امكانيه العمل في مجال صيانه الطائرات


(moukoo) #1

لو سمحتم عاوز اعرف اية هى مجالات مهندس الطيران واية مستقبلة فى مصرررررررررررررر


(eng:amr) #2

ياباشا يكفيك انك تعرف ان أنا في تانيه طيران واعرفش حد عاطل خريج الكليه عندنا


(moukoo) #3

اوكى بس اية هى طبيعة عمل المهندس وممكن المهندس فى مصر يبقى طيار بعد ازنك عرفنى على كل حاجة اصل انا فى ثانوى وعاوز ادخل الكلية دى؟؟؟


(system) #4

الطيارين حاجه والمهندسين حاجه تانيه خالص الطيارين لو عايز تبقي طيار اذهب معهد مصر للطيران بمطار امبابه بس بفلوس كتير جدااااااااااا حوالي 120الف اواكثر اما مهندس طيران فامامك قسم هندسة طيران بهندسة القاهره بعد اعدادي هندسه او معهد هندسة وتكنولوجيا الطيران بامبابه


(الطيار المنوفي) #5

تكمله لاخي msiتمنها الهندسه 8000 جنيه مصري تقريبا بتدرس خمس سنين واما تخلص بتقدم ورقك ل شركه مصر للطيران عشان تشتغل تحت التدريب فتره معينه وبيكون راتبك حسب ما سمعت 600 جنيه بس يعني تمن السجاير وبعد اما تسبت بيقا مرتبك الابتدائي 1900 جنيه مصري وبعدين هتعد تزاكر طول حياتك عشان الترقيه في اي شركه طيران بتعتمد على الكورسات والطرازات الي معاك الي تبعا انتا خارج من غيرها كلها
وشغلك جميل جدا لان مصر لوحدها فيها 25 شركه طيلران خاص غير مصر للطيران وكمان شركات الخدمات البتروليه ودي منصحكش بيها لاني جربتها مرتبها قليل جدا جدا


(نفسي اتعلم) #6

حد يقولى الله يكرمكم نظام معهد امبابه ايه للهندسهبيطلع مهندسين معترف بيهم يعنى زى كليه هندسه ولا لاء جازاكم الله كل خيررررررررررررررررررررررررررررررررر يارب


(الطيار المنوفي) #7

الي اعرفه اننا بنلاقي شغل اكتر من هندسه القاهره ومجالاتنا بره احسن بكتير ومعترف بينا والدكاتره بتوعنا اصلا من جامعه القاهره


(aviation engineer) #8

معهد هندسة الطيران افضل من هندسق القاهرة قسم طيران بكثير ولمن دراسته صعبة


(mr_safwt) #9

طيب يا جماعة
انا فى كلية هندسة قسم اتصالات جامعة الازهر
ينفع بعد ما اتخرج اشتغل مهندس اتصالات فى مجال الطيران
في ناس قالتى خد كورس بيزيك وكورس with out rating
بس انا مش عارف هل بعد الكورسات دية فى شغل فى المجال دة ولالا


(الطيار المنوفي) #10

اه في سدقني بس اعقلها وتوكل على الله وخلص الهندسه واتقدم للبيزك وخدوا وبعد ما تتعين في اي شركه طيران خد الويزاوت وعيش حياتك مع ربنا عشان يسهل طريقك


(mr_safwt) #11

جزاك الله خيرا


(system) #12

يا عرب افيدونى
ايه ظروف الدراسه بهذا القسم وبيقبل من كام بعد اعدادى


(system) #13

من الاخر هل الشغل فيه واسطه ولا لا


(system) #14

على فكر ة كورس البيزيك دة للي من برة الكلية بيتاخد بمبلغ محترم جدا تقريبا 10 الاف جنيه

وللي جوة الكلية ببلاش وكدة كدة بيسقطوهم عشان ياخدوه بفلوس بعد كدة

كلام ثقة من خريجين خامس دفعة في الكلية.


(system) #15

وبالمناسبة احنا محتاجين الواسطة جدا جدا جدا خصوصا في مصر للطيران

الاولوية لابناء العاملين حتى لو مش مهندسين للاسف

وعشان تشتغل في مصر للطيران محتاج واسطة محترمة وكبيرة عشان تشتغل