سؤال أخر يابشمهندس بعد إذنك. انا فكيت الرداخ لكن لسه مفتحتوش لأن مساميره ماسكة. لكنى لاحظت ان الإبرة معصلجة والشحم اللى عليها ناشف جدا. فكنت هنضف الرداخ واشحم تانى. كنت عايز اعرف هل فى نوع شحم معين يفضل استخدامه هنا؟
نعم ياأخى هو ماأشرت عليه فى الصوره
وممكن
إذا لم تجد كاوتشة السخان أن تقوم بتفصيل كاوتشه من كاوتش الداخلى للسياره
بحيث تضع كاوتشه أكبر من الأصليه وبعد تمام الرباط تقوم بقص الزياده مع
أنه لاتضر
إعجاب واحد (1)
جزاك الله خيرا يابشمهندس محمد.
انا والله فعلا مالقيتش كاوتشة الموديل ده. فجربت بكاوتشة سخان اوليمبيك وقصيت منها. وعمل السخان فعلا لكن فيه تسريب خفيف من الرداخ فهحاول تجربة كاوتشة سيارة.
لكن اخى المشكلة اللى لاحظتها ان بعد قطع المياة عن الرداخ. الابرة مابترجعش لمكانها (وبالتالى الغاز مابيقطعش) وبضغط عليها احس بمقاومة الماء تحتها وكأن فى احتباس ماء تحت الكاوتشة ومش عايز يتفرغ. علما بإن المقاومة قوية كمقاومة إحتباس ماء تحت الكاوتشة، مش مقاومة الكاوتشة نفسها او السوستة.
ازاى بيتم تفريغ الماء ده؟
اخى كمان امبارح انا نضفت وشحمت السخان نفسه مكان ما ابرة الرداخ بتضغط وزر الاشعال هنا مفيهوش اى مشاكل فبالضغط عليه بيفتح الغاز وبتركه بيقفل تماما. لكن مع تركيب الرداخ وفتح الماء وقفلها تقل الشعلات لكن مبتفصلش نهائيا
ياأخى لكل كاوتشه ثقب على جانبها ويقابله ثقب فى المعدن وهذا لابد من مرعاته والتأكد من أن الثقب على جانب الكاوتشه مثقوب وهذا الذى يسمح برجوع المياه مرة أخرى حتى يطفئ الشعله
إعجاب واحد (1)
شكرا للرد يابشمهندس. والله كل رد بتكتبه باستفيد منه. ربنا يجعله فى ميزان حسناتك.
انا اخدت بالى من الثقب فعلا عند تركيب الكاوتشة وركبتها بشكل سليم وسديت حول الثقب. هل ممكن يكون بقايا الكاوتشة القديمة دخلت الثقب وعشان كده الثقب معاكس ولا ممكن يكون فى سبب تانى؟؟؟ لأن الكاوتشة القديمة كانت بايشة ومفتتة خالص.
وهل الثقب ده اتجاه واحد زى البالف يدخل المياة من تحت لفوق بس؟ ولا اتجاهين عادى؟ لأن فيه مسمار على جانب الغطاء العلوى فوق الثقب حاولت افتحه لما كنت بانضف الرداخ لكن معرفتش
إعجاب واحد (1)
أخى أرجو التأكد من الثقب فى الجزئين المبينيين بالرسم نافذين وعند النفخ
فى كل واحد على حده للتأكد من عدم وجود أى شئ يعوق مرور الميه ذهابا وإيابا
إعجاب واحد (1)
شكرا يابشمهندس على المجهود الكبير. نعم يابشمهندس اتأكدت ان الثقبين سالكين. بدأت اعتقد ان المشكلة فى الكاوتشة… هى بدون ماء شكلها طبيعى طبيعى لكن اعتقد ان لما بيتملئ اسفلها بالماء بتعاكس الديسك بتاع الإبرة من الأجناب وتمنعه من النزول للآخر. هحاول أجيب كاوتشة عربية وأجرب مشورتك.
هو والسخان ده يابشمهندس مامرش عليك قبل كده؟ اعتقد ان السخان جونكر 11 لتر. هل فى رأيك ماتعبش نفسى بالبحث عن كاوتشته الأصليه لإستحالة ايجادها؟ انا سألت كتير لكن عدد كبير من البائعين بيقولى مفيش جونكر 11 لتر. وواحد طلعلى كاوتشة وقالى دى جونكر 10 لتر لكنها كانت صغيرة جدا
أخى ياسر أنا أعمل بإحدى الدول العربيه فأين أنت لو بعثت لى عنوانك فى ممكن أدلك على شخص يقوم بخدمتك وإصلاح السخان خدمة لسيادتكم إننى أعرف أنك تريد أن تقوم بهذا بنفسك ولكن تقريبا هذه الأمور تحتاج إلى فنى متخصص ليرى العطل ويوصفه ويقوم بالإصلاح
ولكن لى ملاحظه إذا كانت الكاوتشه سميكه يعنى أكثر من ملليميترممكن أن لاتستجيب فلابد أن تكون رقيقه
يوجد
فى بعض أنواع السخانات مجموعه بارزه متحركه توجد أسفل منتصف الكاوتشه فى
بعض الأحيان تتحجر هذه المجموعه ويستحسن فى هذه الحاله إزالتها من مكانها
والإستغناء عنها لأنها تعمل على عدم رجوع الكاوتشه إلى مكانها الصحيح الذى
يجعل السخان ينطفئ
إعجاب واحد (1)
هذه القطعه يجب إزالتها لأنها إن تعطلت حركتها تسبب العطل الذى تشكو أنت منه وهو عدم رجوع الكاوتشه
إعجاب واحد (1)
السلام عليكم ورحمة الله وبركاتة
ساعدوني سخان غاز وليمبيك 10 لتر لازم علشان اشغله افتح المية السخنة المفروض يشتغل اوتوماتيك لا الللي بيحصل اني لازم افتح المية
وبعدين اشيل واحدة بطاريه واركبها تاني يشتغل على طول وكمان بيستهلك بطاريات كتير يعنى ممكن كل اسبوعين بطارية جديدة
ارجو الافادة
ربنا يكرمك ويفتحها عليك يابشمهندس محمد. انت قايم بالواجب واكتر. انا أجد المواقف دى فرصة لإكتساب خبرة جديدة استفيد بيها وافيد اللى حواليا. وانا باعمل ده بحب وهواية. لكنى عارف حدودى ولما بحس ان الموضوع يتعدى قدراتى باقف واستعين بمتخصص
بالنسبة للسوستة فأنا فعلا ضيقتها لأقل ارتفاع لكن المشكلة أستمرت. أنا الان شبه متأكد ان السبب هو كاوتشة الأوليمبك المعدلة. فأنا قمت بعمل قالب بمقاس الكاوتشة من الرداخ نفسه وقمت بصب كاوتشة كاملة بإستخدام السيليكون. والان فى انتظار جفافها وتجربتها
ربنا يوفقك ياأخ ياسر
أما بخصوص الأخ زيزو فاأكبر إحتمال لهذا العطل هو دائرة الإشعال(الكارته) وفى هذه الحاله يلزم تغييرها بأخرى جديده لأنها تهنج وهو الجزئ الإلكترونى فى هذا السخان…
إعجاب واحد (1)
بارك الله فيك اخى محمد على ردك الطيب
بس لى استفسار بسيط حضرتك تقصد الكارتة دى اللى فى الصورة
نعم ياأخى هذه هى الكارته والسخان لو فى فترة الضمان يستحسن تغييرها عن طريق الضمان
إعجاب واحد (1)
جزاك الله كل خير اخى محمد
وربنا ما يحرمنا منك وجارى التغيير…
اخى الكريم محمد انا غيرت الكارتة زى ما حصرتك قولنلى
والعيب زى ما هو مافيش جديد ارج الافادة منك…
أهلا ياأخى
تأكد من صلاحية مفتاح إسمه أند سويتش الذى يفتح دائرة الكارته ويأخذ حركنه من إبرة الغاز
إعجاب واحد (1)