استشارة بخصوص قسم الميكاترونكس

[CENTER][CENTER]السلام عليكم و رحمة الله و بركاته

[SIZE=“3”]كنت عاوز استشيركم يا بشمهندسين بخصوص قسم الميكاترونكس … انا طالب ميكانيكا ترم تالت ( سنه تانيه ) في الاكادمية العربية للعلوم و التكنلوجيا و النقل البحري فرع اسكندرية … و السنه الجاية ان شاء الله هنتخصص في القسم ( ميكانيكا بارو / ميكاترونكس / … ) … القسم ده انا بقرأ عنه بقالي 3 سنين و حبيته من كتر ما قريت عنه في جميع المواقع و بعد ما اتطلعت على المواد الي بيتم دراستها من اليكترونيات و برمجة و كهربا و تحكم و ميكانيكا و ميولي بشكل كبير للروبوتات … بس المشكله دلوقتي ان القسم طبعا يعتبر جديد في سوق العمل المصري و العربي عموما … و ده الي مخوفني منه جدا … و كل ما اسأل مهندسين في شركات بتدرب فيها يقولولي ليه يابني تضيع 5 سنين من عمرك و فلوسك ع الفاضي و هتطلع لا انت مهندس ميكانيكا ولا مهندس كهربا ولا معروف انت تبع ايه خشلك ميكانيكا باور ولا حولك كهربا و الحق نفسك من دلوقتي

و بصراحة انا محتار ادخل ايه … مش عاوز ادخل حاجة انا مش حاببها و في نفس الوقت مش عاوز اجازف في حاجة انا حاببها بس مش مضمونه

معلش طولت عليكم بس عاوز استفيد من خبراتكم … هل القسم ده ليه شغل في مصر ؟ … و ايه الشركات الموجودة الي ممكن اشتغل فيها بعد التخرج … لان الواحد لو حب يسافر :sm154: برا مصر لازم يكون معاه خبره … و الافضل اتخصص ميكاترونكس ولا ادخل باور و اعمل ماستر ولا دبلومه في الميكاترونكس … انا قريت موضوعين بيتكلمو عن الميكاترونكس هنا في المنتدى بس ملقتش فيهم اجابات للاسئلة بتاعتي … ياربت لو حد يقدر يفيدني و لو بنص معلومه ميبخلش عليا بيها :sm133:[/size][/center][/center]