عن المراكب و الزحاليق !


(Bassoom) #1

خلاصة الكلام يا جماعة…إن المركب بتتزحلق

و ليها زحاليق مخصوصة بيزحلقوها بيها (مش أى زحاليق طبعا )

و يوم زحلقة المركب ده بيبقى يوم عيييد…
و الناس كلها تتجمع و تتفرج و صاحب المركب ييجى و الناس الكبارة بقى و هيصة…

أمال…هوا كل يوم بنزحلق مركب

طب إزاى و فين وليه؟
…هوا ده موضوعنا

طب صلوا على النبى (عليه الصلاة و السلام)

المركب بتتبنى فى مكان بيسموه ترسانه (Shipyard)

و جوة الترسانة بتتبنى فى حاجة من الأتنين :

1- حوض :

2- قزق (Slipway) (أو زحاليق زى ما سميناها) :

  • ألواح و عيدان المراكب بتتقطع و بتتلحم و بتتظبط و فى الآخر بتتركب علشان تكون بلوكات المركب (بلوكات يعنى المركب بس متقسمة حتت)

  • و بعدين بيودوهم على القزق علشان يتجمعوا

* المركب بتكون محطوطة على عجل…و ده اللى بيخليهم يقدروا يحركوها من مكان للتانى

* و ممكن أكتر من مركب يكونوا فى نفس الترسانة فى نفس الوقت

  • بالنسبة للزحلقة ففى طريقتين:

1- بالطول :

و فيها المركب بتنزل بضهرها (بمبدأ إدى ضهرك للترعة على رأى العالم الشهير محمود رضا)

زى الفيديو ده كدة

http://www.youtube.com/watch?v=L1ujFSJvq6k

2- بالعرض :

بتكون واقفة على الحرف و بعدين يسبوها تنزل و تعمل تششششششش كبيرة

و زى الفيديو ده كدة

http://www.youtube.com/watch?v=FD6GGehpDYQ

و ده طبعا له حسابات كتير علشان تتأكد من سلامة المركب و هيا نازلة على الزحليقة

شوفوا هنا مثلا…

زحاليقوا

بيزحلقوا مركب جديدة فى البحرية الأمريكية …و حصلت لخبطة فى الحسابات

و يا دوب يقولوا سيرى يا نورومااااااندى

و تششششششششششششششششششش

المفروض التششششششش اللى بتحصل تحصل من ناحية البحر و بس…مش من الناحية اللى واقفين فيها الناس

لكن فى حالتنا دى حصلت فى الناحيتين
و بالتالى الناس كلها إتغرقت…و كان فيهم جنرالات و ناس جامدة

و بس كدة…دى قصة المركب و الزحاليق

صدق اللى قال…عالم زحاليق صحيح

عايز تعليقات على الفيديو و الكلام و الصور و كل حاجة

ماحدش يدخل يتفرج و يطلع من سكات

مش فاتحينها فاترينة هنا

برضه ما تنسوش تدعووووولى


(قنديل البحر) #2

السلام عليكم
الموضوع جميل
وإسلوب حضرتك في الكتابة ممتع ويجذب الإنتباه
والصور واضحة وجميلة جدا
والفيديو كمان رائع بس في حاجة, متهيألي إن صورة السفينة إللي بتتزحلق بالعرض غير الموجودة بالفيديو لأن إللي في الفيديو لونها أبيض
وبعد إذن حضرتك ممكن سؤال؟
هو علي أي أساس بتنزل السفينة بالطول أو بالعرض أصل أنا شايفة إنها تنزل بالطول أسهل بكتير؟
وكمان سؤال معلهش
هو العجل إللي بتكون ماشية عليه السفينة بيكون موجود بالقزق ويلف فتتحرك معاه السفينة
وللا إيه الحكاية؟
آسفة ممكن تكون أسئلتي تدل علي شيئ من عدم المعرفة ولكني مبتدئة في هذه الدراسة.
وأخيرا
أشكر حضرتك جدا وجزاك الله خيرا


(MONAYA) #3

السلام عليكم

ده شىء مش جديد عنك لان دايما مواضيعك بتنال اعجاب الجميع لانها بتكون مهمة جدا

وبتتناول موضوعات احنا محتاجنها

بس فى عندى طلب بعد اذنك ممكن لو كتاب يشرح هذا الموضوع بتوسع ولكن باسلوب سهل

وجزاك الله كل خير وبارك فيك


(Bassoom) #4

[quote=قنديل البحر;87043;]السلام عليكم
الموضوع جميل
وإسلوب حضرتك في الكتابة ممتع ويجذب الإنتباه
والصور واضحة وجميلة جدا
[/quote]
شكرا يا قنديل

والفيديو كمان رائع بس في حاجة, متهيألي إن صورة السفينة إللي بتتزحلق بالعرض غير الموجودة بالفيديو لأن إللي في الفيديو لونها أبيض

ما هيا مش نفس المركب…ده مجرد مثال

وبعد إذن حضرتك ممكن سؤال؟
هو علي أي أساس بتنزل السفينة بالطول أو بالعرض أصل أنا شايفة إنها تنزل بالطول أسهل بكتير؟

بالطول أو بالعرض ده بيكون حسب نوع الإمكانيات المتاحة فى الترسانة…
يعنى لو عندهم قزق عرضى يبقى حتنزل بالعرض…و العكس صحيح
النوع الطولى بيحتاج مساحة كبيرة من المياه قدام القزق
إنما العرضى فما مش محتاج مساحة كبيرة…عشان كدة بيستخدموه لما يكون المجرى المائى ضيق

وكمان سؤال معلهش
هو العجل إللي بتكون ماشية عليه السفينة بيكون موجود بالقزق ويلف فتتحرك معاه السفينة
وللا إيه الحكاية؟

ممكن ما يكونش موجود…و بعدين لما يخلصوا المركب يحطوه
أو ممكن ما يكونش فيه عجل أصلا و المركب بتتحرك على slide ways

زى هنا كدة

الكراسى اللى عليها المركب بتتزحلق على ال sliding ways و طبعا بيستخدموا lubricant…عشان يقلل الإحتكاك

بصى على الصورة دى كدة كمان

هنا مثلا مافيش عجل…لكن المركب محطوطة على الكراسى اللى إنتى شايفاها دى…
و بتتزحلق على الألواح المايلة لغاية ما تنزل المية

آسفة ممكن تكون أسئلتي تدل علي شيئ من عدم المعرفة ولكني مبتدئة في هذه الدراسة.
وأخيرا
أشكر حضرتك جدا وجزاك الله خيرا

بالعكس …أسئلتك دى بتزيد الموضوع جمال و بتزود المعلومات اللى فيه.

للأسف ردرودى مش من خبرة عملية…لكن من الخلفية البسيطة اللى عندى


(Bassoom) #5

[quote=MONAYA;87046;]السلام عليكم

ده شىء مش جديد عنك لان دايما مواضيعك بتنال اعجاب الجميع لانها بتكون مهمة جدا

وبتتناول موضوعات احنا محتاجنها

بس فى عندى طلب بعد اذنك ممكن لو كتاب يشرح هذا الموضوع بتوسع ولكن باسلوب سهل

وجزاك الله كل خير وبارك فيك[/quote]
جزاكى الله خيرا يا مونايا

لو عايزة كتاب…فإدخلى هنا
http://www.almohandes.org/vb/showthread-t_6132.html

Ship construction & repairs
و إختارى كتاب Ship construction
فيه فصل كامل عن الموضوع ده


#6

جزاك الله خيرا يا بسوم
الموضوع جميل جدا ومفيد والله معلومات اول مرة اعرفها واعتقد انها مهمة لكل المهندسين ليس فقط البحريين


(Bassoom) #7

[quote=ahmedeldeep;87193;]جزاك الله خيرا يا بسوم
الموضوع جميل جدا ومفيد والله معلومات اول مرة اعرفها واعتقد انها مهمة لكل المهندسين ليس فقط البحريين[/quote]
جزاكم الله خيرا على الرد الجميل


(ENG.Hasan Hamdan) #8

جزاك الله خيرا وزاد في علمك وافادنا من مواضيعك يا اخ بســــــــــــــــــــوم
very thanks
اخوك المهندس حسن


(المهندس) #9

خالص الشكر لمشرفنا الغالى على الموضوع


(Abu Said) #10

جزاك الله خيرا

thanks


(cool_2006) #11

جزاك الله خيرا على هذا الموضوع الرائع


(cool_2006) #12

ونرجو منك الاستمرار بافادتنا بمواضيع اخرى


(الجامعي) #13

جميل جدا …جزيل الشكر والامتنان لك على هذه المعلومات القيمه


(fkanana) #14

موضوع جميل جدا اخي العزيز بارك الله فيك على الفيديوهات الجميلة
لكن سؤالي لك وللاخوة مهندسي البحرية ماهو وضع الهندسة البحرية وبناء السفن في عالمنا العربي نظرا لكونه مجالا صناعيا ثقيلا قد يرقى بالامة الى مكانة عالية
ولو تشدوا الهمة شوية ونبنى سفننا بانفسنا
والسلام عليكم ورحمة الله وبركاته


(thabet69) #15

شكرا على هذه المعلومات


(ابن جنين1) #16

شكرا على هذا الموضوع


(ريم فهمي) #17

طريقة العرض رائعة وممتعة جدا ولو اني مهندسة معمارية لكن الموضوع عجبني


(barby girl) #18

جزاك الله كل خير
والموضوع جميل مع اني مليش في البحريه بس عجبتني الزحاليق


(eng_eidsamy) #19

very good and we waiting for more


(elghalii) #20

Veeeeeeeeeeeeeeeeeeeeeeeeeeeeeery Goooooooooooooooooooooooood