مشكله فى تكييف كارير اسبليت سؤال للمتخصصين


(system) #1

السلام عليكم و رحمه الله

فى البدايه انا غير متخصص فى التبريد و التكييف و قرأت كتير فى مواضيع المنتدى و ربنا يبارك لكل واحد عامل موضوع جيد و كل واحد قدم معلومه جيده فى المنتدى , و لكن عندى مشكله حاليا كان عندى تكييف اسبليت كارير فى الشقه القديمه و نقلته فى مكان اخر و قبل ما انقله كان بيشتغل بشكل ممتاز من ساعه ما اشتريته و كلمت الفنى الركبه و هو جديد عشان يركبه فى المكان الجديد و بعد ما ركب و هو بيجربه اشتغل لمده عشر دقائق و بعدين ابتدى مايسقعش حاجه المهم قفله و فتح الوحده الخارجيه و طلع حاجه من جوه عامله زى بوبينه العربيه مكتوب عليها كاباكتور ( capacitor ) قالى دى ضاربه زيت و بسببها الكباس فصل و غيرها و ركب واحده صينى و بعد كده اشتغل يوم زى الفل و بعد كده جيت اشغله تانى اشتغل لمده نصف ساعه و لقيت الوحده الداخليه عماله تنزل مياه كتيره و لقيت ماسوره الفريون الصغيره الخارجيه عليها كميه ثلج شديده جدا المهم و مطلع ريحه حرق قفلته و سيبته شويه و جيت اشغله تانى لقيت المروحه الخارجيه بتشتغل و الكباس مطلع صوت زنه و مش عايز يشتغل بس كده و تانى يوم شغلته الكباس اشتغل لمده خمس ثوان و فصل و لقيت الماسوره الكبيره الداخله على الوحده الخارجيه معرقه زيت ريحته حرق انا عايز اعرف هل كل ده بسبب شحن بطريقه غلط ولا سببه تهريب فريون ؟؟
و اجيب نفس الراجل ده تانى ولا الفنى ده ممكن يكون عمل حاجه غلط فى التكييف انا خايف اجيبه يعمل حاجه تانى غلط .
يا ريت يا جماعه حد يقولى ايه الحصل فى التتكييف و سببه ايه ؟

اسف طولت عليكم


(adham505) #2

الاخ الفاضل محمود يوسف السلام عليكم ورحمة الله وبركاته اول شىء لابد ان تكون جميع وصلات الكهرباء مظبوطه وكل شىء فى مكانه من الوحده الداخليه الى الوحده الخارجيه
الشىء التانى المياه اللى نازله من الوحده الداخليه سببها الخرطوم الخارج من الوحده الداخليه اما ان يكون معصور ومقفل او انه يكون واخد اتجاه اعلى من الوحده هذا هو سبب المياه
اما النسبه للماسوره الكبيره اللى داخله على الكباس وانها معرقه زيت هذا دليل على عدم غلق وربط الماسوره جيدا وبالتالى حدث تسريب ومعالجته ربط الصاموله المركبه على الماسوره الكبيره جيدا وبعدها تخلى الفنى يركب جهاز الشحن على المكيف ويبدأ بدخول كميه من الغاز وبدون تشغيل ثم بعد ذلك يبدأ الفحص عن التسريب مكان تعريق الزيت وذلك برغاوى الصابون واذا كان التسريب ما ذال لابد ان يربط الصاموله جيدا حتى ينتهى التسريب ومن ناحيه تانيه لابد ان يفحص جميع وصلات المواسير برغاوى الصابون حتى يتأكد من عدم التسريب فى اى مكان
اما بالنسبه لتغيير ( الكابستر) هذا شىء ممكن حدوثه ولكن له اسباب من اسبابه ضعف فى التيار الكهربائى ويجب على الفنى ان يقيس التيار الكهربائى فى وقت الذروه اذا كان اقل من 180 فولت يبئى التيار ضعيف وعشان كده بيكون حمل على الكابستر
اما العيب الوحيد فى المكيف بعد تركيب الكابستر هو تسريب الغاز
واذا كان نفس الفنى او غيره لابد ان يفحص جميع وصلات المواسير بعد
دخول كميه كبيره من الغاز الى الكباس قبل التشغيل واذا كان هناك تسريب يجب ربط الصاموله بكل قوه حتى تقفل قفل جيد وعند الاطمئنان لعدم التسريب مره اخرى وبعد المعالجه والربط الجيد يقوم بتشغيل المكيف ويظبط كمية الغاز على العداد الى درجة من 60 الى 70 وكل سنه وانته طيب ورمضان كريم


(system) #3

السلام عليكم ورحمة الله وبركاته .
المشكله الي عندك حاليا أن الكباس عمره قريب عالإنتهاء نتيجه لعدم مرعات ظروف شغله . وهذا نتج عن سوء كشف او عدم دراية الشخص الذي قام بالفحص ا التركيب للوحده .

نيجة الصوه الصادره منه هي عدم قدرته عالعمل وكترت الحمل علي ماتور الكباس .

وشكرا …


(system) #4

اخي السلام بدية الكلام وبعد لقد اعاد الفني اعادة تركيب الوحدة وعند اتمامه العمل ربما قد يكون نسي تركيب الموصير بطرقة جيدة مما سبب خروج الفريزن اما الرئحة التي تصدر عن الوحدة فهية رائحة الفريون مع الزيت ام بالنسبة الى عمل الوحدة لمدة قصيرة فدالك يعود الى نقص الفريون قالضاغط يبرد بفعل الفريون الراجع اليه من الوحدة الداخلية فعند ارتفاع درجة حرارته يقوم المؤمن الدخلي بالفصل حتى يبرد