تعليقات على باب دورة المياه


(amir eleslam) #1

[CENTER]باب دورة المياه

[SIZE=4][COLOR=purple]احم … شوية كده يا فنديه عشان النفس بس … مفيش داعى للزحمة … مش عايزين اصابات الله يخليكم…
مش عارف حاطين ايديكم على مراخيركم ليه؟؟؟؟ مع إننا لسه مدخلناش فى دورة الميه …قصدي فى الموضوع…
ما علينا … ندخل فى الموضوع …
بداية أحب ان انوه أن المقصود هنا هى أبواب دورات المياه العامة يعنى…المراحيض العمومية
-.اففف الله يقرفك …

  • ماشى ياسيدى …ماعلينا …

وليس المقصود أبواب دورات المياه الفايف ستارز اللي فيها اير فريشينر وليكويد سوب وتواليت بيبر واير دراير لزوم تنشيف الايدين…
انما اقصد ابواب دورات الميه الغلبانة التى يرتادها معظم حرافيش الشعب المصرى اللى انا منهم وخاصة اذا كنت على سفر ورجليك خدتك لغاية دورة مياه مسجد الفتح برمسيس او دورة مياه بولاق الدكرور التى تقوم سنية العمشة بالإشراف عليها ويساعدها بيومى طناش .
المهم سعادتك وقفت فى الطابور لغاية مجه دورك ودخلت …
تعالى بقى نتصفح جريدة باب دورة الميه … دى مجانية واميز مافيها انها مفيش عليها رقابة وبتحتوى على كتابات تمثل كل الاتجاهات … يسارى ماشى … يمينى ماشى … صعيدى ماشى … وبعدين دى شاملة كافة المواضيع من سياسة الى اقتصاد الى رياضة…ويشرف على تحريرها واصدارها بشكل يومى جموع الشعب المزنوق …تعالى نتصفح …

  • الأهلى عمهم وحابس دمهم …
  • للذكرى الهباب وايام العذاب والزحف على التراب – جندى سويلم البهنساوى – مركز تدريب المعادى
  • كله يهون الا اللاهون – جندى مجند حمدى ابراهيم – مركز تدريب اللاهون
  • ازازة الزيت بقت ب7 جنيه … ماشى يا ظلمه
  • مجانية تعليم ايه يا ولاد الــ …
  • كل ظالم وله نهاية …
  • خد عبرة من السادات …
  • الجمعية فيها لحمة …ياولاد الكذابة …
  • امريكا بنت …!
  • يا ولاد الــ… نهبتوا البلد
  • نحن نوفر لك الوظائف بمختلف التخصصات وبمرتبات مغرية… فقط…شدالسيفون…

وهكذا سادتى وسيداتى الأفاضل كما ترون فأبواب دورات المياه ليست مجرد حاجزا يستر من يجلس خلفه … ولكنها متنفسا تستطيع من خلاله جموع الشعب المطحونة ان تعبر عن بعض ما يجيش بصدورها دون خوف من ان يكون هناك مخبر واقف لك ورا الباب…بكل بساطة هذا الشعب …وبكل مايتعرض له من ظلم وطحن وسحق الا انه يرفض ان يصمت …سيتكلم حتى ولو من وراء باب دورة الميه …
وتستمر الكتابة…وتستمر القراءة …
برجاء من السادة القراء ترك القبقاب على باب الدورة لأنه عهدة[/color] [/size][/center]


(kikozezo) #2

تسلم أخ amir حقيقي موضوع جامد جداً


(amir eleslam) #3

بارك الله فيك وجزاك الله كل خير على المرور


(م/smsm) #4

امممممممممممممممممممممممممممممممممممممم
لا تعليق بعد ما قلته
غريب والله حال الدنيا


(لست انا) #5

موضوع جامد والله ونظريه صحيحه … فعلا دورات المياه بقت بتريح الناس من حجات كتير … من همومها , ومن اشياء اخرى …
شكرا على الموضوع

نسيت اقولكم
انا صديقه جديده يارب تقبلونى اخت ليكم


(خالد صديق) #6

موضوع رائع جزاك الله كل الخير