محتاج مهندس للاشراف على بناء عمارة سكنية

[SIZE=“4”][FONT=“Arial”]السلام عليكم ورحمة الله وبركاته

عندى قطعة أرض فى حدائق الاهرام وتعاقدت مع مقاول بنظام المشاركة بحيث يبنى عليها عمارة سكنية على نفقته مقابل الحصول على نصف الشقق - و أريد قبل البدء فى التنفيذ ان أتفق مع مهندس ليشرف لصالحى على خطوات البناء للتأكد من ان شغل المقاول سليم وان مواد البناء مطابقة للمواصفات والرسوم الهندسية

فياترى كم يكلفنى هذا الاشراف؟ وهل يكون مبلغ يدفع مرة واحدة ام على شهور التنفيذ ام ماذا؟
وهل تنصحونى بالتعامل مع مكاتب معينة جديرة بالثقة وتتمتع بالكفاءة فى الاشراف؟

وهل المشرف يقوم بالتوقيع على دفتر اشراف للمقاول مع كل صبة مثلا ام كيف يكون نظام الاشراف؟
وهل يشرف وقت الصب فقط؟ ام يفحص قبلها اعمال النجارة والحدادة الخرسانىة قبل الصب ايضا؟

مع جزيل الشكر[/font][/size]

السلام عليكم ورحمه الله وبركاته … اولا احب افهمك ان الاشراف دا بيبقى مراقبه المهندس لكل مراحل البناء يعنى مثلا فى يوم النجاره بيبقى واقف مع النجارين وبيشوف التخشيب اللى اتعمل و تقويه السقف والاعمده … ويوم الحداده بيبقى واقف ويتأكد من عدد اسياخ التسليح ويوم الصب بيبقى واقف عشان يتأكد على كميه الزلط والرمل والاسمنت المظبوطه وبيراجع من الرسومات التنفيذيه اللى قدامه سواء رسومات معماريه او انشائيه اما بالنسبه للحساب فالمهندس بيتفق معاك على نسبه معينه بياخدها بعد الصب لكل دور او صب الاعمده ولو شغلك رسمى وفيه شركات بيبقى فى اوراق توقيع على الاشراف والاستلام للمراحل السابقه انما لو مش متعاقد مع مكتب او شركه فمش بيكون فيه توقيع على اوراق

السلام عليكم ورحمه الله وبركاته … اولا احب اعرفك يعنى ايه اشراف يعنى ان المهندس يشرف على كل مراحل البناء بدايه من الحفر وبعدين التخشيب وبعدين الحداده وبعدين الصب وبيتأكد بمطابقه الاعمال دى باللى موجود بالرسم سواء هو اللى رسم او مهندس تانى وبالنسبه لحساب المشرف فبيتحاسب بعد اى عمليه صب وبيتفق معاك على نسبه معينه يعنى المقاول ليه نسبه والمشرف ليه نسبه مثلا لو السقف اتكلم منك 30000 جنيه بمراحله من تخشيب وحداده المشرف ممكن ياخد نسبه معينه مثلا 20% فبالتالى بياخد 6000 جنيه ودا على حسب كل مهندس وموافقتك او رفضك للنسبه وبالنسبه لتوقيع الاوراق فالموضوع دا مش بيحصل غير لو اتعاقدت مع مكتب هندسى او شركه مقاولات … وربنا يقدم اللى فيه الخير