الفيروس الصينى و فيروس Sality و فيروس ال Openwith

السلام عليكم و رحمه الله
النهارده هاتكلم عن الفيروس الصينى و فيروس Sality و فيروس ال Openwith ز متستعجبش عشان كلهم بيدخلوا الكمبيوتر فى وقت واحدو بيعملوا حاجات غريبه سهل تكتشفها و الحاجات دى زى مثلا :
1- اغلاق تام للريجسترى ايديت و اغلاق تام لل msconfig
2- لو نازل عندك انتى فيروس و تيجى تشغله يقفل لوحده و لو جيت تنزل انتى فيرس يجى لاخر خطوره و مينزلش و لو عايز تشيل انتى فيرس موجود عندك ده مستحيل
3- مش ممكن تفتح معاك اى site خاص بشركه انتى فيرس زى www .kaspersky. com
4- كل شويه يتفتحلك موقع اباحى صينى و الكمبيوتر يطلب منك تسطيب اللغه الصينيه عشان الموقع صينى و مليان كلام صينى
5- ساعه الكمبيوتر تقل 4 سنوات يعنى لو 2008 تبقى 2004
6- اى كليك يمين على اى برتاشين يديك كلام صينى بدل اوبن
7- تحس ان الميكرو بروسيسور بيصارع و على طول الusage بتاعته 100%
8- اعطال لا حصر لها فى النت وورك و الغريب ان لو جهاز مصاب على النت وورك فى ظرف 30 ثانيه يضرب كل الاجهزه بمجرد فتح اى حاجه على النت وورك
9- يقفل الاكسبلورر و يعطل الدوس اللى تحت الويندوز
10- يخلى الباك جراوند سوده حتى لو حطيت صوره
11- الجميل باه انك لو عملت فورمات للبارتيشن اللى عليه الويندوز و نزلت ويندوز جديد برضه هيفضل معاك و تقدر تتاكد انك لما زى الباشا تنزل ويندوز و تبص فى ساعه الويندوز او تكليك يمين على برتاشن و انت حتى مسطبتش اى برنامج و لسه كمان معملتش التعريفات عشان الفيرس بينزل و يستخبى فى الفوليوم انفورميشن بتاعه باقى البارتيشنات
12- لو جبت الحته بتاعه show hidden file هتلاقى متعلم على الاتنين show و dont show او مش متعلم على اى حاجه منهم (سبحان الله بجد)
13- بعد فتره زمنيه و دى معدش عليا الحمد لله بيبوظ الماذر بورد كهارد وير يعنى يخلى الجهاز يفتح و يعمل ريستارت يفتح و يعمل ريستارت حتى لو رميت الهارد فى الزباله و جبت هارد جديد
14- تعريفاتك تقع زى البرينتر او السكانر و يعينى على بطء الجهاز و الشبكه بمعنى ان لو برينتر على الكمبيوتر بتاعك او على اى كمبيوتر و حبيت تطبع خلال النت وورك روح صلى و اشرب شاى و سيجاره و بعدين روح شوف ورقتك عشان ادامها نص ساعه لحد متطبع

ملخص الموضوع ان الغرض منه تدمير الجهاز هارد وير و سوفت وير

طيب و الحل معاه ده اعمل ايه

قلتلى تعمل ايه بص يا سيدى و فتح دماغك
1- تاخد الهارد زى الباشا و تروح لواحد صاحبك عنده كاسبرسكى اصدار 7 (اخر اصدار) و يكون عامله اخر ابديت فى التو و اللحظه و بعدين تحط الهارد بتاعك عنده سلاف
2- اوعى تخلى هارد هو اللى يعمل البوت ليضرب الهارد السليم كمان لازم الهارد السليم هو اللى يعمل البوت
3- لما يعمل البوت و كله يبقى تمام افتح الكاسبر نفسه و اعمل سكان للهارد كله (الهاردين مع بعض يعنى)
4- اوعى تفتح او تكليك يمين على اى برتيشن فيهم او من الاخر متفتحش ماى كمبيوتر اصلا و كمان اوعى تعمل حاجه او تشغل جيمس او اى حاجه
5- الجهاز عمل سكان و طلع بلاوى و عملتلها ديليت و كله تمام مش كفايه يا معلم
قول للانتى فيرس يفحص الهارد المصاب لوحده كل ده و انت بتفتح الانتى فيرس من قائمه ستارت
6- عملت سكان تانى و فى الغالب هيطلع فيروسات تانى اعملها ديليت تانى
7- كمان مره عشان الحبايب الهاردين مع بعض و سكان و لو طلع حاجه ديليت و تفضل كده لغايه على الاقل مرتين يبقى مفيش اى حاجه ظهرت
8- تفك الهارد اللى مصاب و تركبه لوحده و من غير متفتحه و لا يعمل بوت تخلى الجهاز يحمل من السى دى روم و تنزل ويندوز بعد فورمات طبعا لبارتيشن السيستم
9- نزلت الويندوز افتح الهارد المصاب لوحده برضه و قول بسم اللى الرحمن الرحيم و دوس كليك يمين على اى برتيشن لو ظهرت اوبن مظبوطه يبقى حمد الله على سلامه الهارد و لو لسه صينى يبقى عيد الكره من الاول
10- لو المشكله اوبن ويز بس نزل الباتش اللى انا رافعه مع المرفقات و متنساش تشوف ساعه الكمبيوتر 2004 و لا مظبوطه

نتيجه كل اللى حصل

جميع الالعاب و البرامج عندك باظط او اتمسح منها ال exe بس مش مهم …المهم بيناتك و شغلك متمسحوش و الكمبيوتر بتاعك تمام و شغال

و اعرف ان ربنا مراقبك و لو ظهرت اعراض الفيرس افصله عن باقى الشبكه عشان متضربش اجهزه تانيه جنبك و نصيحه لازم يبقى عندك انتى فيرس معموله اخر تحديث عشان الخبراء بيقولوا ان اى جهاز يدخل الانترنت بدون برنامج حمايه يبقى بالظبط بعد دقيقتين جهازك اتصاب و بعد 12 دقيقه بقيت عرضه لاى هاك او متلصص او مدمر للكمبيوتر بتاعك فى لحظه حتى لو انت محستش بكده

و حاول كل شويه تشوف التاسك مانجر بتاعك و تشوف فى البروسيس البرامج اللى شغاله و حاول تعرف ايه ده و ايه ده و هل فى حاجه شغاله مش عارفها و لا لا عشان ممكن اكيد يكون هاك عليك او باتش حقير مراقبك

و يا رب ينجى الجميع و شكرا ليكم على قرائتكم للخطبه الطويله دى و يا رب يكون حد استفاد منها حاجه
و متنسونيش بالدعاء و ربنا ييسر لى امورى و يوفقنى فى شغلى
السلام عليكم و رحمه الله

12-

thanks

الله ينور عليك

thnnnnnnnnnnx man

الله ينور عليك

مشكور

الله ينور عليك و على و الديك
انا كنت محتاج الموضوع فتره و غلبت فيه و الحمد لله الباتش المرفق انهى لى موضوعى كاملا و بارك الله فيك و موفق و الى الامام و مزيد من التفوق

الله ينور عليك

مشكوووووووووووووووور

مشكوووووووووووووووووووووووووووووور

thank u so much

thank u so much

الله ينور عليك

الفيروس ده …sallity أصابنى من 4 أيام مضت …كنت بكلم الصين وإتبعتت لى رساله بصوره لمضخه …أعتقد إنه موش مقصود…لغنه موقع على بابا…وهو موقع معروف يعنى موش هيصدر الفيروسات على إعتقادى يعنى…المهم الفيروس مسح ألغاب كثير وإمتداتات exe وخد مجهود يومين على إما نضفت الهارد…Avast كان مناسب بس ىخر إصدار ومجدث والحمد لله كنت محتفظ بنسخه حديثه من أفاست المجانى و…لى إذن إستعمال…لها لمده سنه…والحمد لله قام بالمهمه على أكمبل وجه بسش بشرط الكهرباء ماتقطع ومتخشش أى مكان …وكمان…لو زادت الفيروسات…تدلت…وتبدا تانى…من المكان اللى إنتهيتمنه أو قبله بشويه…وتعيد على الجهاز تالت ورابع
http://www.avast.com/get/uUCHX1LX?omcid=FB_AA_Recommendation