السلام عليكم ورحمة الله وبركاته
انا طالب بالسنة الاعدادية بكلية الهندسة بالمطرية_ حلوان
وعاوز ادخل هندسة بحرية
عاوز معلومات عنه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟وشروط الالتحاق به؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ومجال عمله فى مصر وكذلك طبيعة عمله؟؟؟؟؟؟؟؟؟؟؟؟ااااا ارجوكم سرعه الرد ولكم جزيل الشكر
فى قسم الهندسة البحرية:
بتدرس محركات الديزل و التوربينات و محطات القوى اللى بتدرس فى قسم ميكانيكا
و بتدرس لغات البرمجة اللى بتدرس فى قسم كمبيوتر
و بتدرس التصميم الإنشائى اللى بيدرس فى قسم الهندسة المدنية
و بتدرس تصميم المساحات اللى بيدرس فى قسم عمارة
و بتدرس العمارة البحرية و إنشاءات السفن اللى طبعامش بتدرس غير عندنا
يعنى من الآخر بتدرس عن كل حاجة
لأن السفينة بيطبق فيها كل العلوم الموجودة فى الدنيا
القسم موجود فى هندسة إسكندرية و بورسعيد فقط
يعنى لو عايز تدخله يبقى لازم تحول و حسب مجموعك يا حلو بقى
بالنسبة للشغل:
فممكن تشتغل على السفن بتبدا فى الأول كOILER و بعدين بتبقى 3RD ENGINEER و بعدين 2ND و بعدين CHEIF ENGNEER
ممكن تشتغل على حفارات البترول البحرية
ممكن تشتغل MARINE SURVEYOR و تبقى بتفتش على المراكب و تتأكد من سلامتها
ممكن تشتغل NAVAL ARCHITECT و تعمل حسابات الإتزان و التصميم و ترسم المخططات
ممكن تشتغل فى أى مجال تانى من مجالات الهندسة لأنك درست فى كل حاجة تقريبا
و بس كدة
لو عايز تعرف أكتر ممكن تروح لدكتورة هبة لهيطة رئيسة قسم الهندسة البحرية جامعة الأسكندرية و هيا حتفيدك كتير.