ارجوكم ارجوكم حد يساعدنى


(magic eyes) #1

السلام عليكم ورحمة الله وبركاته
انا طالب فى المعهد التكنولوجى العالى بالعاشر من رمضان (هندسة خاصة) قسم ميكانيكا
وواقع فى مشكلة كبيرة
انا عارف ان طلبى غريب وصعب بس والله لو حد قدر يساعدنى هفضل مديون له طول العمر
انا التدريب الصيفى بتاعى هيبدأ كمان اسبوعين ولغاية دلوقتى لسة مش لاقى مكان اتدرب فيه
لأن انا عايز اتدرب فى شركة تبريد وتكييف ومش لاقى نهائى والترم اللى بعد الجاى المفروض انى هاخد مشروع البكالريوس وهيكون فى اى حاجة خاصة بالتكييف
وانا لو متدربتش فى التبريد والتكييف الترم ده هضيع ومش هعرف اعمل اى حاجة
ياريت ارجووووكم اى حد واصل ويقدر يجيبلى تدريب فى اى شركة تبريد وتكييف فى مصر والله زى ما قلت قبل كده هفضل مديون له طول حياتى
ارجوكم حد يساعدنى انا محتاج التدريب ده ضروررررررررى ومش عارف اعمل ايه والوقت بيعدى عليا وحاسس انى ضايع خالص

#2

اهلا بيك وبكل طلاب معهد العاشر
بس ليا سوال بسيط ؟؟
مش لاقى شركات ولا مش عارف تتدرب فى شركات معينة ؟؟


(magic eyes) #3

اهلا بيك ياباشمهندس احمد
لا انا قصدى مش عارف اتدرب
او بمعنى تانى مش قادر اجيب الموافقة من الشركات عشان اتدرب فيها :frowning:


#4

اعتقد انه مش لازم تجيب الموافقة من الشركات
انت فقط كل اللى عليك تجيب جواب من الكلية بتاعتك او المعهد الى المصنع او الشركة اللى انت عايز تتدرب فيها وهيوافقوا على طول


(سليمان سعد الدين) #5

الاخ العزيز / Magic eyes
السلام عليكم ورحمه الله وبركاته
بخصوص موضوع التدريب فى مجال التكييف ممكن اساعدك بس جواب من الكلية او المعهد والتدريب فى شهر يوليو و اغسطس والتدريب مجانى فاذا كان مناسب لك ارجو الاتصال بى على رقم 0123520793 واى خدمة . سليمان سعد الدين