سؤال بخصوص صبة السقف

لو سمحتم يا باشمهندسين كان ليا سؤال وانا راجل مش متخصص ياريت لو تفيدوني بنوع من التفصيل لو تكرمتم
** انا عاوز اصب سقف الدور الاول علوي لبيتي وهو مؤسس بدون عمدان على الجدران وفى الغالب معظم الجدران عرض طوبتين من الطوب الاحمر الصغير ومساحة السقف تقريبا90م2
انا كل اللى اعرفه هو :-
تقريبا هاحتاج 500 كيلو حديد 12م و 500 كيلو حديد 10م بالاضافة ل 100 او 200 كيلو حديد الرفيع الرولات
وتقريبا 7 طن اسمنت دا بخلاف الرمل والسن مش فاكر الراجل اللى هيصب قالى تقريبا 3 متر رمل و 2 متر سن
وقالى ان معيار الخلطه هو 6 شكاير رمل مع 4 شكاير سن مع شيكارت اسمنت واحدة
وكنت قريت فى كام موقع ان مهم ان يكون سلك الرباط اللى بيستخدمه الحداد مفيش فيه صدأ والخشب يفضل على الصبة اسبوعين والصبة تترش مرتين كل يوم خلال الاسبوعين مرة بعد شروق الشمس ومرة قبل الغروب
** فياريت لو تكرمتم تفيدوني بمعلومات صحيحه تخص الموضوع ده من حيث الكمية اللى المفروض اشتريها من الرمل والسن والحديد والاسمنت وبمعيار افهمه يعنى الرمل والسن بالمتر والحديد والاسمنت بالكيلو
ومعيار الخلط فى الخلاطه العادية النسبة الصحيحه تبقى كام وسمك الصبه كام سم تقريبا لانى من اسكندرية والشتا عندنا شتا
وايه الحاجات اللى اخلى بالى منها والصنايعية شغالة فى شغل الحداد المسلح والنجار المسلح والناس اللى بتصبلى والكهربائي اللى هيمدد الخراطيم قبل الصب
----وانا شاكر افضالكم جميعا لكل من يساهم فى مساعدتي ** ربنا يجعله فى ميزان حسناتكم**

السلام عليكم
أول حاجة احب افيدك فيها ان هذا الكلام يلي تقولو هو اختصاص المهندس المدني ف اعرض مشكلتك بقسم الهندسة المدنية وهم حيفيدوك لأن وظيفة المهندس المدني هية حساب الاحمال وحصر الكميات يلي تحتاجها عندك في الدور