مشكلة ضعف الانفرتر ياريت كله يدخل يقراء ويفيدنى


(system) #1

السلام عليكم فى البداية احب اقول كل عام وانتم بخير رمضان مبارك عليكم

تانى شىء انا عندى مشكلة غريبة عندى انفرترا بتحول ال 12 فولت بتوع بطارية العربية الى 220 بحيث لما الكهرباء تقطع اشتغل بالانفرترا

بس حصل مشكلة غريبة اول ما جبت الانفرترا من سنة كانت بتقدر تشغل كيسة كمبيوتر وشاشة ال سى دى ومجموعه ادبتورات يعنى نقول 7 ادبتورات وممكن عادى اشغل مروحة عليها

بس امبارح لان الكهرباء ليها فترة مبتقطعش اول ما قطعت الانفرترا مش قادر يتحمل وبيفضل ينور احمر ويشغال عادى بس الروتر فضل يفصل ويشتغل يفصل ويشتغل اكن الكهرباء ال خارجة من الانفرترا بتخرج متقطعه لما لغيت كل شىء وفضلت موصل تلات ادبتورات كل ادبتور 12 فولت عادى اشتغل ومفيش مشاكل مجرد ما اوصل كيسة كمبيوتر فقط من غير حتى شاشة الكيسة هيا كمان تحاول تشتغل وتفصل والانفرتر ينور احمر ملحوظة الانفرترا ده صينى وفى لمبة لونها اخضر دى شغاله طول الوقت عادى بس اللمة الحمرا بتاعه الانذار بتنور لما اوصل الحاجات الانا كنت ديما بوصها وبتشتغل

السؤال هنا هل الانفرترا باظ ولا البطارية باظت وهل الانفرترا ممكن يضعف اصلى كدا هو فى نظرى ضعف لان كان الاول بقدر اشغل عليه حاجات بقيمة نص كيلو دلوقتى هو مش قادر يتحمل حاجات بقيمة 100 وات حتى اية التفسير العلمى للحكاية دى لو حصلت مع حد من المهندسين هنا

وشكرا وكل عام وانت بخير


(system) #2

السلام عليكم ورحمه الله وبركاته بشمهندس
فيه احتمالين للمشكله
الاولي ان البطاريه غيره قادره علي اعطاء الحمل كامل قدرته والامبير المطلوب نظر لحدوث اي مشكله في البطاريه
التاني الانفرتر نفسه ممكن يكون فيه مشكله في احد مكونات ال power electronics اللي مكونه للانفرتر عاوز يتغير نتيجه للاحتراق او كدا


(ماجد عباس محمد) #3

هل طول الوقت كان الجهاز متصل بالكهرباء حتى يشحن البطارية؟
هل تأكدت أن البطارية مشحونة قبل التشغيل؟
أى بطارية عند تركها فترة يفرغ شحنتها نتيجة للتسريب


(system) #4

اخوانى انا اكتشفت الموضوع فعلا اتضح ان البطارية مش قابلة شحن لانى شغلت الانفرترا مباشر على تونجر لقيت الانفرترا بتتحمل كل شىء زى الاول انما لو وصلتها على البطارية بتفضل نور احمر للاسف البطارية باظت قدر الله وما شاء فعل


(ماجد عباس محمد) #5

هذا شأن البطاريات
البعض منها سريع التلف


(system) #6

عندي عطل في اليوبي اس بسبب ارتفاع التيار الكهربي وانقطاع النيوترل …العطل انه لايعمل عند انقطاع الكهرباء مباشرة بل يتاخر حتى عند عودة الكهرباء…الرجاء ممن لديه الخبرة في موضوع ايوبي اس عموما والعطل خصوصا المساعدة قدر الامكان


(ماجد عباس محمد) #7

معذرة أخى الكريم
بدون دوائر الجهاز لا يمكن الرد إلا لمن كان لديه نفس الجهاز و حدث معه نفس العطل و تمكن من إصلاحه