طالب ميكاترونكس


(ahmed aboghanima) #1

السلام عليكم ورحمة الله و بركاته
انا عضو جديد فى المنتدى والصراحه لاقيته بالصدفه واتمنى انى استفاد و افيد فيه على قدر الممكن , انا طالب هندسه PHI اولى تخصص ميكاترونكس . والكل بيخاوفنى جدا من القسم دا بس انا دخلته لانى حابب مجاله اوى . انا عندى بس مشكله ف مادة الدوائر الالكترونيه المشكله دى ان الدكتور بتاع الماده عنده بعض المشاكل واللى اكدلى ان المشكله من عنده مش منى ان الدفعه كلها كدا والصراحه المعيده مش كفايه . لو حد ممكن يساعدنى او يقولى اعمل ايه ؟ انا ببحث ف النت و بجيب فديوهات و كدا بس المشكله ان الدكتور مالوش كتاب و المرجع مش كله علينا ومش قادرين نحد ايه اللى علينا و ايه اللى مش علينا المعيده بتحل مسأل و بس وانا مدخلتش هندسه عشان احل ف مسائل و خلاص من غير ما ابقا فاهم و كدا هو طلب مننا نعمل باور صبلاى وانا الحمد لله عملته وكله تمام بس اعتمدت ع الانترنت مش اعتمادى عليهم بس اكيد مش هعرف امشى المنهج كدا …
شكرآ على ردودكم مقدمآ :slight_smile: .


#2

اكيد فى محاضرات للدكتور حاول تحضرها ومع كل المواد كده الحضور مهم جدا والتعرف على انواع المسائل وطرق حلها وبالنسبة للفهم يمكنك زى ما عملت الدخول للانترنت والبحث ودى حاجة مفيدة وعموما فى هندسة احسن طريقة للفهم هى الشغل العملي حتى لو حاولت تفهم النظرى والمسائل والقوانين هيكون بصعوبة بالغة مش زى ما هتفهم عن طريق الشغل العملى وفى السنوات القادمة حاول انك تعمل تدريب فى مصانع وشركات او تاخد دورات فى البرامج اللى هتحتجها مثلا زى الماتلاب


(ahmed aboghanima) #3

طيب تقترحلى اتدرب فى مصانع زى ايه او شركات ايه ؟


#4

بصراحة معنديش فكرة عن المصانع والشركات فى مصر ممكن تسأل اى مهندس من اللى فى مجالك او فى المجال اللى عايز تتخصص فيها وتقدر انت تبحث عن الشركات فى الانترنت وتشوف مجال شغلهم ايه


(ahmed aboghanima) #5

اوك … جزاك الله كل خير :slight_smile: عن الافاده