[SIZE=4][CENTER]
[/center]
السلام عليكم ورحمة الله
يا جماعه لو سمحتو ياريت حد يفيدنا بخصوص الدعم المالي لمشاريع التخرج يعني لو حد يعرف لينكات لشركات او اسمائهم ياريت يقولها و جزاكم الله كل خير 
[/size]
[/size]
يا باشمهندسة هي أنفولونزا المشاريع هاتبدأ تنتشر وأعراضها تلمئ المنتديات ولا آيه 
حضرتك قربت تبقي مهندسة 100%، ينفع نرمي سؤال كده وخلاص، مشاريع آيه بس وآيه هي نوعية الشركات ونوعية الدعم المطلوب هل هو مادي أم تسهيلات؟ أمور كثيرة لازم نبينها، لكن نظام أوتوبيس كام بيروح فين مش هاينفع، معلش أنا بس واخد الموضوع بطريقة هزار لأنك فكرتيني بهذه الأيام عندما كنت طالباً.
هو بالمناسبة من المفترض أن الكليات تقدم دعماً مالياً يصل لـ 1000 جنيه على الأقل شريطة تقديم فواتير معتمدة ومختومة وبها رقم السجل الضريبي.
حضرتك يا باش مهندس المفروض اننا في منتدى المهندس يعني انا اكييييد بسال عن المشاريع الهندسيه وبردو قلت الدعم المادي وقلت مشاريع التخرج !! يعني السؤال واضح بصراحه وبيجاوب على كل اسئلتك بردو !! ونوع الشركه مش هيفرق كتير بما اني محتاجه اعرف ايه هيا الشركات فالمفروض اللي هيقولي على اسم الشركه هيقولي ايه نوعها … ودعم الكليه ده شيئ لا يذكر جمب تكاليف مشروع التخرج بتاعنا وشكرا على ردك 
يا باشمهندسة، الهندسة يوجد بها أكثر من 16 تخصص ول تخصص فيه 5 مجالات عمل يعني الاختلاف في المشاريع قد يصل لحد اختلاف بصمات اليد.
يعني مثلاً لو كان فيه شركة برمجيات أكيد لن ترعى مشروع ميكانيكا، وعمر شركة المقاولون العرب سترعى مشروع في الهندسة الكيميائية، ولا شركة إنبي هاترعى مشروع في الحاسبات والمعلومات وتقنية الاتصالات، ولا آيه؟
الأمر الآخر الدعم المادي له صورتين، إما توريد أجزاء مجانية أو تسخير المؤسسة لتقديم خدمات مجانية لطلبة المشروع، أو مجرد الإنفاق البحت، وأنا شخصياً عندما كمت طالب ما كنت أبحث عن أحد ينفق على المشروع بقدر ما كنت أبحث عن أحد يساعدنا في تصنيع المشروع أو توريد بعض أجزاء المعدة التي كنا نصممها.
يا رب تكون وجهة نظري وضحت
تمام يا باش مهندس انا كنت فاكره ان التخصص بتاعي بيظهر في البروفيل فعشان كده كنت فاكره ان الناس هتعرف عن اي مجال انا بسال … عموما انا في قسم هندسة الميكاترونيات والروبوتات الصناعيه وبالنسبه للدعم فاحنا بحاجه لاي صورة من صور الدعم وهيبقى احسن بكتير من مفيش اكييد ياريت لو تعرف حاجه تفيدني وميرسيي جداا ليك