موقعكم ممتاز


(لاعب الشطرنج) #1

السلام عليكم ورحمة الله وبركاته
سعدت جداً بهذا الموقع وبالكتب المعروضه به وبالمعلومات التى فيه ,وأرجو من الله أن يحول حلمى لحقيقه وهو أن أركب سياره مصريه 100% .
ولا أعرف هل من الممكن أن تتولى مجموعة جهات خاصه عمل سياره تنافس على المستوى العالمى السيارات الألمانيه والإيطاليه والأمريكيه ؟ ام هو حلم بعيد المنال؟
ما فائدة العقول النظريه التى لاتترجم ماتعرفه للجانب العملى؟
ما الذى ينقصنا ؟ ما الذى يمنعنا أن نكون دوله متقدمه فى صناعة السيارات مثلاً؟
ألا يراود أحداً أن يرى اسم مصر على معده عملاقه طائره أو بارجه أو أو…مش عارف
ألا يمكن أن نعمل برامج كمبيوتر مثل البرامج العالميه التى نلهث وراء إصداراتها ؟
يا رب نبقى دوله عظمى يا رب قبل ما اموت
و آسف للفضفضه وإزعاجكم
والسلام عليكم ورحمة الله وبركاته


(hanype) #2

صديقي
لقد أثرت موضوعا مهما جدا
ولكن أحب أن أطمئنك أن صناعة سيارة مصرية 100% ليس حلما بل ان العوائق ليست فنية إطلاقا وإنما هي اقتصادية لأن حجم الإنتاج المطلوب لإنتاج سيارة بسعر منافس يتطلب حجم مبيعات كبير يصعب تحقيقه بدون تصدير وكانت جريدة الأهرام قد أثارت الموضوع سابقا وتحدث فيه كبار مصنعوا السيارات بمصر.
هل تعلم ياصديقي أن مصر بها مبرمجين على أعلى مستوى وأن كل إنتاجهم يباع بالخارج وليس بمصر؟
فعلا إن ببلداننا العديد من العقول الممتازة ولكن يتبقى الاستفادة القصوى منها
شكرا على الموضوع الجميل كصاحبه


#3

فعلا اخ هانى كلامك صحيح والدليل على ذلك فى الموضوع الاتى http://www.almohandes.org/vb/showthread.php?p=41649#post41649


(لاعب الشطرنج) #4

عزيزى hanype
لقد رددت علىّ لتطمئننى فتسببت لى باكتئاب بدون قصد وإليك السبب:
إذا كانت المشكله فى العوائق الفنيه فهذا سهل التغلب عليه أما أن تكون العوائق حكوميه فهذا ما لا يتغير أبداً وهذا سبب اكتئابى ,كما أننى ريد أن أشترى سياره مصريه ينتجها مصنع خاص لايهمنى وان تكون الوحيده لايهمنى بس قبل ما أموت يتحقق الحلم ده .
السياره اللى عندى بيجو ,الخلاط فى البيت براون, التلفاز توشيبا, الموبايل نوكيا, الساعه كاسيو, كالون الباب إيطالى ,اللمبات صينى وألمانى عشان ما تضربش بعد نصف ساعه ,الغساله جى إم سى(فلته والا إيه مش عارف) المشايه بتاعت ابنى صينى , ترمس الشاى يابانى من الداخل عشان يحتفظ بالحراره, الثلاجه كريازى (فلته برضه) الشفاط ناشيونال ده غير أسلاك الكهرباء فى الحائط وفرش الدهان كل حاجه محترمه يعنى .
أنت إذا فكرت أنك تفكر تجد من يحاربك ليقتل إبداعك هل هذا لصالح مصر؟؟؟
أتتذكر الدكتور زويل وما قاله عن اضطهاده فى مصر فى بداية حياته ؟ومثله الكثير إلى الآن؟
أتعرف ؟ ما سأقوله لك شئ مضحك أنا لا اعلم أين هى اكاديمية البحث العلمى ولا أعلم إلا أن بها اختراعات يسجلها مصريين على أعلى مستوى لكن مصيرها درج برضه هاتلاقيه مستورد من الخارج!!! حاجه تكسف مش كده؟
والله لو أنا كنت مخترع لم أكن لأفكر فى تسجيل اختراع بقدر ما سأهتم بإخراجه للنور بإسم بلدى مصر ولى أسباب تدفعنى لهذا أكبر من الماده والشهره ولو أستجدى من رجال الأعمال .
يا أخى ده أنا أعرف مجموعه من الإيطاليين حكوا لى على نشأة صناعة السيارات .أتعلم أن شركة فيات فقط هى التى تدعمها الدوله لأنها كانت تعمل للمجهود الحربى أما باقى الشركات فهى إما إخوه أو أقارب أو أصحاب !
أنا آسف والله على كلامى ده بس أنا عندى 30 سنه ومش هاعيش قدر اللى فات و الله اعلم وكان نفسى أجد جهه تتبنى الاختراعات لإظهارها للنور بدل الجهات اللى بتتبنى منطق أريسطو فى ملئ الدنيا كلام فى كلام .
تقدر تقل لىكم برنامج علمى مصرى بيعرض فى مصر عشان يتنفذ منه حاجه ؟
فين رجال أعمال قلبهم على البلد يفتحوا مصنع سيارات ان شا الله فى الهند لو المعوقات زى ما انت بتقول مش فنيه وما تنساش انا بافضفض معاك
وبعدين لو العائق اقتصادى ليه الناس بتروح تصيف فى مارينا؟ إيه هو هدفنا كمصريين طالما إحنا فى مؤخرة الحضارات ؟معلش خدنى على قدر عقلى .
أنا تعاملت فى مجال عملى مع الجنسيات الآتيه وإليك معلومه يمكن تفيدك وتفيد العرب:
الإيطالى همه وشغله الشاغل إرضاء رغبته الجسديه,لكنه يعطى العمل حقه
الصينى لا يفقه شئ وذو ذكاء متواضع ولكنه حصان شغل
الروسى لا يفيق من الفودكا والخمور ولكن يعطى العمل حقه
الفرنسى مناخيره فى السماء السابعه من الغرور ولكن له حق وتاريخه المعاصر يشهد له وهو أيضاً يعمل
الأيرلندى ما دى جداً ولئيم ولكنه يعمل بكفاءه
الإنجليزى مناخيره أعلى من مناخير الفرنسى وأيضاً الشغل عنده رقم واحد
الماليزى لا يفقه شئ ولكنه حصان شغل
الفلبينى ذكى ويستغل ذكاءه ويعمل بجد أيضاً
الباكستانى محترف
الأمريكى عنده زلومه بقى مش مناخير و مغرور للصبح بس بيعمل زى الحصان الأسترالى
اللبنانى خطير فى العمل
العراقى خطير فى العمل
السورى ذكى جداً
وكل الغربيين بيعاملوك درجه ثانيه وقرفانين منك
أما المصرى وبدون نفاق أقسم بالله أفضلهم
فيه كل حسنات من سبق وزياده وعمله هو السهل الممتنع .واللى بيقوله فى مجال أى واحد سبق بيكون هو الصح ,والله دى موهبه من ربنا أعطاها للمصرى مع احترامى لكل الجنسيات
نرجع تانى لموضوع السياره ليه لا ننتج طيب سياره خدميه للسياح مثلاً تعمل بالكهرباء وفيها جهاز تحديد مسار مسجل عليه كل المناطق الأثريه مع خريطه سياحيه أين تذهب فى مصر وتتبناها وزارة السياحه ومجموعة وزارات وتكون فتح انطلاقه لمشروع أكبر ويكون إسم السياره فرعونى وعلامتها تمثال صغير لأحد ملوك أُسَر عصور القوه؟؟ وبكده تعمل تسويق مجانى بس تكون سياره على أعلى مستوى , سهل ممتنع برضه مش على نهج أى أحد غربى إيه المانع؟
والله انا شايف إن كلامى سهل وتنفيذه أسهل عارف ليه ؟ لإن لما كانت كلمة مستحيل ملازمانى قبل ما أسافر من مصر ادى هذا لأن أفقد الثقه بنفسى ,ولكن , عندما تعاملت مع جنسيات الأرض وجدت رأيي على طول أصح من آراءهم حتى بدأوا يعطونى دائماً الرأى النهائى لى , وليس أنا فقط بل كل المجموعه التى معى فى العمل من مصريين حتى ان الريس جدد العقد لكل من يعمل هنا منهم دوناً عن باقى الجنسيات إلى جانب العرب رغم أنه ليس عربى أصلاً كما أنه يكره المسلمين ولكن يحب الكفاءات.
مش انا قلت لك عندى 30 سنه ؟ بس حاسس بعد الثقه بالنفس إن عمرى 9 شهور وهو عمر سفرى خارج بلدى!
آسف للإطاله.


(nEoNaTe) #5

الموضوع مش بالساهل كدة ولا هى مشكلة فنبة ولا اقتصادية، بل أنا في رأيي انها مشكلة منظومة كاملة…
أحنا لحد التخرج بنعلم الطالب ازاى يحل مسألة مش ازاى يحل مشكلة…أنا مقتنع مائة بالمائة بالعقلية المصرية و الدليل علي صحة كلامي انه لا نبوغ لمصري علي أرضه
و شكرا عل سعة صدوركم


(المهندس) #6

مشكورين على هذه المعلومات


(system) #7

انا متفاءل
مادام ايران وتركيا عملواااااااااااااا…ان شاء الله هنعمل