري) #5

الحمد لله إنك في ألمانيا مش في مصر.


#6

بس ايه رايك فى شوية الابتسامات دول ؟