ايملك ربح مبلغ (............ )


(algamoudi) #1

السلام عليكم
لست وحدب فالكثير من زملائي يشكون من هذا الموضوع وهو وصول رسائل عبر البريد الالكتروني تعلمك بانك ربحت مبلغ مالي ويطلبون منك بيانات شخصية .
أرجوا إفادتي في هذا الموضوع ولكم جزيل الشكر


#2

طبعا هذه رسائل دعايه سخيفة ويهدفون الى جمع البيانات السخصية لاستخدامها فى عمليات النصب


(MONAYA) #3

السلام عليكمانا كمان اتعرضت لهذا الموضوع ولكنى حذفت هذه الايميلات لانى مش مصدقاها لان ده كله فعلا اكيد نصب ومش كده وبس ده كمان بقى عن طريق التليفون فى شركة اتصلت بينا وقالت ان رقم تليفونا كسب معاهم ودخلت على النت ووجدت رقم التليفون بتاع الشركة فئة منزلى والمفروض ان يكون فئة شركةلذلك احذركم اخوانى واخواتى ان تاخذوا بالكم ولا تصدقوا هذه الاوهام وان تنصحوا جميع المقربين منكم ان يحترسوا


(checco_only) #4

السلام عليكم … فعلا الموضوع ده حصل مع ناس كتير و أعتقد أنا واحد منهم … و على فكرة هي واحدة من مليون طريقة لغسيل الأموال … انا في حياتي الحقيقة إتعرضت للعملية ديه تلات مرّات … في الأول كانت قصة طويلة عريضة … عشان في النهاية ياخدوا البيانات … و طبعاً … اتكلمت مع ناس كتير في الموضوع ده … و وصلت إلى إنه هوة بمجرد ما يحصل على بيناتك … و أهمهم طبعاً اسمك و رقم حسابك في البنك … و طبعا كالمعهود إن أي حساب علشان يتفتح في البنك لازم يبدأ بمبلغ معين و ليكن 5000 جنيه مصري … المهم … الشخص الغريب ده بيحاول إنه يحسسك إنك كسبت في ( مثلا ) سحب سنوي على الإيميلات … أو أرقام التليفونات … و طبعاً يحاول يدّيلك رقم حلو و كبير عشان تتشدّ للموضوع … و بعد كده … تتابع معاه … و اللي يغلط بقى هوة اللي يديله بيناته كلها بالإضافة طبعا لرقم الحساب البنكي … طبعاً الشخص الفريب ده المفروض إنه هيحول عليه المبلغ اللي قالّك عليه … و لكن هوة بيحول عليه أي مبلغ و ليكن مثلاً 1 دولار … و في لحظة تحويل المبلغ ده … بيعمل عن طريق الكومبيوتر و ببرامج خاصة عملية قرصنة على الكوبيوتر بتاع البنك … و يحول الرصيد اللي موجود في حسابك على حساب تاني ( المفروض إنه هوة بيمتلك الحساب التاني ده ) … فبالتالي هوة بكده قام بعملية غسيل الأموال بنجاح … و كنت إنت الخسران بسبب إنّك على الأقل ما حاولتش تتأكد من صحة وجود الخبر ده … أو من وجود الشخص ده …
أبسط الأمور إنك لو عايز تجاريه … إوعى تفكّر إنّك تدّيله رقم حسابك في البنك … أخرك معاه العنوان … و هوة فعلاً لو عايز يبعت فلوس يبعتهالك على العنوان في شيك أو طرد بنكي …
إنما بقى للزميلة اللي بتقول على موضوع إتصل بيها تليفونياً و عرفت نمرته … طب يا ترى ما حاولتيش تعملي فيه محضر … على الأقل تقللي من عددهم واحد :slight_smile: … ده لو كان في إيديك …
و شكراً و أتمنى إني أكون فدتكم و ما أكونش طوّلت عليكم


(العبد الطامع فى رحمة الله) #5

السلام عليكم ورحمة الله وبركاته وبعد:
هذه الرسالة وصلتنى فعلا وكدت ان اصدق كما حصلت لاشخاص كثيرين فى بلدنا ولكنى اتعظت بهذه القصة التى حدثت فعلا حقيقة امامنا فى البلد واليكم هذه القصة بالتفصيل
ارسلت احدى هذه الشركات رسالة كالتى نتحدث عنها لرجل عندنا وكان يسافر الى السعودية
والدليل ان اللى بيبعت هذه الرسالة فى اخرها يذكر اسم رجل هولندى يدعى john والمهم
هذا المسكين كان لايعرف الترجمة فلحسن حظى انا لن هو ذهب للمدرس اللى انا عنده
علشان يترجمله الرسالة وبالفعل صدق هذه التفاهات بل وانساق ورائه بمساعدة هذا المدرس
وكان المدرس يتصل كل يوم بهذا الهولندى لانه كان يرن فقط عليهم فهذا الرجل المسكين كان
يقول للمدرس اتصل عليه الى ان جاء موعد سفره فاجل السفر واستمر فى هذا الموضوع الى
ان صرف حوالى 3 الاف جنيه على الموبايل فقط فعندها قال له انت نصاب على التليفون ثم سافر وهناك حكى ماحدث له لصاحبه الذى يعمل عنده فصدق هو الاخر بل وقوم له مترجم ليرافقه فى هذه الرحلة فقام بالاتصال على هذا الرجل الهولندى مرة اخرى وطلب هذا الرجل الهولندى منه ان يحول له مبلغ وقدره على حسابه البنكى وفعل ثم اتصل به وقال له اذا اردت المبلغ الذى ربحته فتعال الى هولندا لتاخذه وهنا اقتنع كل من شجعه بان العملية من الاول كانت نصب ولكن بعد فوات الاوان
ولهذا لم انساق وراء هذه الرسالة لاننى كنت اعرف انها نصب
واحذر كل الاخوة من الانسياق وراء هذه العمليات التى يقوم بها اناس لادين لهم
ولو قام كل من وصلته هذه الرسالة بفتحها الان فلا ريب من انه سيجد هذا الاسم فى اخر الرسالة وهو الذى يدعى John الهولندى الجنسية
واطالب كل من يقابل من جائته هذه الرسالة ان ينصحه ويبرهن له بهذه القصة الواقعية و والله لقد وقعت حقا ولقد دللت على صحتها باسم هذا الرجل الهولندى