مجال ماكينات التحكم الرقمى بالحاسب ارجو المساعدة


السلام عليكم ورحمة الله وبركاتة
انا هشام يس من مصر عضو جديد معاكم ف المنتدى الرائع دة وبجد انبسطت جدا انى دخلت المنتدى
اولا انا طالب بالفرقة التانية هندسة الانتاج والتصميم الميكانيكى كلية الهندسة جامعة طنطا
وكنت حابب مجال الCNC جدا وحابب اتعلمة من الالف للياء
وان شاء الله ناوى يبق مشروع تخرجى فى الفرقة الرابعة هو ماكينة CNC لو ربنا دالنا عمر
المشكلة انى قريت ف مجال دة كتير وعرفت حجات كويسة
وعاوز ابدا فى تعلم المجال دة من الصفر حتى المراتب العليا
لكن انا متلغبط مش عارف ابدا منين
وكنت ناوى اروح ابدا الكورسات ف المجال دة
لكن مش عارف وظيفة كل كورس وابدا باية وانتهى باية
الميكروكونترولر ولا الجي كود ولا الfanuc ولا الmach ولا الmastercam
ولا الartcam
انا عاوز اعرف كل مسمى من دول وظيفتة اية وفايدتة اية
وعاوز اعرف مكونات الماكينة بردة
للعلم انا عاوز اتعلم كل شئ ف الماكينة من حيث التحكم والبرمجة الى انتاج الاشكال من عليها باستخدام الPowermill او غيرةة
ياريت الاشقاء يساعدونى
واتمنى التواصل مع اى حد عند طريق الفيس افضل واسهل
واتمنى مصرين يشوفو الموضوع ويساعدونى
ولغير المصرين مشكور ليكم مقدما ومستنى مساعدة الجميع
شكرا
حسابي على الFaceBook واتشرف بيكم :))

السلام عليكم استاذ هشام

الموضوع بسيط جدا ان شاء الله
ماكينات ال CNC بقت مجلتها متنوع وانتشرت في مصر من فترة قريبة

وانتا بما انك بتدرس في هندسة
اتعلم رسم وحاول تتقنه عشان تعرف تشتغل بية
انا شغال فى مجال تصنيع اسطمبات الحقن

fanuc دا نوع الكنترول المشغل بتاع الماكينة مخرطة او فريزة او غيروا من الماكينات

ال G …Codes و M …Codes دا اساسي فى كل الماكينات ويعتبر اللغة اللى بتفهمها الماكينة لما تحط ليها كود معين بتعمل بيه أمر يعني اللغة بتاعت الماكينة
واكتر الناس احتكاكا بال جي كود اللي بيعملوا برامج بأديهم بالورقة والقلم للمخرطة او الوير كت او ماكينات الاسبارك

الفرايز
دي محتاجة انك تعمل ليها تصميم بالرسم
فى مصر نسبة كبيرة جدا بترسم ببرنامج البور شيب عشان سهل
وبعد كدة بتفتح الرسمه على برنامج تاني اسمة البور ميل
ودة من خلاله بتقدر تعمل برامج لتشكيل الرسمة وتنفيزها فعلي
وبيبقا عبارة عن ملفات من نوع .TXT ودي بيبقا جواها أوامر حركات فى محاور الفريزة بتضم ال G .CODE وغيرة من انواع الاكواد المختلفة

لو حبيت تكمل فى المجال تقدر تتعلم Solid Works ودة برنامج رسم جميل جدا احسن من البور شيب …هتلاقي لنكات البرنامج فى الموقع دة
وفي دورة تعليمية للاستاذ أحمد عايش ربنا يجازية خير انا اتعلمت منه الرسم من خلال الدورة دي موجودة برضوا فى نفس الموقع دة

وأن شاء الله بالتوفيق .
مع تمنياتي بالنجاح اخوك وائل

يااااه اخيرا حد رد عليا
الف شكر ربنا يباركلك يارب يا هندسة :]
بعد ازن حضرتك ياريت نتواصل عالفيس وعاوز استفاد من خبرتك اكتر واكتر دة لو ميضايقش حضرتك طبعا :]
مستني ان شاء الله رسالة من حضرتك انا لو اعرف الفيس بتاعك كان زمانى بدات بالخطوة دى
واسف عالاطالة

ولا يهمك استاذ هشام انا بعت ليك اضافة على الفيس بتاعك