عايز تبقى كويس جرب وادخل !


(م/smsm) #1

انا عايز ابقى كويس
كويس جدا
كلنا عايزين نبقى كويسين طيب ازززززااااى ؟
اه لقيتها … كويس يبقى ناكل كوسه كتير
طيب ما الكوسة غاليه وبما انى متعقد من كلمة الكوسه يبقى نشوف حل تانى !!!
ايه يا ترى
فكروا معايا
ليه دائما كلنا بنشتكى وكلنا مش راضيين عن نفسنا
لأننا نفسنا نكون احسن
هايطلع واحد ويقولى ارضى بحالك يا عم
طيب ما الرضا طبعا مطلوب
بس هل معنى كده هو الاستسلام لأى وضع وعدم ماولة التغيير
لا دا يبقى استسلام و ضعف
لان زى ما قلت ان الكمال ابدا لم يكن ولن يكون من سمات البشر ولكن السعى اليه هو اسمى صفاتنا الانسانية
طيب هو الاكتفاء بالشكوى والحسرة على ما فات هو اللى هايوصلنا للى بنلم بيه
ما كانش حد غلب دا انا شخصيا كنت قعدت 24 ساعة فى بكا ونوا لحد ما اوصل للى انا عايزة
لكن الحل فى شىء تانى خالص وهو السعى للتطور
طيب ازاى ؟؟؟
هو الواحد يقول انا عايز اتغير ابقى احسن هايتغير ؟؟؟
بالطبع لأ
الموضوع مش بالبساطة دى
وكمان مش صعب
تهم حاجة نفكر صح ونبدأ
طيب ازااااااااى ؟؟
قول انت بقىىىىىى
اقولك
أولا احنا قلنا انك عايز تكون كويس وقلنا ان كيس مش من الكوسه
طيب السؤال الأول وده اجبارى
انت عايز تكون كويس فى ايه ؟؟؟
يعنى تحدد الشىء اللى عايز تغيره
" انا عايز اكون افضل كاتب مشهور وأنا عايز اكون طبيب مرموق وانا عايز وعايز …
يبقى تحدد أولا انت عايز تكون مميز فى ايه بالضبط
طيب مش قبل كده لازم تعرف انت مميز فى ايه ؟؟
طبعا لأنك لو حاولت تدخل فى حاجة انت مش حاببها ولا مؤهل لها هاتفشل
يبقى لازم تعرف انت مميز فى ايه
لحد كده خطينا خطوة مهمة جدا وه اننا عرفنا احنا مميزين فى ايه و اننا حددنا التخصص اللى احنا عايزينه
كده خلصنا واللا ايه ؟؟؟
لا يا راجل لسه شوية خليك معااايا
انا عايز ابقى كويس فى اللغات مثلا
يبقى لازم اشوف ايه اللازم لانى اكون افضل
يعنى لازم اخد كورسات ودورات تدريبية
وهنا بقى ثانيا وهى الخطوات المفروض عملها للوصول الى ما نرجوه
حلو قوى جدا خالص كده
كفاية بقى
لأ استنى شوية احنا لسه ما عملناش حاجه
انا بعد ما عرفت انا مميز فى ايه وعرفت ايه الهدف المطلوب الوصول له وكمان ايه المطلوب انى اعمله عشان اوصل للهدف ده
يبقى فاضل ايه
ايييييييييه ؟؟؟
انى أنفذ
يا سلام وهو خلاص أقول انفذ وانطلق وخلاص
يبقى ما عملناش حاجه
لأنك هاتتحرك بشكل عشوائى وهاتبهدل الدنيا وتلاقى نفسك بتضيع وقت وفلوس وفى النهاية ما فيش
طيب ايه اللى المفروض يتعمل ؟؟؟
أقولك
تبدأ فى اختيار أفضل طريقة للتنفيذ عشان نبقى بنتحرك صح
يعنى هاتاخد كورسات واللا دروس خاصة واللا هاتشتغل فى مكان فيه ممارسة لغه وايه افضلها وأسهلها بالنسبة لك وكمان اللى بيتناسب مع قدراتك المادية عشان ما تبدأش وبعدين تتعب وتحس باليأس
يبقى رابعا انك تحدد افضل الوسائل للوصول الى هدفك
خلوييييييييييييص ؟؟
لسسسسسسسسسسسسسه

احنا كده وصلنا الى خطوة مهمة جدا جدا
هى انك تحدد مخطط زمنى للتنفيذ يعنى تعمل لنفسك واجب يومى لو ما عملتوش تعاقب نفسك أو هاقولك وفر على نفسك وما تكملش عشان شكلك نفسك قصير وبتمشى على سطر وتسيب صفحة
يبقى عشان تكمل لازم تضع مخطط ثابت ومنتظم والافضل انك تستعين بحد متخصص فى المادة أو التخصص اللى عايز تدرسه عشان يكون الموضوع منتظم وبشكل علمى
خلاويييييييييص ؟؟؟
لسه

اهم حاجه بقى هو انك تكمل ويكون عندك طول بال وقدرة على الصبر
يعنى مش بعد يمين وتزهق أ تقول انا هافشل واللا انا مش قادر
لأن دى اسمها دوافع سلبيه هاتشدك للخلف ويمكن ترجع للأسوأ مما كنت
عارف ليه ؟؟
لأنك هاترجع بفشل جديد واحباط جديد من عدم قدرتك على التغير
شفت بقى !!!
يعنى لما تبدأ تكمل للأخر وما تيأسش
وده هايجى ازاى ؟؟؟؟
هاقولك
رقم واحد انك تفكر نفسك كل شوية بالهدف اللى لازم توصله وبأهميته
واتنين تلاته اربعه انك تتحدى نفسك وتواجهها بنقط ضعفها ومنها الكسل والتراخى عشان تكون دائما متحفز للنجاح
يبقى بعد كده فاضل التنفيذ
يعنى تبدا فعلا
بيتهيألى خلاص ؟؟
لأ لسه حاجه مهمة جدا
اييييييييييه ؟
انك كل فترة تراجع اللى اتعلمته يعنى تعمل لنفسك وقت محدد ليكن كل اسبوع تعرف انت وصلت لأيه وحققت ايه من الجدول الموضوع وبكده تعرف انت فشلت فى ايه فتحاول تعالجه وتضغط نفسك شوية عشان تحافظ على الجدول وكمان تعرف انت نجحت فى ايه فده يعطيك حافز للتقدم
وفى الختام يجب ذكر قوله تعالى " ان الله لا يغير ما بقوم حتى يغيروا ما بأنفسهم "
وكده اقولك خلويص
احتراماتى

مقال اعجبني لاحد الكتاب واحببت نقله للافاده وجزاه الله خيرا عن كل قارئ

(قنديل البحر) #2

المقال جميل جدا
ومتشكرة جدا
أنا إن شاء الله هبدأ لتحقيق هدفي
متعرفش(متعرفيش) أنا كنت محتاجة الكلام دة أد إيه
جزاك الله خيرا


(م/smsm) #3

انا كتير سعيده اخي لانك استفدت من الموضوع
الله يوفقك يارب وتكون راضي عن حالك


(Baraaa) #4

مشكورة اختي الكريمة
وهي فعلا نصائح غالية جدا
والله يوفقنا ونقدر نعمل فيها
بارك الله فيك


(gigi1983) #5

شكرا لكي اختي الفاضل على المقاله المفيده واسمحي لي بهذه الاضافه

1-خطط…2- تصرف…3- قيم النتائج…4- عدل الخطط…5- عد إلى 2…
انطلق دائما إلى المستقبل ولا تلتفت إلى الماضي…لا تسمح للماضي بجذبك إلى الوراء…وتعلم من الماضي الأليم بدلا من أن تكرر تجاربك الأليمة مرارا داخل عقلك فتعيشها آلاف المرات دون استفادة…
تسامح مع الجميع -وبخاصة الأهل- ولا تحمل الضغائن في نفسك…وثق أنهم لو كانوا يملكون أن يقدموا لك ما هو أفضل لفعلوا…

الأهداف تنقسم إلى:
أهداف رئيسية…
أهداف قصيرة المدى “مثل تعلم لغة…قراءة كتاب”
أهداف متوسطة المدى “من سنة إلى 5 سنوات”
أهداف طويلة الدى “من 5 سنوات إلى 25 سنة”

الهدف…والهدف المستمر في الزمن…
الهدف: ينتهي بمجرد تحقيقه…وهكذا قد تعود بك دورة المخ إلى البداية بعد تحقيقه…
مثال: لو جعلت هدفك الاقلاع عن التدخين…فسوف ينتهي الهدف بتحقيقه…وبعد الاقلاع؟…تعود مجددا مع عودة دورة المخ إلى ما اعتدت عليه وألفته!
الهدف المستمر في الزمن: هو هدف لا ينتهي أثره…فهو يختلف…فدورة المخ لا تعيدك إلى النقطة الأولى بعد هدفك الأول…
لو جعلت هدفك التقرب إلى الله تعالى فإنك ستستمر في هذا دون أن تعود إلى البداية…
حول هدف الاقلاع عن التدخين إلى أن تقلع عن التدخين للتقرب إلى الله تعالى…بهذا يتحول الهدف إلى هدف مستمر في الزمن…وبهذا لاتعود مجددا إلى البداية…

تقليل الوزن الزائد هدف…أما تقليله حفاظا على صحة أفضل ومظهر أليق…فهو هدف مستمر في الزمن…وله أسباب تجعله أقوى…
أعطي أسبابا لكل هدف وابتعد عن التلقائيات تصبح تصرفاتك واعية وعلى أساس من المعلومات…
تحديات تحقيق الهدف:
1-الخوف:
Feel the fear & do it any way!

يجب أن تعلم أن الحكمة من وجود الخوف أو الألم:
1- مساعدتك على التقرب من الله تعالى…
2- الابتعاد عن السلوكيات السلبية…
3- أن تحسن من حياتك…
عند إدراك ذلك يصبح الخوف أو الألم للتعليم والتحسين…ولا يكونان عائقا لك…

تذكر: الخوف إحساس زائف دائما…
2- الصورة الذاتية السلبية…
3- المؤثرات الخارجية (كالمثبطين)
تذكر دائما…أفكار الآخرين ربما تناسبهم هم…لا مانع من تلقي الاقتراحات…لكن فيما يخصك…عليك أن تقرر وحدك ما ينبع من ذاتك…

تذكر: رأي الناس فيك لا يدل عليك وإنما على آراء شخصية تخصهم…
الانسان المتزن يصدّر سلوكه المتزن إلى المحيطين به…والعكس بالعكس…
“النجاح والقوة أن تعبر من فشل إلى فشل دون أن تفقد حماسك” جورج برنارد شو…
4- المماطلة…
الأركان السبعة للحياة المتزنة:
الركن الروحاني:
حب الله تعالى…
التسامح النتكامل: إفصل بين الشخص وسلوكه…ليس لأنك تكره سلوكا له فأنت تكرهه!..
العطاء غير المشروط…

الركن الصحي: اهتم بصحتك…
الركن الشخصي:
اخرج عن روتين العمل…وتذكر أن الراحة إنجاز تستمتع فيه بباقي إنجازاتك…
قم بتنمية مهاراتك ومواردك البشرية…

الركن العائلي: حسن العلاقات الأسرية…العلاقات الأسرية الناجحة أيضا إنجاز…
الركن الاجتماعي: حسن الروابط والعلاقات الاجتماعية…
الركن المهني: الانجاز المهني ضروري للحياة المتزنة…
الركن المادي: الاستقرار المادي مهم…لكن تذكر: المال طاقة أرضية إن ركزت عليها جذبتك لأسفل…(يجب أن يكون المال في يدك لا في قلبك)
اسأل نفسك أسئلة الهدف المستمر:
أين أنا الآن من كل هذا؟
يقودك هذا السؤال لتعرف موقعك من الواقع…
وبسؤال: ماذا أريد؟
يقودك لادراك الهدف…
وبسؤال: لماذا؟
يقودك إلى إدراك الأسباب…مما يقوي الدافع إلى الهدف…
وبسؤال: متى؟
تضع خطة زمنية لتحقيق الهدف…تمنعك من المماطلة…
وبسؤال: كيف؟
تبدأ بالتخطيط وحصر الموارد وتنميتها ومواجهة التحديات…

قانون التركيز: التركيز دائما يكون في اتجاه واحد…
التفكير في اتجاه يتسع وينتشر بنفس الاتجاه…
الانسان يكون حساسا جدا تجاه ما يفكر فيه…وحساسا جدا تجاه أي مؤثر يتعلق بما يفكر فيه بشكل ما…

الهدف وقانون الاعتقاد:
كل هدف تربطه بأحاسيسك يصبح اعتقادا!..
If you think you can, or you think you can’t, you are right!

الهدف باعتقاد إمكانية الفعل يولد الفعل!
والفعل أيضا يولد اعتقاد إمكانيته…

بمعنى:إعتقاد إمكانية تنفيذ أمر ما…يجعلك قادرا على تنفيذه…
وإذا كان ثم من سبقك بالتنفيذ (مثلا) فإن هذا يولد لديك الاعتقاد بإمكانية التنفيذ…

الهدف والقيمة العليا:
القيمة العليا تدفع إلى الهدف…والهدف يدفع إلى الفعل…

تقبل الواقع على أنه هدية من الله تعالى لتبدأ في وضع الحلول…
تحقيق الهدف عن طريق العقل الواعي:
1- اكتب الهدف (كتابة الهدف هي 50% من تحقيقه) وذلك لتوجيه التركيز بالكامل نحو التفكير في الهدف…
2- إقرأه دائما خاصة قبل النوم…
3- فكر فيه دائما حتى يصبح الهدف جزءا منك…
4- ضعه في الفعل تدريجيا…

تحقيق الهدف عن طريق العقل اللاواعي:
يتم ذلك عن طريق:
التأمل (والتفكير في تحقيق الهدف)- التخيل الايجابي (وهو تخيل طريقة تحقيق الهدف وقد سبق شرحه)- الوصول إلى حالة ألفا والاسترخاء – التصور (يختلف عن التخيل…فالتصور يكون بتخيل صورتك في الحالة التي ترغب) – الاسترخاء- التأكيدات الإيجابية…

كيف تصل إلى ألفا:
حالة ألفا هي حالة من الاسترخاء التام مع قدر من الصفاء النفسي…حيث تساعدك بقدر كبير على الانفصال بمشاعرك عن المشكلة التي تواجهها…وتعتمد على زيادة كفاءة المخ بتزويده بقدر وافر من الأكسجين…
يتم الوصول إليها عن طريق التنفس العميق يستغرق الشهيق فيه حوالي ثمان عدات ثم الاحتفاظ به بشكل لحظي ثم الزفير في أربع عدات…
تقوم برفع عينيك إلى الأعلى أثناء الشهيق…وإسبالهما أثناء الزفير…
بهذا تصل إلى حالة تقترب من التنويم…وعندها يمكنك الاسترخاء لتفكر بشكل بعيد عن المشاعر السلبية…

قانون توارد الخواطر: كل ما تفكر فيه يتم إيجاده…
استراتيجية الفقي لتحقيق الأهداف:
حسنا…هذه استراتيجية ينصح بها الدكتور ابراهيم الفقي…
1- توكل على الله تعالى…
2- كن واضحا فيما تريد…
3- السرية والكتمان في الفترة الأولى على الأقل…والغرض من ذلك هو الابتعاد عن المؤثرات الخارجية…
4- القرار القاطع بتحقيق الهدف…
5- حدد الأسباب واقرأها دائما…لتقوية الرغبة…
قانون النشاطات غير المنتهية: كل نشاط غير منته يرتبط في اللاوعي بالألم…بمعنى أنك إذا اشتريت كتابا ولم تقرأه (مثلا) فإن ذلك سيعوقك عن شراء كتاب آخر وقراءته…حاول إنجاز كل ما تبدأ به…فلو قرأت الكتاب سيحفزك ذلك على شراء غيره…
6- اربط هدفك بالسعادة لا الألم…لو ارتبطت الرياضة في ذهنك بالتعب فستحجم عنها وتتكاسل…أما إن ارتبطت بالصحة فستنشط لها…
7- الاعتقاد: الاعتقاد في أن الله لن يضيع تعبك…والاعتقاد في قدرتك على الفعل…
8- القيمة العليا…
9- نمي مهاراتك (ازدد معرفة)
10- التخيل الابتكاري…
تذكر: المؤثرات الخارجية لاتؤثر على قرارك ولن يجعلك أحد تشعر بشئ دون إذنك…
11- الالتزام التام بتحقيق الهدف…
12- المرونة التامة: الأكثر مرونة يتحكم في حياته وفي نفسه…
13- الاحتفاظ بالحماس…
14- التحسن المستمر: طور مهاراتك باستمرار…
15- مساعدة الآخرين: ليبارك الله تعالى لك في علمك ولتستمر فكرتك من بعدك (عن طريق تلاميذك) ولتحقق أهدافك (سيساعدك من ساعدتهم بالتأكيد)

ابتعد عن: النقد…كي لا تجعل من تنتقد في وضع التحفز تجاهك!
ابتعد عن: اللوم…فهو يجعلك في موقف الضحية!

تذكر: الهدف (الفوائد) والقيمة العليا…يوصلانك لهدفك مهما كانت التحديات…
اجعل هدفك دائما هو رضى الله تعالى…
اشكر الله سبحانه وتعالى…وابدأ دعاءك بتعظيمه وشكره والصلاة على النبي صلى الله عليه وسلم…


(م/smsm) #6

جزاكم اللهخيرا على تفاعلكم واعجابكم بالموضوع