من هى مصر؟


(Wael Gaber Hassanien) #1

" [SIZE=5][COLOR=deepskyblue]على اسم مصر يقول التريخ ماشاء

دي مصر عندي أحب و أجمل الاشياء [/color]" صلاح جاهين

مين هي مصر ؟!

ده سؤال نساله واحنا اللي نجاوب عليه … وبعد ما نجاوب نقدر نحدد احنا بنكره مصر ولا بنحبها

مصر مش هي الحكومة ولا الريس ولا الاحزاب ولاالناس اللي معاها فلوس كثير وعيزه تجيب اكتر …

مصر هي الصحيان بدري و الشمس لسة بتفتح عنيها و النور بيتسرسب من الشيش و اذعة القران الكريم
طلعة من الرديو …

هي عربية الفول اللي الناس ملمومين عليها و بياكلو بمزاج قوي في احلى اصطباحة ، كبايه الشاي بالحليب على قهوه بلدي الساعه 7 الصبح .

و الواد اللي سايق عجلة وشايل طولة العيش الساخن اللي لسة طالع من الفرن ورحته بتلعب في نخشيشك …

وعم سعيد بيفتح الدكان و بيرش ميه قدامه وبردضه اذاعة القران الكريم شغاله عنده و " في بقعة من بقاع الارض طاهرة "

و البنت ام مريله كحلي اللي منير وجهين شفوها وهي رايحة المدرسة و العيال الصغيره الي شنطة المدرسه قاطمه ضهرهم وهم متكتفين جوا المريله البني ام زراير من ورا ( بقوا يلبسوا قمصان دلوقتي ) وبرضه بيجروا ورا بعض و عملين دوشه و تحية العلم .

مصر هي الاتنين الشباب الاصحاب قوي اللي ماشين ع الكورنيش في عز الشتا ومستخبيين جوه الهدوم التقيله و بقهم بيطلع بخار م السقعة بس واحد فيهم مطلع ايده م الجاكت و ماسك السيجارة .

مصر هي الرجاله الكبار اللي قعدين يفتكروا ايام زمان الحلوة ويضحكوا ضحكه ترج النجم على راى الابنودي
و ام امين بتاعة الخضار الى قعدة ع النصيه من و انا في ابتدائي .

و الشارع الفاضي باليل اللي مية الشتا بتلمع عليه و عسكري المرور الواقف ف الشارع من زمان قوي .
مصر هي كل البيوت اللي فتحة على بعضها و بتحب بعضها من غير مصلحة .

كل فرح عديت عليه ودخلت بركت و انت مش عارف اسم العريس و كل عزا دخلته وعملت الواجب فيه مع انك عمرك ما شوفت اللي مات .

مصر هي كبايه الشاي بالنعناع و انت لابس الجلبيه الصيفي و قاعد في البلكونه مع نسمه بتهفهف بعد ما اكلت اكله محشي من ايد الولدة و بنفسها وحليت بشقتين بطيخ ساقعين في عزالصيف .

مصر سيد درويش وشد الحزام على وسطك و ام كلثوم بالليل وعبد الحليم لما تحب و منيب و ام العيال العشرية و منير وهو بيصرخ

([/size][SIZE=5][COLOR=mediumturquoise] يا مصر و انتي الحبيبه … انتي اغترابي و شقايا

ونتي الجراح الرهيبه … و انتي الي عندك دوايا [/color])

مصر هي " مولاي اني ببابك قد بسط يدي " الي عايش بيها النقشبندي لحد دلوقتي وصوت محمد رفعت بيقرا قبل الفطار ف رمضان و الشيخ الشعراوي اللي بتزعل اول ميقول ( و الى لقاء قادم ان شاء الله )

مصر الابنودي وصلاح جهين و فؤاد نجم و الشيخ امام و فروق جويده و هيكل فهمي هويدى و الشيخ الغزالي فى صلاة العيد و كل الناس الي بتصلي ورا محمد جبريل في دعوة الحق و باقي الناس الي ورا الشيخ حاتم في التهجد في القائد ابراهيم وعبد الوهاب مطاوع ف اهرام الجمعة و كركتير احمد رجب .

مصر و ريحة الكبدة و امك بتعملها عشان تفطر اول يومالعيد بعد م تخلص دبح .

و الصيدين الي وقفين على البحر صيف شتا بينغشو السمك …

و سواق التكس اللي بتركب معاه وبيحكيلك عن مشكله مع انك عمرك مشفته قبل كدة ولا هاتشوفه بعد كده
و الواد علي الي بيعدي عم جرجس الشارع وهو خايف عليه من العربيات و الست الي بتفاصل مع بتاع الخضار علي شلن زياده في الطماطم

مصر السفر و السهر و الشقا و العشق و المعشوق

مصر الي عمنا بيرم قال عنها

[/size][SIZE=5]" بلدنا دي زي الرصيف … وسخ وعيز يتكنس
فيه ناس بتعرق ع الرغيف … وناس بتعرق م التنس "

هي دى مصر و اللي ما شفهاش كده و ماشفش فيها كل ده ممكن ميحبهاش

بس اللي شاف ده و محبهاش لازم يراجع نفسه

ينسى الناس اللي تاعبه و تاعبه البلد و يفتكر البلد نفسها

البلد الي منير قلها

" [/size][SIZE=5][COLOR=deepskyblue]وحب اغترابي ف صبحك و ليلك … وحب الونس بالرفاقة يا مصر

تنام الدموع ف العيون الهواجع … تسهر دموعي ف حبك يا مصر

تهون الظنون و الشجون و المواجع … اكدب ظنوني في حبك يا مصر

ها قرب و اقرب و مش ممكن اهرب … وتنزل دموعي على خدودي تشرب

تلاقي الرموش و الخدود و المباسم مراسم … وصورتك عليهم يا مصر

باحبك باحبك احبك يا مصر "[/color][/size]


(Wael Gaber Hassanien) #2

مصر الازهر والحسين والناس الطيبين
مصر العمال والفلاحين والطلبه والموظفين
مصر الادان ودقه اجراس الكنايس وتراتيل الرهبان
مصر صلاه الفجر
وضم القمح وعرق الفلاح ودم الشهيد
مصر بتاعتنا

__________________


(Miss_Comm.Eng) #3

موضوع جميل جدا
بارك الله بيك اخي
والله يحفظ مصر واهلها الطيبين ويقيهم من كل شر


(Wael Gaber Hassanien) #4

جزاك الله خير

مصر ام المصريين


(احمد_قلب الاسد) #5

مصر مش هي الحكومة ولا الريس ولا الاحزاب ولاالناس

هي عربية الفول

مصر هي كبايه الشاي بالنعناع

مصر … مصر … مصر …


(Wael Gaber Hassanien) #6

مصر هى الامل فى بكرة

مصر هى الاسلام


(khaledadel) #7

[size=4][COLOR=#ff0000]جزاك الله خير

مصرهى ام الدنيا[/color][/size]
هى التى نصرت وستنصر الاسلام على مدار السنين والقرون مهما قابلتها التحديات